Luke 1:13 - Ubir

¹³ Baise anea on aurin iyau, “Zechariah om men unaber mes! God on om am bayoi itatam, ato awam Elizabeth on arimon natum fifi orot inituai, om wabin unyorai John.

Luke 1:13 Iomraidhean Croise

Ann Bokwakwarin 17:10

Om a wawam agirim on engon wonibasit ato orot engon sanamui on woniaskibubues.

Ann Bokwakwarin 17:19

Baise God iyau, “Ambin bag! Om awam Sarah on arimon natun fifi orot inituai ato wabin unyorai Isaac. Yau au dura bo baibasit on fifi orot a wawan agirin auris aniyamai. On dura bo baibasit on arimon inen wantoan au wantoan.

Ann Bokwakwarin 18:14

Atonio on men bobo aifan tani wawanin BADA aurin on. Yau awurem au, ari ra inan roke nimtereban bat insawar weie yau anmatabir men ato Sarah arimon fifi orot inituai.”

Ann Bokwakwarin 25:21

Rebecca on arin on mes Isaac on BADA aurin ibayoi awan Rebecca aurin fifi itituai mes. BADA on Isaac an bayoi iyafotai ato on awan Rebecca on inafot.

Matthew 1:21

On arimon natun orot inituai ato om wabin unyorai Iesu-yabin On arimon an sabu asi bokomas emon on iniyawasis.”

Matthew 14:27

Ra kaita Iesu auris ikakafun. On iyau, “Omi nunuam sinwani, nin on Yau. Omi men wonaber mes!”

Matthew 28:5

Anea on jever auris ikakafun iyau. “Omi men wonaber mes. Yau asagob omi on Iesu sikukubarai on wonunuen.”

Mark 16:6

On iyawures iyau, “Omi men woniror mes.” Yau asagob omi Iesu Nazareth emon nabai sikukubarai on wonunuen. On men nin-On rabob emon imisir men! Woit, On efan atonio nin siyein i’yen.

Luke 1:14

Om arimon men sunub uniyasisir, ato on fifi inrarat on sabu fani sigaraba mat arimon siniyasisir!

Luke 1:30

Anea on aurin iyau, “Mary om men unaber mes; yabin God om ekakaberem.

Luke 2:21

Tafaror kaitamom isawar ato fifi orot an wera inat sitiaskibubuai mes, ato osi wabin siyor Iesu, anea atonio wab on Mary itai weie on gibui inafot.

Acts 10:31

ato iyau: ‘Cornelius! God am bayoi itatam ato om am siwar sabu kokoianis auris ubibaisis on inosim.