Números 8:11 - Bible in Tzeltal de Oxchuc y Tenejapa

¹¹ Te Aarón ya me yac' sc'ab ta jtojol ta yaq'uel te levitaetic ta swenta sjelol te israeletic, yu'un jich me ya yich' aq'uel jilel ta abatinel cu'un.

Bible in Tzeltal Bachajón

¹¹ Te Aarón ya yac' ta stojol Jehová te levitahetic scuenta tuchilambil mahtanil yu'un te snich'nab Israel, hich ya spasbeyic a te ya'tel te Jehová.

Números 8:11 Iomraidhean Croise

Éxodo 29:24

Ac'beya spisil ta sc'ab Aarón soc te snich'nabe. Ac'a stuchbon moel ta sc'abic ta yaq'uel ta jtojol jo'on te Ajwalilone.

Levítico 7:30

Ja' nix me ta mero sc'ab ya yich'bon tel te chic'bil majt'anil jo'on te Ajwalilone, ja' te xepuil stan soc nix te mero stane, swenta yu'un ya me stoyilaybon ta jtojol, jich me ya quich' jmajt'anin.

Levítico 7:34

Melel te majt'anil swenta lamal-o'tanil soc te ya yaq'uic ta jtojol te israeletique, ya me quich'bey te stan swenta mero jmajt'an soc te ya' swenta patanil. Ja' ya cac'bey te sacerdote Aarón soc te sts'umbale, ja' te spisil me ora jich ya xbajt'ix ta pasel te ya yich' aq'uel te jich yipal ya xc'ot ta swentaic te bila ya yaq'uic te israeletique.” Jich me ya awal ta stojolic —xi' te Cajwaltique.

Levítico 8:27

Spisil la yac'bey ta sc'abic te Aarón soc te snich'nab, swenta yu'un ya stoyilaybeyic ta stojol te Cajwaltique.

Levítico 8:29

Patil te Moisés la stsacbey te stan te chambalame, la stoyilaybey ta stojol te Cajwaltique. Ja' te stan te chij swenta xchajbanel xch'ul yat'el te sacerdoteetic, ja' te c'ot ta swenta te Moisés, jich nix te bit'il pasot ta mandal yu'un te Cajwaltique.

Números 6:20

Jich yu'un te sacerdote ya me spach ta sc'ab, soc ya me stoyilaybon ta jtojol. Te sbaq'uetal stan te chambalam te ya stoyilaybon ta jtojol uuc, soc te scub te ya yich' aq'uel ta swenta patan ta jtojole, ch'ultesbilic me soc q'uejbil ta swenta te sacerdote. Ta patil, te nazareo ya xju' ya yuch'ix te vinoe.

Deuteronomio 10:8

Ja' yorail a te la stsa te sts'umbal Leví te Cajwaltique, te yu'un ja' ya yich'ic bael te cajón te banti ay te trato yu'une, soc te yu'un ya x'ainic ta stojol te Cajwaltic swenta ya yich' xch'uunel, soc te ya yich' c'anel te bendición ta swenta sbiil stuquel, jich nix te bit'il yacal ta pasel ta ora to.