James 5:16 - Ubir

¹⁶ On mes omi toum ami bokomas aurin on tuturam mat woniyatet bonen, a toum tuturam mat wonbayoi bonen, onai omi arimon wonyawas. Orot jever ato God an gogoi efofour on, an bayoi on faiwarin bag.

James 5:16 Iomraidhean Croise

Ann Bokwakwarin 19:29

God mafam gagamis ato roubabanai siyen on engon ikomasen menan Lot imama nan, baise On Abraham an baifefeyan on inonotai on mes Lot komasin itgagaturai emon on irufafarai ibo igat iyawas.

Ann Bokwakwarin 20:17

Bobo aifan Abraham awan Sarah aurin imatar on mes, BADA iyamai Abimelech an aiwab goa amonai jever men fofonin fifirig sititu on. On mes Abraham ibayoi Abimelech aurin ato God iyawasai. Abimelech awan a an agirotis jeverig mat siyawas ato fofonin arimon fifirig sinitu.

Ann Bokwakwarin 20:7

Baise ari on jever ebo awan orot eitai men. Abraham on aubairuruotin, on arimon om aurim inbayoi ato om men unarab. Baise om jever men unbibitai men on, Yau tainam ayeyeinin on om arimon unarab, om a am sabu mat engon.

Ann Bokwakwarin 32:28

Namon orot iyau, “Om wabim on men arimon sinyorem Jacob baise sinyorem Israel, yabin om God rum a orot fani mat woiyerarat ato tefasi ukayam.”

Matthew 21:22

Omi wonbitutum on, wonbayoi God aurin wonbifefeyan aifan sawar tani aurin on arimon wonboai.”

Matthew 3:6

Osi asi bokomas siyatet ato John on Jordan Sareuai nan ibapataitois.

Mark 1:5

Sabu engon tutufin Judea tafanam emon a Jerusalem mafam gagamin emon sigat sinai John an dura sittatam mes. Osi asi bokomas siyatet ato on Jordan Sareuai nan ibapataitois.

Luke 9:6

Baigibubunuotis sinai ato mafam mafam sibib Wasagobin sibibino a tafanam au engonai on sabu sibiyawasis.

John 9:31

Ot tasagob God on men sabu bokomasotis fonas etatam on; On sabu ato osi iyabon On sekakafai a On an gogoi mamaba sefofour on fonas etatam.

Acts 10:38

Omi wosagob Iesu Keriso Nazareth emon, mamaba God On aurin Ayu Kakafotin a faiwar aurin idedebur on. On tafanam engon ibib, bobo obis auris ifofour a sabu iyabon Afaguban an faiwar babanai simama on engon ibiyawasis, yabin God on wantoan On bisinai imama.

Acts 19:18

Sabu baitutumotis sigaraba sinat nan asi bobo komasis sifofour on wasai sibiyatet.

Acts 8:24

Simon on Peter a John rus auris iyau, “Arie, omi Bada aurin wonbayoi weineu ato dura ato ubikakafun on men auriu inmatar mes.”

Romans 3:10

God an dura buk amonai sigayam siyau: “Men iyafan tani on an yawas totorin on,

Romans 5:19

Ato orot kaitamom an fonaseir fasin emon on sabu engon tutufin iyames sibokomas, on eta kaitamomai orot kaitamom an fonabo fasin emon on God arimon sabu sigaraba inboes iniyames On matanai asi yawas totorin sinmatar.

Colossians 1:9

On fasinai wei ainau omi ami dura watatam on wei ra fufur aurim wababayoi, wei God wabifefeyanai On an gogoi on inibonuem a an gigiboan an sagob tutufin on an Ayuai initem.

1 Thessalonians 5:17

omi ra fufur wonbayoi,

1 Thessalonians 5:23

Wei God aurin wababayoi On tuf ebitet on infourim eta au engonai on ami yawas tutufinai On aurin wonkutetim kakafotim wonmatar a usim engon tutufin ebotan—ayubim, ayum a usim on inbotanen ato ati Bada Iesu Keriso innanat men on, omi men arimon ubar tani wonboai on.

1 Thessalonians 5:25

Wei taitai tutuai, wei mat auri on God aurin wababayoi.

Hebrews 11:4

Abel an baitutum emon on an sirifu God aurin ikutetai on iyobin bag men Cain an sirifu ikutetai ba. God on iyasisir Abel an sirifu ikutetai aurin. On mes On Abel aurin iyau, “Om on orot am yawas totorin obin wat.” Abel irabob ato an baitutum emon on ari nana aurit ebikakafun.

Hebrews 11:7

Noah an baitutum emon on God an dura itatam ato bobo mamaba gibui sinmamatar aurin on, ato on toun on men matanai it isagob on. Baise on God aurin ifonabo ato wa gagamin bag iyon awan nanatun itiwanis mes. On an baitutum emon on ato bobo ifour sabu iyoboes on osi bobo fetag sifour. Ato on an baitutum emon on inat God matanai an yawas totorin obin imatar.

Hebrews 12:13

Omi eta wonkaifarai tiwag ami yawas totorinai wat wonama, ato iyai iyafan an baitutum esasam ato kafakakai mom inikirir, baise omi ami baiyoboen on initai inboai men ato inafourtobon infaiwar an baitutum inyein men inigibubunuem.

Hebrews 13:18

Yau abifefeyanim omi nana auri wonbabayoi. Wei on wabi dura bag ai not obinai wat God aurin wanama, yabin wei wagogoi ra engon bobo totorinai wat wanafour.

1 Peter 2:24

Keriso Toun on ot ati bokomas on usinai iyabar auman nabai nan igai, onai ot ati bokomas aurin tatarab ato yawas obin totorinai wat tatama mes. On irarabob emon on omi woyawas.

1 John 3:22

Ot Keriso aurin tabifefeyan on sawar ebitet taboai yabin ot on On an baifafaro dura aurin tabifonabo a bobo obis tafofour tabiyasisirai.