Luke 12:15 - Ubir

¹⁵ Namon Iesu on an dura ibotein sabu engon tutufin auris iyau, “Omi matam woneit a wonkaifarem tiwag, tafanam an sawar magis magis auris; yabin orot an yawas bag on men ato sawar aifan ebinoanai ba on, basit on sawarotin min on.”

Luke 12:15 Iomraidhean Croise

Mark 7:22

ebireg nan, ebiafeyan, bobo komasis ta ta efofour; baisigogo dura ebiyamen, bobo komasis, ebiboboar, ebisigogo, etaseseir, kokok ba-osi komasis engon on orot nunuan emon ebiyamai edudum.”

Luke 12:16

Namon Iesu atonio dura kawen on auris idudur: “Ra tani orot sawarotin an motobai on fesi obis wat ibofefes ato bayu min yabis gagamis simatar.

Luke 16:14

Pharisee yangan atonio dura engon sitatam on osi Iesu sikoboai sisererai yabin osi on agim sinuaboai kwakwan on mes.

Luke 21:34

Iesu an dura nana ikakafun iyau, “Omi matam woneit! Omi men ami not engon on forag aurin a sareu wawanis wonatom wonbikokok aurin a atonio tafanam an yawas aurin wonyein kwakwan mes, o on Ra on arimon innat inbisafurem on omi men wobotitiwagim on.

Luke 8:14

Fesi ato gabarur amosi sifefeu an yabin on, osi sabu dura setatam; ato atonio tafanam an yawasai on ebiyames sebiyababan, agim sawar auris, a tous senonosis sebiyasisires on yawas wat ebibonues ato etoutan on mes osi uwas on men semamari on.

1 Corinthians 6:10

o sebabainau o sebiafeyan sareu wawanis setotom sebikokok o wantoan seyayanu o wantoan seyayake, osi sabu nanaba on men arimon God an Baiaiwab sinboai on.

Colossians 3:5

Ainau ato osi bobo auris on woidura bag, on mes bobo komasis on engon wonibagunen. Bobo komasis men wonbiyamen min ato: Omi men kuke foro asi yawas ba woniyayar mes, omi men fetag usim wontobon bobo komasis auris, a mat omi men osi bobo baiyamin auris on woninonotim mes, a omi men wongogoi kwakwan bobo komasis wonafour mes a omi men sawar sigaraba auris ba wongogoien mes, (yabin omi sawar sigaraba auris wongogoi kwakwan on God omi nunuamui emama on worukou igat ato an garamin omi on osi sawar on wokwakwafiren.)

2 Timothy 3:2

Sabu arimon sawar obis singaturen on tous auris wat sinnosis, a agim sawar auris siniafeyan, osi tous sinbogagaiis, osi tous sintaseseiris, osi arimon tuturas mat dura komasis sinbikakafun bonen, osi arimon a’yos tamas auris sinbifonaseir, om yawas obis osi auris unfofour ato osi arimon men sinikakaiwim on a osi arimon kous God aurin sinyein;

Hebrews 13:5

Omi ami yawasai on men agim aurin on woninuabo kwakwan mes, ato sawar aifan aurim sen on fofonin, yabin God iyau, “Yau men anikirirem mes; Yau men anikirirem unafeu mes.”

2 Peter 2:14

Osi on ra engon jever sebimateteis ato sebabasies sinboes mat sinama mes. Osi ato mamai an bobo komasis sefofour on tous usis amosi wat aurin on sebiyasisires. Ato osi iyai iyafan seitai on an baitutum God an dura maiauin aurin on men efaskikin tiwag, osi baisigogo baibebeotis on totor dura momonis on orot o jever aurin sebikakafun ato sekokonatai. On etaiai on omi sebiyamem osi asi baigibubunuotis mes womamatar. Mat osi sabu on bobo nanaba sefofour simanam, ato sit on bobo obin on mes sabu bisisi emon agim a sawar on nana sebobo. Ato God inonotai nono, an garamin osi sabu inimakies mes.

2 Peter 2:3

Osi sabu on agim a sawar auris on men sunub sebimasisig on. Osi sabu on baisigogo dura tous asi notai siniyamai aurim sinikakafun ato, omi osi asi dura aurin wongogoi on, osi sinawurem ato osi sabu auris on ami agim a sawar wonites. Ainau bag God iyau, sabu iyabon ato osi bobo on nanaba sefofour on, arimon baimaki anites, ato on dura on men asir fetag ikakafun on, osi tous asi baimaki on sibotitiwag nono. God on inonot arimon men sunub inimakies on.