Acts 7:3 - Ubir

³ ato God on Abraham aurin iyau, ‘Om am dam warar a am tafanam unikirir ato unan tafanam aniyoboem on nan ungat.’

Acts 7:3 Iomraidhean Croise

Ann Bokwakwarin 12:1

BADA on Abram iyawur iyau, “Om am tafanam, taitaim tutuam, tamam an dam warar on eikirires ato egat enai tafanam anbiyoboem on nan ungat.

Ann Bokwakwarin 15:7

Namon BADA on Abram iyawur iyau, “Yau on BADA, yau on Ur mafam Babylonia tafanam emon abonanawaiim ugat, atonio tafanam atitem om itinoanim mes.”

Ann Bokwakwarin 20:13

On mes on an rai tamau an goa emon God iyafareu anai tafanam toumanai, yau Sarah aurin au, ‘Om unfaskikin yau auriu on baiyoboen unbiyamai sabu unkakasones yau on om robum.”

Matthew 10:37

“Iyai iyafan toun ayon o taman ebinuabois kwakwan on men fofonin Yau au baigibubunuotin inmatar on; iyai iyafan on toun natun orot o natun jeverei ebinuaboai kwakwan on men fofonin Yau au baigibubunuotin inmatar.

Luke 14:33

Iesu an dura kanfounai iyau, “On eta kaitamomai, iyai iyafan egogoi Yau au baigibubunuotin inmatar on, ato bobo aifan ato ebobo on engon inikiriren.”

Acts 7:4

On mes on Chaldea tafanam ikirir ato inai Haran ima. Abraham taman irabob weie, God on iyafarai inai atonio efan ari nin womama nan.

2 Corinthians 6:17

On mes Bada iyau, “Omi on osi sabu wonikirires ato wonkusebim mabimui wonama. Omi yawas men gumidaris on men woniyamen mes, ato Yau arimon anibasitem anboem.

Hebrews 11:8

Abraham an baitutum emon on God fonan itatam, on itgat itan efan menan God iyaumatanai on ititai. On an tafanam on ikirir, ato on men isagob menan i’nan.