Acts 7:8 - Ubir

⁸ Namon God on Abraham aurin dura bobaibasit iyamai, on dura bobaibasit min askibubu aurin baigube iyamai ato Abraham on askibubu aurin on ibasitai. On mes Isaac irat tafaror kaitamom isawar ato Abraham on natun iaskibubuai; Isaac on natun Jacob iaskibubuai, ato Jacob on nanatun auyotoat sasagis ruam on iaskibubues, ot wawat agirit gagamis on.

Acts 7:8 Iomraidhean Croise

Acts 2:29

“Yau taitaiu tutuau: Yau on dura bag wat anawurem ato agirit David aurin on. On irabob sigarobai, ato on an rasi on ari ot bisiti i’yen inat ari ra igat.

Ann Bokwakwarin 35:16

Namon Jacob an dam warar mat Bethel sikirir sinai. On an werai osi sinat Ephrath mafam aurin sibiufin ato Rachel on fifi itarat aurin on koun igigiai ato usibaban gagamin iboai.

Hebrews 7:4

Omi asir wonos mom, on orot on gagamin bag: Basit Abraham on sabu engon agiris gagamin, baise on sawar engon baigagam emon iboen i’nat on ikuseb auyotoat wat matas matas nanaba iya ato turin on ibo Melchizedek itai.

Galatians 3:17

Yau dura aifan abikakafun an yabin min atonio nanaba: Baifafaro on kwanda 430 isawar gibunai imatar, ato dura bobaibasit ato God iyaumatan on men ibo mabinai iyein on.

Galatians 3:15

Yau taitaiu tutuau, yau agogoi atonio ra ari tamama an yawasai sabu asi bobo mamaba sefofour on nan aniyoboem. Men iyafan tani atonio dura bobaibasit orot turan rus sibiyamai on inboai mabinai inyein o dura fani ba inabo tefanai inaya on yabinai abikakafun.

Romans 4:10

Atonio bobo on meyan inmatar? Atonio bobo min ainau o gibui imatar weie Abraham siaskibubuai? Ainau, men gibui.

John 7:22

Yabin Moses on askibubu an baifafaro item nanatum orot wotiaskibubues mes (ato on men Moses askibubu item on, baise omi wawam agirim on sibosuruf), on mes omi on fifi Sabat ra nan wobiaskibubuai.

Matthew 1:2

Abraham irarat an farat inai David irarat an farat, osi wabis on atonio: Abraham on Isaac taman, Isaac on Jacob taman, Jacob on Judah a on taitain tutuan mat on osi tamas; namon Judah on Perez a Zerah osi tamas (osi ayos wabin on Tamar), Perez on Hezron taman, Hezron on Ram taman, Ram on Amminadab taman, Amminadab on Nahshon taman, Nahshon on Salmon taman, Salmon on Boaz taman (on ayon wabin min Rahab), Boaz on Obed taman, (On ayon wabin min Ruth) Obed on Jesse taman, a Jesse on Aiwab David taman.

Ann Bokwakwarin 35:18

Baise Rachel on irarabob, ato an aratein kanfoun ibisawarai on fifi iwabai Ben-Oni. Baise taman on iwabai Benjamin.

Ann Bokwakwarin 29:31

On an werai BADA it on Jacob an nuabo Leah aurin on kafakakai wat ato Rachel on ibinuaboai kwakwan, on mes iyamai Leah on fofonin fifirig initu, baise Rachel on fifirig ambin.

Ann Bokwakwarin 30:5

Ato Bilhah inafot ato Jacob natun orot ituai.