2 Peter 2:9 - Ubir

⁹ Sabu ato God an dura setatam sekakafai a On an etai sebigibubunuai a osi asi yawas wawanis segaturen on Bada fofonin arimon iniyawasis. Baise sabu eta komasinai sebibib mat on eb fofonin inimakies. On baimaki on osi sabu auris ibotitiwag yen ato Baigurubaban gagamin an Ra weie nan singaturai.

2 Peter 2:9 Iomraidhean Croise

1 Corinthians 10:13

Omi rutobon mamaba woboai, min on kaita nanaba on sabu fani seboai. God an aumatan dura ebikakafun on iniyamai; On arimon men inikirirem rutobon nana wonboai kwakwan mes. Baise omi rutobon wonboboai an rai on, On arimon eta iniyoboem mamaba rutobon emon wongat; onai omi arimon wonfaskikin tiwag.

Revelation 3:10

Yabin omi nana wofaskikin au baibebe dura on aurin woifonabo, mat Yau arimon atonio tafanamai yababan an wera segeg on arimon obinai wat ankaifarem, atonio yababan on sabu iyabon tafanamai semama on rutobonis mes.

2 Timothy 3:12

Dura bag sabu iyabon segogoi God an yawasai Iesu Keriso mat sinikaita sinama on arimon baikokosar sinboai;

2 Peter 3:7

Ainau bag God Toun dura kaitamom wawaninai ikakafun, ato gibui dura wawaninai ikakafun men. Omi safam tafanam ato nin woiten on osi asir wengar ba sen semomousin wairafai sinaraten mes. Weie God arimon engon inikubaren sinaraten sinsawar. Ato bobo inafour, on an rai Bada inmatabir men ato osi sabu iyabon men God an dura sekakafai on inigurubabanis.

Titus 2:14

Iesu Keriso on Toun ikutetai irabob ot ati obin tatboai aurin. On atonio bobo aurin on irabob, ato ot gibui men bobo komasis tanfouren mes a ati bobo komasis emon on iyawasit obit bag tamatar a ifourit On an sabu bag tamatar, tatbotitiwagit ra fufur bobo obis wat fouren aurin.

2 Peter 2:4

Ainau bag anea fani bobo komasis sifour, ato God men ikaberes ikirires asir sinai on. Ambin bag. Baise On iboes ato nan fafatum amonai wouman didibar yen on nan ireberues sirui. On iboes dogu weromin isur inai an kanfoun ambin on nan ireberues sisur fafatum amonai semama weie Baitetem an Ra innat.

Romans 2:5

Baise om nunuam on wawanin a om men egogoi dura untatam. On mes om toum aurim am baimaki on gagamin fafa bag ebitem on an werai God an yatatab a an baigurubaban totorin an Ra inboai ingagat nan.

Matthew 6:13

Om men unbonanawaii wanan ai rutobon wawanin wonboai mes, baise Afaguban komasin emon on erufafarei.’

Matthew 10:15

Yau awurem dura bag, Baitetem an Ra God arimon mafam gagamis Sodom a Gomorrah sabu auris on inkabares kwakwan men ato sabu mafam gagaminai ba!

Jude 1:6

Omi wononosin anea on men asi efanai nan sima ato God asi baibad ibites on fofoninai nanaba isawar on, baise osi tous asi efan bag nan simama sibobo on sikirir sisur; osi on nan God iyousis ebotanis tafanam babanai bag woumanai nan semama, ato Ra gagamin innanat nan on osi inimakies.