Números 8:6 - Bible in Tzeltal de Oxchuc y Tenejapa

⁶ —Parte xawac' te levitaetic ta yolilic te israeletic, soc lecubtesbeya sc'oplal.

Bible in Tzeltal Bachajón

⁶ Parte xawac' te levitahetic ta yohlil te snich'nab Israel, soc lecubteslambeya sc'oblalic.

Números 8:6 Iomraidhean Croise

2 Crónicas 29:11

Jich yu'un, ja'ex te jnich'nabex ya caiy ta co'tane, ma me xlubex, melel tsabilex yu'un te Cajwaltic swenta yu'un spisil me ora ayex ta xch'uunel te smandal, te ya awac' abaic ta abatinel ta stojol, soc te ya achic'beyic pom ta stojol —xi' te muc' ajwalile.

Éxodo 19:15

Te Moisés la yalbey te lume: —Chajbana laj me abaic ta swenta te cha'weje. Ma laj me xajoin ta wayel te awinamique —xi' te Moisese.

Isaías 52:11

Loc'aniquix, loc'aniquix bael ta Babilonia; ma me x'apiquic te bila ma lecuc sc'oplale, loc'aniquix bael ta Babilonia. Lecubenuquex me ta lec, ja'ex te ya awich'ic bael sbiluquil te templo yu'un te Cajwaltique.

Levítico 14:11

Te sacerdote te ya spas te at'el yu'un yaq'uel slecubtesel sc'oplale, ya me yac' ta stojol yochibal Nailpac' te banti ya yich' c'oponel te Cajwaltic te mach'a ya yich' lecubtesel sc'oplal soc spisil te majt'anile.

Malaquías 3:3

Te Cajwaltic ya me slecubtes te sacerdoteetic, ja' te mach'atic sts'umbal Leví, jich bit'il mach'a ya slecubtes plata soc oro ta c'ajc'. Ta patil jich me ya xju' ya yaq'uic majt'anil ta stojol te Cajwaltique, jich te bit'il ya sc'an ya spasique.

Números 3:6

—Ic'a tel mach'atic sts'umbal Leví, swenta yu'un ya me yac' sbaic ta swenta Aarón, soc ac'a me yac' sbaic ta abatinel yu'un.

Números 8:5

Te Cajwaltic la sc'opon Moisés, jich la yalbey:

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

Deuteronomio 10:8

Ja' yorail a te la stsa te sts'umbal Leví te Cajwaltique, te yu'un ja' ya yich'ic bael te cajón te banti ay te trato yu'une, soc te yu'un ya x'ainic ta stojol te Cajwaltic swenta ya yich' xch'uunel, soc te ya yich' c'anel te bendición ta swenta sbiil stuquel, jich nix te bit'il yacal ta pasel ta ora to.

Santiago 4:8

Noptsajanic ta stojol te Diose, jich me ya xnoptsaj ta atojolic uuc. Jmulawiletic, poca ac'abic; ja'ex te cheb awo'tanique, ac'a abaic ta utstesel.