San Juan 15:1 - Tzotzil Zinacantan

¹ Ti Jesuse jaꞌ yech lic yalboticotic voꞌoticotic ti yajchancꞌopoticotique: ―Mi chacꞌan chatunic cuꞌune, jaꞌ tscꞌan ti yechoxuc chac cꞌu chaꞌal scꞌobcꞌobtac li uvae ti tsacal ta smucꞌule. Voꞌon li smucꞌulon yaꞌele. Ti Jtote jaꞌ jchabiejꞌuva yaꞌel.

Bible in Tzotzil de Chamula

¹ Ti Jesuse xi to laj yale: —Ti vu'une co'ol j'elan jech c'u cha'al smuc' ta ibel ti uvae. Ti Jtote co'ol s'elan jech c'u cha'al ti buch'u ta xabtelan ta sq'uelel ti uvae.

LEQUIL ACH' C'OP

¹ Vo'on li bats'i smuc'ta aq'uil uva c'otemone, ti Jtote ti much'u tsq'uel chabtelan li uvae.

Bible in Tzotzil de Chenalhó with Deuterocanon

¹ Jech to laj yal li Jesuse: “Vu'un bats'i smuc'ta aq'uil ts'usub c'otemun. Li Jtote ja' jchabits'usub.

Tzotzil San Andres

¹ Li Jesuse jech laj yalbuncutic, joꞌoncutic li yajchanbalajeltacuncutique: ―Ti cꞌu sba xuꞌ chatunic cuꞌune, jaꞌ scꞌan ti jaꞌ jechoxuc jech chac cꞌu chaꞌal li scꞌobtac li tsꞌusub ti tsacal ta smucꞌta aqꞌuile. Yuꞌun li joꞌone jaꞌ jechun jech chac cꞌu chaꞌal smucꞌta aqꞌuil li tsꞌusube. Li Jtote jaꞌ jech chac cꞌu chaꞌal jchabiejtsꞌusub.

Tzotzil de Huixtán

¹ Ti Jesuse hech laj yalbuntutic uc ho'ontutic ti yajchanc'opuntutique: ―Ho'oni hech chaj c'u che'el jtec uvate'. Ti Jtote hech chaj c'u che'el jchabiej'uvate'.

San Juan 15:1 Iomraidhean Croise

San Mateo 15:13

―Li jfariseoetique chalic ti mu persauc xachꞌunic scotol ti cꞌusitic yaloj ti Jtot tey ta vinajele. Yechꞌo un ta onox xchꞌay scꞌoplalic chac cꞌu chaꞌal chichꞌ bulel tsꞌiꞌlel.

San Mateo 20:1

Ti Jesuse liyalboticotic jun loꞌil: ―Chacalbeic cꞌu xꞌelan tspas mantal ti Rioxe. Caltic noꞌox yaꞌel ti oy jun vinic stsꞌunoj ep uvae. Sob ilocꞌ echꞌel, ba saꞌ tal yajꞌabteltac.

San Mateo 21:33

’Aꞌyic me, chacalbeic yan loꞌil. Caltic noꞌox yaꞌel ti oy jun vinic istsꞌun ep uva ta yosile. Isjoy ta moc. Ixchꞌoj ton scuenta spitsꞌobil yaꞌlel. Ismeltsan jpꞌej toyol na scuenta sqꞌuelobil li uvae. Isaꞌ comel ti muchꞌutic ta xchabi li uvae. Ibat ta nom li yajvale.

Marcos 12:1

Ti Jesuse lic la yalbe jun loꞌil li jchiꞌiltac ta israelale. ―Caltic noꞌox yaꞌel ti oy jun vinic istsꞌun ep uva ta yosile. Isjoy ta moc. Ixchꞌoj ton scuenta spitsꞌobil yaꞌlel. Ismeltsan jpꞌej toyol na scuenta sqꞌuelobil li uvae. Isaꞌ comel ti muchꞌutic ta xchabi li uvae. Ibat ta nom li yajvale.

San Lucas 13:6

Ti Jesuse iyal la jun loꞌil: ―Caltic noꞌox yaꞌel ti oy jun vinic stsꞌunoj jtecꞌ icꞌux ta yut uvatique. Ba sqꞌuel mi oy sat, pero chꞌabal.

San Juan 1:17

Ti Moisese iyal comel li smantaltac Rioxe pero ti ital ti Jesucristoe, jaꞌ ivinaj o ti scꞌanojotic tajmec ti Rioxe.

San Juan 1:9

Yuꞌun poꞌot xaꞌox xacꞌ sba iluc ti stuc noꞌox xuꞌ chiyacꞌbotic jcuxlejaltic ta sbatel osil jcotoltique.

San Juan 15:2

Voꞌoxuc scꞌobtacoxuc yaꞌel. Ti muchꞌutic chaꞌiic li cꞌusi chcale, mi mu spasic cꞌusi tscꞌan ti Jtote, coꞌolic xchiꞌuc cꞌob uva ti mu satine. Mi mu satin li cꞌob uvae, li jchabiejꞌuvae ta sboj loqꞌuel. Jaꞌ noꞌox yech uc ti muchꞌutic mu spasic cꞌusi tscꞌan ti Jtote, mu xcꞌaneic yuꞌun ti Jtote. Ti muchꞌutic chaꞌiic li cꞌusi chcale, mi jaꞌ tspasic cꞌusi tscꞌan ti Jtote, ta xcoltaatic ta yictael ti cꞌusi mu scꞌane chac cꞌu chaꞌal ta xchꞌulbe scꞌob uva li jchabiejꞌuvae yoꞌ satin o mase.

San Juan 6:32

―Ta melel chacalbeic, ti pan isveꞌic ti voꞌne moletique, maꞌuc Moisés iyacꞌ. Riox iyacꞌ. Ti pan isveꞌique, jaꞌ noꞌox icuxiic o liꞌ ta sba balamile. Li pan ti chayacꞌbeic ti Jtote, chacuxiic o ta sbatel osil.

San Juan 6:55

Li jbecꞌtale coꞌol xchiꞌuc lequil veꞌlil yaꞌel, li jchꞌichꞌele coꞌol xchiꞌuc lequil voꞌ yaꞌel, yuꞌun jaꞌ chacuxiic o ta sbatel osil.

Romanos 11:17

Li yan jchiꞌiltaque coꞌolic xchiꞌuc scꞌob yaꞌel li tsꞌunbalal olivoe, pero ijecatic loqꞌuel yaꞌel yuꞌun mu xchꞌunic. Jaꞌ xa tey latsꞌacatic yaꞌel, voꞌoxuc ti maꞌuc jꞌisraeloxuque, ti coꞌoloxuc toꞌox xchiꞌuc cꞌob teꞌtical olivo yaꞌele. Jaꞌ xa quibelinojtic yaꞌel jcotoltic li tsꞌunbalal olivoe.

1 Corintios 3:9

Tsobol chiꞌabtejoticotic xchiꞌuc ti Rioxe. Li voꞌoxuque coꞌol xchiꞌuc yosiloxuc xa yaꞌel ti Rioxe yuꞌun jaꞌ islecubtas lavoꞌonique. Coꞌol xchiꞌuc yolel tsvaꞌan jpꞌej na yaꞌel ti Rioxe.

1 Juan 2:8

Coꞌol xchiꞌuc achꞌ mantal yaꞌel yuꞌun tsots scꞌoplal. Ti Jesucristoe iyacꞌ iluc ti chcꞌanvane. Jaꞌ noꞌox yech avacꞌojic xa iluc ti cꞌanvanemoxuque yuꞌun chcom xa avuꞌunic li cꞌusitic chopole, jaꞌ xa chapasic li cꞌusitic leque.