San Lucas 2:2 - Tzotzil Zinacantan

² Jaꞌo la isliquesic yech ti cꞌalal tiqꞌuil ta coviernoal ta estado Siria ti Cirenioe.

Bible in Tzotzil de Chamula

² Sba to lic ti tsacob-biil taje, ja' o c'ot ta pasel c'alal tiq'uil ta its'inal ajvalil Quirinio ti liquem talel ta Siria banomile.

LEQUIL ACH' C'OP

² Ti c'alal isliques yeche ja'o ti c'alal tiq'uil ta coviernoal ta yosilal Siria ti Cirenioe.

Bible in Tzotzil de Chenalhó with Deuterocanon

² Ja' sba to velta la spasic tsactsacvun ti c'alal ja'o tiq'uil ta ajvalilal ta Siria banamil li Cirenioe.

Tzotzil San Andres

² Jaꞌ sba toꞌox jech ispasic li cꞌalal tiqꞌuil ta gobernador te ta Siria balumil li Cirenioe.

Tzotzil de Huixtán

² Sba vuelta hech laj spasic c'alal tiq'uil ti gobernador ti Cirenioe te ti slumal Siria.

San Lucas 2:2 Iomraidhean Croise

San Mateo 4:24

Ivinaj ta sjunlej estado Siria ti icol yuꞌun ep jchameletique. Yechꞌo un ti butic iꞌechꞌ ti Jesuse tey iyiqꞌuic tal ti jchameletique. Ep ta tos chamel chaꞌiic. Jlom oy cꞌusi cꞌux chaꞌiic, jlom ochem pucuj ta yoꞌonic. Oy jtupꞌ-iqꞌuetic, oy muchꞌutic chꞌabal yip jun yoc scꞌobic. Ti Jesuse icol yuꞌun scotol.

San Lucas 2:1

Ti preserente Augusto Césare jaꞌo la scuentainoj sjunlej balamil ti cꞌalal iꞌayan ti Juane. Isloqꞌues la mantal ti acꞌu ba yacꞌ ta tsaquel sbiic scotol ti crixchanoetique.

San Lucas 2:3

Yechꞌo la ti ba yacꞌ ta tsaquel sbiic scotol ti crixchanoetic ta jujun slumale.

San Lucas 3:1

Ti Tiberio Césare svoꞌlajunebal xaꞌox la jabil yochel ta preserenteal ta Roma ti cꞌalal lic yal aꞌyuc scꞌoplal Cajvaltic Jesús ti Juane. Jaꞌo la ochem ta coviernoal ta estado Judea ti Poncio Pilatoe. Jaꞌo la ochem ta coviernoal ta estado Galilea ti Erodese. Jaꞌo la ochem ta coviernoal ta estado Iturea xchiꞌuc ta estado Traconite ti yitsꞌin Erodese ti Felipe sbie. Jaꞌo la ochem ta coviernoal ta estado Abilinia ti Lisániase. Jaꞌo la ochemic ta totil paleal yuꞌun jꞌisraeletic ti Anase xchiꞌuc ti Caifase. Jaꞌo la tey ta xocol balamil ti Juane, ti screm Zacaríase. Jaꞌo la iꞌalbat yuꞌun Riox ti chal aꞌyuc scꞌoplal ti Cajvaltic Jesuse.

Hechos 13:7

Ti Barjesuse jaꞌ la xchiꞌil ta abtel ti preserente Sergio Pauloe. Ti Sergio Pauloe pꞌij la tajmec. Chac la yaꞌi li scꞌop Rioxe yechꞌo un itaqueic la ta iqꞌuel li Bernabee xchiꞌuc li Sauloe.

Hechos 18:12

Ti cꞌalal ochem xaꞌox ta coviernoal ta estado Acaya ti Galione, li jurioetique istsob la sbaic, itsaque la li Pabloe, iꞌiqꞌue la echꞌel ta stojol covierno.

Hechos 23:26

“Señor Gobernador Félics, chajcꞌopon tal ta vun. Voꞌot ti quichꞌojot ta mucꞌ jcotolticotique. Chabanicot, voꞌon Claudio Lisiasone.

Hechos 26:30

Ti cꞌalal yech iyal li Pabloe, jaꞌo la ivaꞌiic ti Festoe xchiꞌuc ti preserente Agripae, xchiꞌuc ti Berenicee, xchiꞌuc ti muchꞌutic tey toꞌox xchiꞌuquic ta chotleje.

Hechos 5:37

Tsꞌacal to isliques cꞌop noxtoc jun vinic, Judas sbi. Tey liquem tal ta Galilea. Jaꞌo yora isloqꞌues mantal ti jyuꞌele ti acꞌu stsac sbiic li crixchanoetique, jaꞌ chac cꞌu chaꞌal li censoe. Ep ixchꞌunic cꞌusi iyal ti Judase, pero imile noxtoc. Ti cꞌalal ilaje, ixchꞌaculan sba scotol ti svinique.