James 1:22 - Ubir

²² Omi men toum wonisigoem asir an dura wat wontatam mom mes; baise On an bobo wonabo.

James 1:22 Iomraidhean Croise

Matthew 12:50

Iyai iyafan Tamau safamai aurin ebifonabo on Yau taitaiu, Yau robu, a Yau ayou.”

Matthew 28:20

ato Yau dura mamaba awurem on nanaba sabu engon tutufin wonibebeyis on bobo nanaba sinafour. Ato Yau on arimon ra fufur omi bisimui anama inan au ra kanfoun.”

Luke 11:28

Iesu iyafotai iyau, “Baise yasisir gagamin osi sabu auris, iyabon God an dura setatam ato aurin sebifonabo on!”

John 13:17

Omi ari on atonio bobo wosagob ato iyafan atonio bobo nanaba infofour on, on arimon yasisir gagamin bag inboai!

Romans 2:13

Yabin sabu on men Baifafaro dura setatam nan senat God matanai asi yawas totorin semamatar on, baise Baifafaro dura wawaninai aifan ebikakafun on aurin unifonabo bobo uniyamen on nan unnat am yawas totorin wat unmatar.

1 Corinthians 15:33

Omi men woniyamai sabu sinisigoem mes: “Omi tuturam asi yawas komasis mat wonikaita wonbibib on arimon omi ami yawas obis on sinikomasen.”

1 Corinthians 3:18

Omi men toum wonisigoem mes. Iyai iyafan sanamui on toun enonosin atonio tafanam an yawasai on gigiboanotin, on ato bainonot on inreben ato innat “Ojin,” inmatar onai God infourai gigiboanotin inmatar.

1 Corinthians 6:9

Omi wosagob dura bag sabu iyabon bobo komasis sefofour on arimon men God an Baiaiwab sinboai on. Omi men toum wonisigoem mes: sabu iyabon kuke foro asi yawas ba sebiyayar o baisigogo god sekwakwafires o sebireg nan o orot turan agimai etotobonai mom rus sebiyayar o orot on toun orot turan rus sebiyayar

Galatians 6:3

Iyai iyafan toun enonosin on orot jever gagamin bag ato baise on toun on men gagamin, on min toun ebisigoai.

Galatians 6:7

Omi men toum wonisigoem mes: Omi ami bainonotai on God men wonisobonai mes. Orot fesi mamaba ebofefes on nanaba inkuwain.

Philippians 4:8

Yau taitaiu tutuau, ari on atonio au dura kanfoun on kafakakai wat anikakafun: Omi on woninonotim tiwag mamaba ato bobo obis wat wonfouren aurin on. Bobo on atonio nanaba wonfouren: Yawas on dura bagai wat auris on woninonotim, omi ami yawas on woniyamen tiwag sabu sinifaim, omi ami yawas on woniyamen tiwag engon totoris wat, omi ami yawas on woniyamen engon matafis wat, omi ami yawas on woniyamen engon totoris wat, omi ami yawas on woniyamen sabu sinitem siniduduranim, omi atonio osi yawas wat on woninonotim.

Colossians 3:17

Omi bobo aifan engon tutufin wofofour o dura wobikakafun on Bada Iesu wabinai wat wonafour, Kerisoai on God Tamat wonikakaiwai ato bobo aifan aurim simamatar on.

2 Timothy 3:13

baise sabu komasis a sabu sebisigogoes on arimon nana bobo komasis sinfofour on sinan sinkomas bag, osi sabu fani sinbisigogoes ato osi tous mat sinbisigogoes auman.

Titus 3:3

Ainau bag ot tout mat ati bobo on fetag fetag tafofour, ato osi sabu iyabon Keriso men sisasagobai ba. Sabu siyawuret on men tabifonabo. Sabu fani ot sibisigoet on osi tabigibubunues. Ot tamama on usit an gogoiai nana bobo komasis tafofour a tout wat on tabiyasisiret. Wera au engonai on bobo komasis nana tafofour tamama. Ot sabu fani asi sawar obis taiten ato tabinatutumur ato tagogoi osi sawar obis nanaba on tatabo itinoanit. Sabu tabiyames on men sigogoiit ato angaramin osi men tagogoiis.

James 1:26

Orot jever toun ebitutum on Keriso an baigibubunuotin obin? Ato on toun fafen ebibir on, on an baitutum God aurin on yabin wagat wat, ato on toun ebisigoai.

James 4:11

Yau taitaiu tutuau, omi men toum dura komasisi nan wonawurem bonen mes. Iyai iyafan tain tuan Kerisoai on dura komasis yawur o ebigurubabanai on min Baifafaro an dura on aurin on dura komasis yawur a ebigurubabanai. Om Baifafaro dura ebigurubabanai on, om ari on men baifafaro dura aurin ebifonabo on, baise om on baifafaro dura ebigurubabanai.

James 4:17

Yabin orot jever iyafan isagob on bobo obin itafour, baise on men bobo obis efofour on, on orot jever min ebokomas.

2 Peter 2:13

Osi eta nanaba bobo komasis sabu auris sefofour sabu sebikomasis on arimon angaramin Bada inafour osi sabu inikomasis. Osi ato mamai an bobo sefofour usis sebiyasisiren on men fom amonai wat atonio bobo komasis sefofour on, baise rai mat rereb basun nan sefofour. Osi baisigogo baibebeotis min sinat omi sanamui sirui ato omi woruruayo bobaitab aurin on osi amomui serur mat wobikaita bayu wam. Osi on bobo nanaba sefofour on, omi arimon on mamai gagamin, ato totor wat omi sebisigoem ato omi on osi wobigibubunues.

1 John 1:8

Ot ari tanau, wei auri bokomas ambin, ot on tout tabisigoet ato ot aurit dura maiauin on men yen on.

1 John 2:3

Ot God an baifafaro dura tanbigibubunuai on, ot tabi dura bag On tasagobai.

1 John 3:7

Yau nanatu, omi men woniyamai iyafan tani inisigoem mes! Iyai iyafan bobo totoris wat efofour on inat an yawas totorin wat imatar, ato Keriso an yawas totorin wat ba.

3 John 1:11

Yau turau au nuabo, om men bobo komasis on unigibubunuen mes, baise om bobo obis wat on unigibubunuen. Iyai iyafan bobo obis efofour on God ebinoanai; iyai iyafan bobo komasis efofour on, God men it on.

Revelation 12:9

Mota gagamin on safam emon sirebetet igat! On mota min ainau ainau bag an mota, on wabin min Dau o Afaguban, on tafanam engon tutufin isigoai. On an anea engon tutufin mat sireberires sisur au tafanam.

Revelation 22:7

Iesu iyau, “Omi wontatam! Yau kafakakai mom annat! Yasisir gagamin osi sabu auris osi iyabon atonio buk amonai God an dura ibo egat aurin sinbitutum on!”