San Lucas 3:1 - Tzotzil Zinacantan

^1-2 Ti Tiberio Césare svoꞌlajunebal xaꞌox la jabil yochel ta preserenteal ta Roma ti cꞌalal lic yal aꞌyuc scꞌoplal Cajvaltic Jesús ti Juane. Jaꞌo la ochem ta coviernoal ta estado Judea ti Poncio Pilatoe. Jaꞌo la ochem ta coviernoal ta estado Galilea ti Erodese. Jaꞌo la ochem ta coviernoal ta estado Iturea xchiꞌuc ta estado Traconite ti yitsꞌin Erodese ti Felipe sbie. Jaꞌo la ochem ta coviernoal ta estado Abilinia ti Lisániase. Jaꞌo la ochemic ta totil paleal yuꞌun jꞌisraeletic ti Anase xchiꞌuc ti Caifase. Jaꞌo la tey ta xocol balamil ti Juane, ti screm Zacaríase. Jaꞌo la iꞌalbat yuꞌun Riox ti chal aꞌyuc scꞌoplal ti Cajvaltic Jesuse.

Bible in Tzotzil de Chamula

¹ Ta yo'lajunebal (15) xa ox sjabilal yochel ta banquilal ajvalilal ti Tiberio ta jteclum Romae, ja' o ochem ta its'inal ajvalil ta Judea ti Poncio Pilatoe. Ja' o ochem ta its'inal ajvalil ta Galilea ti Herodese. Ja' o ochem ta its'inal ajvalil ta Iturea xchi'uc ta Traconite ti Felipee, ti ja' yits'in ti Herodese. Ja' o ochem ta its'inal ajvalil ta Abilene ti Lisaniase.

LEQUIL ACH' C'OP

¹ Svo'lajunebal xa'ox jabil yochel ta abtel ta muc'ta jyu'el ti Tiberio Cesare, ja'o ochem ta coviernoal ta Judea ti Poncio Pilatoe. Ja'o ochem ta coviernoal ta Galilea ti Erodese, ja' o ochem ta coviernoal ta yosilal Iturea xchi'uc ta yosilal Traconite ti Felipe yits'in Erodese, ja'o ochem ta coviernoal ta Abilinia ti Lisániase.

Bible in Tzotzil de Chenalhó with Deuterocanon

^1-2 C'alal te oy ta xocol banamil li Juan xnich'on Zacariase, ic'opanat yu'un li Diose. Svo'lajunebal (15) jabil xa'ox yochel ta muc'ta ajvalilal ta Roma li Tiberio Cesare. Ja'o ochem ta ajvalilal ta Judea banamil li Poncio Pilatoe; ja'o ochem ta ajvalilal ta Galilea banamil li Herodese; ja'o ochem ta ajvalilal ta Iturea banamil xchi'uc ta Traconite banamil li Felipe yits'in Herodese; ja'o ochem ta ajvalilal ta Abilenia li Lisaniase. Jech noxtoc ja'o ochem ta banquilal pale li Anás xchi'uc Caifase.

Tzotzil San Andres

^1-2 Li Tiberio Césare sjoꞌlajunebal xa jabil yochel ta mucꞌta ajvalil li te ta jteclum Roma li cꞌalal lic stsac yabtel li Juane. Ta Judea balumile jaꞌ te ochem ta gobernador li Poncio Pilatoe. Ta Galilea balumile jaꞌ te ochem ta gobernador li Herodese. Ta Iturea balumile schiꞌuc ta Traconite balumile, jaꞌ te ochem ta gobernador li yitsꞌin Herodese, jaꞌ li Felipe sbie. Ta Abilinia balumile jaꞌ te ochem ta gobernador li Lisániase. Li banquilal paleetic yuꞌun li jꞌisraeletique jaꞌ ochemic li Anás schiꞌuc Caifase. Cꞌalal jaꞌ o jech yichꞌanoj yabtelique, jaꞌ o te oy ta taqui jamaltic li Juane, jaꞌ li snichꞌon Zacaríase. Jaꞌ o ista yora iꞌacꞌbat snaꞌ yuꞌun Dios ti acꞌo yalbe li schiꞌiltac li scꞌop Diose.

Tzotzil de Huixtán

¹ Yo'lajunebal xa habil yochel ti mero totil ajvalile te ti jteclum Roma, ja' ti Tiberio César sbie. Ja'uc te ti estado Judea ja' ochem ti gobernador yu'un ti Poncio Pilatoe. Ja'uc te ti estado Galilea ja' ochem ti gobernador yu'un ti Herodese. Ja'uc te ti balumil Iturea xchi'uc ti balumil Traconite ja' ochem ti ajvalil yu'un ti yits'in ti Herodese. Ja' Felipe sbi ti yits'ine. Ja'uc te ti balumil Abilinia ja' ochem ti ajvalil yu'un ti Lisaniase.

San Lucas 3:1 Iomraidhean Croise

San Mateo 14:1

Ti covierno Erodese iyaꞌi ti ep cꞌusitic tspas ti Jesuse yuꞌun vinajem scꞌoplal.

San Mateo 14:3

Jaꞌ ta smantal ti Erodese ti itsac ti Juane, ti ichuque ta carina ta yut chuclebale yoꞌ mu xtae o ta milel yuꞌun ti yajnil toꞌox yitsꞌine. Erodías sbi ti antse. Felipe sbi ti yitsꞌine.

San Mateo 14:6

Tsꞌacal to cꞌalal ilocꞌ sjabilal ti Erodese, ispas sqꞌuinal. Ti stseb Erodíase iꞌacꞌotaj. Ti cꞌu xꞌelan iꞌacꞌotaje, lec iyil ti Erodese xchiꞌuc ti muchꞌutic tey tsobolique.

San Mateo 22:17

Alo caꞌiticotic cꞌusi chanop. ¿Mi lec chil xanaꞌ ti Rioxe ti chcacꞌbeticotic tojel aqꞌuel ti preserente Césare, o mi chopol chil? ―xutic ti Jesuse.

San Mateo 27:2

Ixchucbeic echꞌel scꞌob, ba yacꞌbeic entrucal ti covierno Poncio Pilatoe.

Marcos 6:17

Jaꞌ la ta smantal ti Erodese ti itsac ti Juane, ti ichuque ta carina ta yut chuclebale yoꞌ la mu xtae o ta milel yuꞌun ti yajnil toꞌox yitsꞌine. Erodías sbi ti antse. Felipe sbi ti yitsꞌine. Yuꞌun la spojojbe yajnil yitsꞌin ti Erodese.

Marcos 6:21

Pero ti Erodíase ista la ti cꞌu to xi xuꞌ chacꞌ ta milel ti Juane yuꞌun la ilocꞌ sjabilal ti Erodese, ispas la sqꞌuinal. Ismacꞌlin la ti jyuꞌeletique xchiꞌuc capitan solteroetic xchiꞌuc moletic ti tey ta Galileae.

San Lucas 13:31

Jaꞌo la tey icꞌotic jayvoꞌ jfariseo. ―Locꞌan echꞌel liꞌtoe yuꞌun yoꞌonuc smilot li Erodese ―xutic la ti Jesuse.

San Lucas 2:1

Ti preserente Augusto Césare jaꞌo la scuentainoj sjunlej balamil ti cꞌalal iꞌayan ti Juane. Isloqꞌues la mantal ti acꞌu ba yacꞌ ta tsaquel sbiic scotol ti crixchanoetique.

San Lucas 23:24

Ti Pilatoe isloqꞌues la mantal chac cꞌu chaꞌal iscꞌan ti crixchanoetique.

San Lucas 3:19

Ti covierno Erodese iyalbe la ti cꞌusitic chopol tspase. Iyalbe la ti chopol ti ispojbe yajnil ti yitsꞌine. Ti antse Erodías la sbi.

San Lucas 9:7

Ti covierno Erodese iyaꞌi la ti ep cꞌusitic tspas ti Jesuse. Mu xa la snaꞌ lec cꞌusi tsnop yuꞌun la oy jlom iyalic ti jaꞌ ichaꞌcuxi ti Juan jꞌacꞌ-ichꞌvoꞌe.

Hechos 23:26

“Señor Gobernador Félics, chajcꞌopon tal ta vun. Voꞌot ti quichꞌojot ta mucꞌ jcotolticotique. Chabanicot, voꞌon Claudio Lisiasone.

Hechos 24:27

Cꞌalal ilocꞌ chib jabile, jaꞌo ilocꞌ ta coviernoal ti Félicse. Iꞌoch sqꞌuexol, Porcio Festo sbi. Ti Félicse jaꞌ la tscꞌan ti lec xꞌile yuꞌun li jurioetique, yechꞌo la ti muc xloqꞌuesat ta chuquel li Pabloe.

Hechos 26:30

Ti cꞌalal yech iyal li Pabloe, jaꞌo la ivaꞌiic ti Festoe xchiꞌuc ti preserente Agripae, xchiꞌuc ti Berenicee, xchiꞌuc ti muchꞌutic tey toꞌox xchiꞌuquic ta chotleje.

Hechos 4:27

’Jaꞌ yech icꞌot yuꞌun liꞌ istsob sbaic ta Jerusalén li Erodese, xchiꞌuc li Poncio Pilatoe, xchiꞌuc li muchꞌutic maꞌuc jchiꞌilticotique, xchiꞌuc li jchiꞌilticotic ta israelale. Coꞌol isnopic ti ismilic ti achꞌamale, jaꞌ ti Jesuse, ti chꞌabal smule, ti jaꞌ atꞌujoj chispasoticotic ta mantale.