Luke 1:58 - Ubir

⁵⁸ On an sabu a an dam warar duran sitatam mamaba Bada ikakaberai on, osi mat engon on aurin on men sunub siyasisir on.

Luke 1:58 Iomraidhean Croise

Ann Bokwakwarin 19:19

Om on am moa obin yau auriu a ukabereu, mat Om yau uyawasiu. Baise yau men fofonin anayai anan oyauai angat on. Komasin arimon innat inboeu anarab.

Ann Bokwakwarin 21:6

Sarah iyau, “God on yasisir a serer ibo inat auriu. Sabu engon durau sintatam arimon yau mat wanserer.”

Luke 1:14

Om arimon men sunub uniyasisir, ato on fifi inrarat on sabu fani sigaraba mat arimon siniyasisir!

Luke 1:25

Elizabeth iyau, “Ari weie Bada on etaiai on ibaisiu. On atonio bobo iyamai imatar onai sabu matasi gibui men anbomamai mes.”

Luke 1:57

Elizabeth an wera inat fifi itituai mes, ato fifi orot ituai.

Luke 14:12

Namon Iesu on dura ato orot goa matuanin on iyor inat on aurin iyau, “Om aiyet an bayu o rabirabi an bayu unbotitiwag on men om turam o taitaim tutuam, o om am dam warar o sabu fani sawarotis—osi unibebegis mes, osi on arimon angaramin sinibebegim men, on etaiai ato aifan bobo ufofour aurin on arimon sinigaraminem men.

Romans 12:15

Sabu iyabon sebiyasisir on mat woniyasisir, sabu iyabon setotou on mat wonatou.

1 Corinthians 12:26

Usit turin tani ebikokosar on, ato usit amonai tuturis sigaraba sen on engon sebikokosaris; ato usit turin tani sebifain on, usit tuturis tutufin engon arimon siniyasisir.