San Juan 3:8 - Tzotzil Zinacantan

⁸ Buyuc noꞌox batuc li iqꞌue chavaꞌi ti xjumumete pero mu xanaꞌ bu ilic tal, mu xanaꞌ bu chbat. Jaꞌ yech xꞌelan ta yoꞌon crixchanoetic ti Chꞌul Espíritue. Mu xanaꞌic ti tey ti Chꞌul Espíritue jaꞌto mi avilic ti lec xa yoꞌon jun crixchanoe ―xꞌutat yuꞌun ti Jesuse.

Bible in Tzotzil de Chamula

⁸ Ac'o mi ta xava'i buyuc no'ox xjumet ti ic' ta jujujote, ja'uc le' une, mu xana' bu ta xlic talel, bu ta xbat. Ja' jech s'elanic ti buch'utic ta xvoq'uic ta sventa ti Ch'ul Espiritue.

LEQUIL ACH' C'OP

⁸ Li iq'ue buyuc no'ox batuc, ac'u mi chava'i ti xjumumete, pero mu xana' bu chlic tal, mu xana' bu chbat. Ja' no'ox yech ti much'utic ta xcha'ayanic ta scuenta ti Ch'ul Espiritue ―x'utat yu'un ti Jesuse.

Bible in Tzotzil de Chenalhó with Deuterocanon

⁸ Li iq'ue buyuc no'ox ta xbat. Ja' no'ox chava'ay ti xvo'et no'oxe, pero mu xana' bu chlic tal; mu xana' bu ta xbat. Ja' no'ox jech ec li boch'otic chcha'voq'uic ta sventa Ch'ul Espiritue —xi li Jesuse.

Tzotzil San Andres

⁸ Buyuc noꞌox ta xbat li iqꞌue. Chavaꞌi ti xjumumet noꞌoxe pero mu xanaꞌ bu ilic talel, mu xanaꞌ bu chbat. Jaꞌ jech ta xꞌabtej ta yoꞌon crixchanoetic li Chꞌul Espíritue. Mu xanaꞌic cꞌu sba ch‐abtej jaꞌ to mi avilic ti jeltajem xa yoꞌon jun crixchanoe ―xi li Jesuse.

Tzotzil de Huixtán

⁸ Buc no'ox chbat ti iq'ue. Chava'i ti xjinet no'oxe. Mu xana' bu chtal, mu xana' bu chbat. Hech ono'ox scotol ti much'u cha'anem ti sventa ti Ch'ul Espíritue. Jelbil yo'nton chavil pero mu xana' c'u che'el ic'ot ti pasel ―xchi ti Jesuse.

San Juan 3:8 Iomraidhean Croise

San Juan 1:13

Ti “xchꞌamaloxuc xa Riox” xiyutoticotique, mu voꞌoticoticuc ijcꞌanticotic chꞌamalinel. Scꞌan noꞌox yoꞌon stuc ti Rioxe ti lixchꞌamalinoticotique.

San Juan 3:7

Mu me toj chꞌayeluc o avoꞌon ti xꞌelan lacalbee ti persa chachaꞌayan ta achꞌe.

San Juan 3:9

―Mu xcaꞌibe smelol taje ―xi ti Nicodemoe.

Hechos 2:2

Iyaꞌiic la ti oy cꞌusi tsots ibacꞌ ta vinajele. Coꞌol la xchiꞌuc icꞌ ti tsots xjumumete. Iyaꞌiic la scotolic ti bu chotajtique.

Hechos 4:31

Ti cꞌalal laj scꞌoponic ti Cajvaltique, xvuyvon xa la iyaꞌiic scotolic ti na yoꞌ bu tsobolique. Itsatsubtasbat la yoꞌonic scotolic yuꞌun ti Chꞌul Espíritue. Muc la xicta sbaic, jamal la iyalic aꞌyuc ti cꞌusi yaloj ti Cajvaltique.

1 Corintios 12:11

Ti cꞌusitic tspas cuꞌuntic jujuntale yuꞌun jaꞌ yech chacꞌ jpastic ti Chꞌul Espíritue, jaꞌ ti cꞌu xꞌelan lec chil stuque.

1 Corintios 2:11

Jaꞌ yech chac cꞌu chaꞌal li voꞌotique ti mu jnaꞌbe jbatic cꞌu xꞌelan coꞌontique, jtuctic noꞌox jnaꞌojtic cꞌu xꞌelan coꞌontic. Jaꞌ noꞌox yech uc, muc muchꞌu snaꞌbe cꞌu xꞌelan yoꞌon ti Rioxe. Jaꞌ noꞌox snaꞌoj ti Chꞌul Espíritue ti jun xchiꞌuque.

1 Juan 2:29

Anaꞌojic xa ti lec yoꞌone. Jaꞌ noꞌox yech ti muchꞌutic lec ti cꞌusitic tspase, yuꞌun jaꞌ xchꞌamaltac.