Luke 17:25 - Ubir

²⁵ Baise On ainau on arimon inikokosarai bag a ari ra on sabu arimon sinisisiweiai.

Luke 17:25 Iomraidhean Croise

Matthew 16:21

On an werai on Iesu ibosuruf dura rerebai nan an baigibubunuotis iyawures, “Yau on anan au Jerusalem ato sabu kawian, priest aiwabis, a Baifafaro an baibebeotis on arimon baikokosar siniteu. Yau on arimon sinirabobiu, baise ra baitoninai on God arimon rabob emon inbobaimisireu an yawas men.”

Matthew 21:42

Iesu osi auris iyau, “Dura bag omi God an dura buk amonai sigagayam on woiyab: ‘Arir ato goa baigoyonotis matan ainau sit on men obin on mes sisisiweiai ato gibui sisagob on arir on iyobin bag, mat gagamin bag arir engon tefasi. Atonio bobo on Bada ifour; ato taitai on iyobin bag!’

Mark 10:33

On iyawures iyau, “Omi wontatam, ot on tageg au Jerusalem nan Orot Natun arimon priest aiwabis a Baifafaro an baibebeotis osi imasi sinyagai. Osi arimon sinimakiai inarab namon sinboai sabu men Jew yangan on imasi sinyagai.

Mark 12:10

Dura bag omi atonio God an dura buk amonai sigagayam on woiyab i? “Arir ato goa baigoyonotis matan ainau sit on men obin on mes sisisiweiai ato gibui sisagob on arir on iyobin bag mat gagamin bag arir engon tefasi.

Mark 8:31

Namon Iesu ibosuruf an baigibubunuotis ibibebeyes: On iyau, “Orot Natun on arimon inikokosarai kwakwan ato sabu kawian, priest aiwabis a Baifafaro an baibebeotis osi arimon sinisisiweiai. On arimon sabu sinirabobai, baise ra baitoninai On arimon rabob emon inmisir inyawas men.”

Mark 9:31

yabin On an baigibubunuotis ibibebeyes on mes: On iyau, “Orot Natun on arimon sinboai sabu imasi sinyagai sinfatumai ato sinasubun. Baise ra baitonin gibunai On arimon inmisir inyawas men.”

Luke 18:31

Iesu baigibubunuotis auyotoat sasagis ruam on iboes mabisi sinai nan ato auris iyau, “Omi wontatam! Ot on tanan au Jerusalem on nan ato aubairuruotis dura aifan engon Orot Natun aurin dura buk amonai sigagayam on innat inidura bag.

Luke 18:33

On arimon sinaswabirai ato sinasubun baise ra baitoninai on arimon inmisir inyawas men.”

Luke 24:46

ato On osi auris iyau, “God an dura buk amonai atonio nanaba sigayam siyau: Keriso on arimon inarab ato ra baitoninai on inmisir men,

Luke 9:22

ato On an dura nana ibotein iyau, “Orot Natun on arimon inikokosarai kwakwan a sabu kawian, priest aiwabis, a Baifafaro an baibebeotis osi arimon sinisisiweiai. On arimon sinirabobai, baise ra baitoninai on God arimon rabob emon inbobaimisirai inmisir inyawas men.”

John 1:11

On inat Toun an tafanamai, baise On Toun an sabu on men sibo on.

John 12:38

onai aubairuruotin Isaiah dura aifan i’yau on inat idura bag: On iyau, “Bada, wei dura wabikakafun on iyafan intatam initutum? Sabu iyabon auris on Bada an faiwar rerebai ibo igat iyoboes i?”