Luke 2:38 - Ubir

³⁸ On wera kaitamom amonai jenikwar on inat God ikakaiwai ato fifi aurin on ikakafun ato osi sabu engon tutufin iyabon God simomousin Jerusalem amonai itrufanis aurin on.

Luke 2:38 Iomraidhean Croise

Luke 1:68

“Ot engon tutufin Bada tanifain, Israel yangan asi God! On inat an sabu inibaisis a iniyawasis mes.

Luke 2:25

On an werai orot wabin Simeon on Jerusalem nan imama. On orot on an yawas totorin wat, God ibeberuai ato on orot on imomousin God Israel yangan itiyawasis aurin. Ayu Kakafotin on on orot bisinai imama

Luke 2:36

Aubairuruotin jenikwar tani wabin Anna kena jever on min Phanuel natun jeverei, osi min Asher an dam warar emon. On jenikwar min itabin kwanda nimtereban ruam nanaba isawar ato on kena jever wat imama on ari an kwanda on orot baibatin sasagis baibatin nanaba isawar. On jenikwar on men meyan tafaror goa an farat ikirir igat inai mabinai mes, on fom ra on God ikwakwafirai, bayu aurin ibifofour a ibabayoi.

Luke 24:21

Ato wei waitutumai On arimon Israel yangan itrufanis mes! Ato dura tani on, atonio bobo imamatar on ari ra ton nanaba isawar.

2 Corinthians 9:15

Ot on God an siwar gagamin bag aurin on tanikakaiwai, atonio siwar aurin on men fofonin arimon awati tanau tanikakafun on.

Ephesians 1:3

Ot on God a Tamat ati Bada Iesu Keriso on tanikakaiwai! Yabin ot tanat Iesu Keriso mat tabikaita on ayubit an siwar engon tutufin safam emon esusur.