Luke 2:10 - Ubir

¹⁰ baise anea on osi auris iyau, “Omi men wonaber mes! Yau on wasagobin omi aurim abo anat, yasisir gagamin bag sabu engon tutufin auris.

Luke 2:10 Iomraidhean Croise

Ann Bokwakwarin 12:3

Yau arimon sabu iyabon om aurim obin sebiyamai on arimon obin auris aniyamai. Ato iyai iyafan in audabim on arimon angaramin an audabai, ato om fasimui on sabu engon tafanamai arimon obin sinboai.”

Matthew 14:27

Ra kaita Iesu auris ikakafun. On iyau, “Omi nunuam sinwani, nin on Yau. Omi men wonaber mes!”

Matthew 28:18

Iesu inat auris iufin ato iyau, “Yau on God baibad engon tutufin safamai a tafanamai on iteu abo.

Matthew 28:5

Anea on jever auris ikakafun iyau. “Omi men wonaber mes. Yau asagob omi on Iesu sikukubarai on wonunuen.”

Mark 1:15

On iyawures iyau, “Wera bag on inat nono, God an Baiaiwab on iufin! Omi ya baikitabir wonboai ato Wasagobin aurin wonitutum!”

Mark 16:15

On iyawures iyau, “Omi wonan au tafanam engonai ato wasagobin wonbino sabu engon tutufin auris.

Luke 1:13

Baise anea on aurin iyau, “Zechariah om men unaber mes! God on om am bayoi itatam, ato awam Elizabeth on arimon natum fifi orot inituai, om wabin unyorai John.

Luke 1:19

Anea iyafotai iyau, “Yau on Gabriel, yau on God nanai atatawar, yau on On iyafareu anat aurim anikakafun a atonio dura aurin on anawurem mes.

Luke 1:30

Anea on aurin iyau, “Mary om men unaber mes; yabin God om ekakaberem.

Luke 2:11

Ato ari ra David an mafamai nan on omi ami Baiyawasotin irat—Bada Keriso!

Luke 24:47

ato On Wabinai wongat sabu engon tutufin auris ya baikitabir a God asi bokomas inbinotbur an dura on auris wonbino, ato omi ainau on Jerusalem nan wonbosuruf.

Luke 8:1

Ra fani isawar gibunai Iesu mafam gagamis a mafam gugudis amosi nan ibib God an Baiaiwab aurin on Wasagobin ibibino. Baigibubunuotis auyotoat sasagis ruam on mat sinai,

Acts 13:32

Ato wei on atonio nin Wasagobin omi aurim wankurereb mes: mamaba ainau wawat agirit auris iyaumatan itafour mes, ato On ari osi nanatus auris on ifour, On Iesu rabob emon ibobaimisirai iyawas. God an dura buk Psalm amonai sigayam yayab bairuin, on nan siyau, ‘Om on Yau Natu; ari on Yau anat Om Tamam mes amatar.’

Romans 10:15

Ato sabu dura bobibotis on men sitiyafares sitgat on, mamaba arimon dura sitkurereb? God an dura buk amonai sigayam siyau, “Sabu Wasagobin sibo senat sekurereb ato osi sabu iyabon dura yasisirai setatam seboai, osi auris on iyobin bag!”

Ephesians 3:8

Yau on wabiu ambin bag God an sabu engon auris; baise God atonio bobo iteu Wasagobin ato Keriso On sawarotin aurin on men fofonin awati tanikakafunen on, sabu men Jew yangan auris on anboai angat mes,

Colossians 1:23

Omi ami baitutumai on nana wonfaskikin amm wonrou tutut sintari, ato omi wasagobin wotatam wobitutum on men woniyamai inafeu mes. Atonio wasagobin aurin on yau Paul anat Keriso an agirotin amatar—atonio wasagobin on ari tafanam amonai sabu engon tutufin auris sebibino.