Números 8:21 - Bible in Tzeltal de Oxchuc y Tenejapa

²¹ Te levitaetic la slecubtes sc'oplalic ta stojol Dios, soc la sac' sc'u'ic. Te Aarón la yac' ta stojol Cajwaltic jich bit'il majt'anil te muc' sc'oplale, la spas te bit'il ay ta mandalil yu'un ya slecubtes sc'oplal ta stojol Dios.

Bible in Tzeltal Bachajón

²¹ Te levitahetic la slecubtes sbahic soc la sac' sc'u'ic; hich te Aarón la yac'ticlambe scuenta tuchilambil mahtanil ta stojol Jehová, soc la yac' te stojel mulil yu'unic scuenta lecubtesbeyel sc'oblalic.

Números 8:21 Iomraidhean Croise

Éxodo 19:10

Te Cajwaltic jich la yal yu'un: —Baan chajbana te israeletic yo'tic to soc te pajele. Ac'a slecubtes sbaic, soc ya me sac' sc'u'ic.

Levítico 14:11

Te sacerdote te ya spas te at'el yu'un yaq'uel slecubtesel sc'oplale, ya me yac' ta stojol yochibal Nailpac' te banti ya yich' c'oponel te Cajwaltic te mach'a ya yich' lecubtesel sc'oplal soc spisil te majt'anile.

Números 19:12

Ta yoxebal c'aal soc ta sjuquebal c'aal ya me slecubtes sba ta ja' yu'un lecubtesel, jich me lec sc'oplal ya xc'ot.

Números 19:19

Te mach'a lec sc'oplal, ta yoxebal c'aal ya me stsijts'anbey ja' swenta lecubtesel te mach'a ma lecuc sc'oplal, soc ta sjuquebal c'aal. Ta sjuquebal c'aal lecub meix sc'oplal. Jich yu'un te mach'a ma lecuc sc'oplal ya me sac' te sc'u'-spac' soc ya me spoc sba ta ja', pero ma lecuc sc'oplal ya xjil c'alal ta yijc'ubel q'uinal.

Números 3:12

—Te levitaetic la jtsa loq'uel ta yolilic te israeletic, ja' sjelol c'oemic te sba snich'anic te juju-jchajp nae. Cu'un me ta spisilic,

Números 8:15

Ta patil ya xbajt'ic ta Nailpac' te bay ya quich' c'oponele, tey me ya yac' sbaic ta abatinel a. Jich me ya sc'an ya alecubtesbey sc'oplal te ya awac'bon ta jtojol jich bit'il majt'anil te muc' sc'oplale,

Números 8:20

Te Moisés, te Aarón soc spisil te lum Israel la xch'uunic spasel te bila mandal la yal Cajwaltic ta stojol Moisés ta swenta te levitaetique.

Números 8:22

Ta patil, te levitaetic la xch'uunic spasel te bila c'ot ta swentaic ta Nailpac' te bay ya yich' c'oponel te Cajwaltique. Te Aarón soc snich'nab la swentainic yilel te levitaetique. Jich la spas soc levitaetic te bit'il mandal albot Moisés yu'un te Cajwaltique.

Números 8:7

Te bila ya sc'an pasel ta lecubtesel sc'oplal, jich ay: Te ja'at tsijts'anbeya te ja' swenta lecubtesel sc'oplale. Ta patil ac'a xjox sbaic ta navaja ta scojt'ol sbaq'uetalic, soc ac'a saq'uic te sc'u'-spaq'uique. Jich me lecuben sc'oplal ya xjilic.