John 10:3 - Ubir

³ Orot metewan an kaifarotin on aurin metewan eruruseren; ato On an foro sheep wabisi bag eyoyores on, fonan setatam ato ebinetewaris segat.

John 10:3 Iomraidhean Croise

John 10:14

Yau Tou on foro sheep kaifarotiu obiu. Yau Tamau isagobiu a Yau Tamau asagobai, on eta kaitamomai Yau au foro sheep on asagobis a osi foro sheep on Yau sisagobiu. Ato Yau agogoi fofoniu osi auris anarab.

John 10:16

Foro sheep fani mat Yau ebinoaniu ato osi on men nin foro sheep asi goai on. Yau osi mat anboes annat; osi arimon Yau fonau sintatam, ato osi arimon sinnat kuayo kaitamom sinmatar ato asi kaifarotin min kaitamom wat.

John 10:4

On iboes segat mom, On ainau nasi enan ato foro sheep on sebigibubunuai yabin osi On fonan sitatam sisagob.

John 10:9

Yau on metewan. Iyai iyafan Yau amoui inar on arimon God iniyawasai; on arimon inar a ingat wayo ingaturen.

John 6:37

Sabu engon tutufin Yau Tamau ibiteu on arimon sinnat auriu. Yau men arimon iyafan tani anisisiweiai ato osi sinnanat auriu on,

John 6:45

Aubairuruotis dura buk amonai sigayam siyau, ‘God arimon sabu engon tutufin inibebeyes.’ Iyai iyafan Tamau aurin tainan erereben a On emon esasagob on auriu innat.

Romans 8:30

On mes God ato sabu iyabon mabisi iyeyeinis on iyores; a osi sabu iyabon On iyoyores on On Toun matanai asi yawas totorin simatar, a osi sabu iyabon ifouris sinnat On matanai asi yawas totorin simamatar on, On mat Wabin duran gagamin on sinfasararam.

1 Corinthians 16:9

yabin yau au eta obin iruseren yau auriu, bobo gagamin anabo God an dura ankurereb mes, basit sabu sigaraba sebiragiteu au bobo sebikomasai min on.

Philippians 4:3

Ato om mat turau baitutumotim, om abifefeyanim au bobo tani uniyamai weineu. Om awurem ato jever ruam unibaisis unboes sinikaita ya obin sinboai men. Rorob yau nan God an wasagobin sabu auris akurereb on, orot wabin Clement a sabu bobo’otis fani on yau sibaisiu, a osi jever ruam mat sibaisiu bobo gagamin waboen. Osi on God an buk yayawasinai nan wabis igayamen sen.

Colossians 4:3

Mat omi wei auri wonbayoi ato God arimon wei auri eta inruseren weinei Keriso an wasagobin buburin wankurereb. Yau on fafatum goai amama yabin yau wasagobin akurereb on fasinai.

2 Timothy 2:19

Baise arir wawanin God an ekalesia irorouin on men fofonin siniyuyunai on; ato on arirai on atonio dura sigayam siyau: “Bada isagob sabu iyabon On ebinoanai on” ato “Iyai iyafan ebikakafun yau, on Bada ebinoanai, basit on bobo komasis ato efofour on inikirir mom.”

1 Peter 1:12

God atonio aubairuruotis iyoboes on, osi bobo sinbobo on men osi tous asi obin aurin on, baise omi ami obin aurin, ato osi dura maiauin aurim sibikakafun min ato ari wotatam, ato osi sabu dura bobibotis on Ayu Kakafotin an faiwar safam emon isur on ibaisis Wasagobin sikurereb. Atonio osi dura maiauin aurin on anea mat segogoi bag sinsagob.

1 John 4:6

Baise ot on God ebinoanai. Iyai iyafan God isasagobai on ot fonat etatam; iyai iyafan men God ebinoanai on, men ot etatamit on. Atonio eta nanaba on, tansagob menan on Ayu maiauin a menan on ayu baisigogo’otin.

3 John 1:14

Yau anonosin kafakakai mom annat ato rut mom tanidudur.

Revelation 20:15

Iyai iyafan wabin men buk yayawasin amonai sigayam yen on, siribirirai isur una an wairafai nan.

Revelation 3:20

Omi wontatam! Yau metewanai atawar ato arugegedan; iyai iyafan Yau fonau intatam ato metewan inruseren on, Yau arimon anar an goa amonai ato Yau on rui bayu wanam a on Yau rui bayu wanam.

Revelation 7:17

yabin Orot Foro Sheep boboun On mamage basunai emama on arimon osi asi Kaifarotin mes inama ato On arimon inbonanawaiis sinan sareu dogu emon egeg yawas ebites on nan singat. Ato God arimon matasi emon maturus engon insafanen.”