Números 7:10 - Bible in Tzeltal de Oxchuc y Tenejapa

¹⁰ Te c'alal la yich'ix jaxel ta aceite swenta xch'ultesel te scajtijib ta chiq'uel majt'anil, te jtsobwanejetic ta chajbalchajp sts'umbalic la yich'beyic tel smajt'an te Cajwaltic, tey la yaq'uic ta stojol scajtijib majt'anil.

Bible in Tzeltal Bachajón

¹⁰ Te príncipaletic la yich'ic tal te mahtaniletic yu'un yaq'uel ta stojol Dios te scajtajib ta chiq'uel mahtanil te bin c'ahc'alil te la yich' malel ta aceite scuenta ch'ultesel. Te príncipaletic la yaq'uic hilel te mahtanil yu'unic ta stojol te scajtajib ta chiq'uel mahtanil.

Números 7:10 Iomraidhean Croise

1 Reyes 8:63

Te Salomón la yac'bey smajt'anin Cajwaltic cheb xcha'winic ta jmil (22,000) toroetic, wacwinic ta jmil (120,000) chijetic milbil smajt'an Dios swenta lamal-o'tanil. Jich la yaq'uic ta stojol Dios te templo te muc' ajwalil soc ta spisil te israeletique.

2 Crónicas 7:5

Te muc' ajwalil Salomón la yac'bey milbil majt'anil cheb xcha'winic ta jmil (22,000) toroetic, soc wacwinic ta jmil (120,000) chijetic. Jich la spas te muc' ajwalil soc spisil te lum Israel te la yaq'uic ta stojol Dios te templo.

2 Crónicas 7:9

Ta yan c'aalil ay tsoblej te muc' sc'oplale, melel juqueb c'aal jalaj ta pasel q'uin yu'un te bit'il och ta aq'uel ta stojol Cajwaltic te scajtijib majt'anile. Ja' nix jich juqueb c'aal jalaj te q'uin yu'un Nailwamal.

Nehemías 12:27

Te c'alal la sta yorail te la yich' aq'uel ta stojol Dios te sjoyob ts'ajc'ul Jerusalén, la sleic te levitaetic ta spisil te banti nainemique. La yiq'uic ta Jerusalén, swenta yu'un ya spasic te q'uin yu'un yaq'uel ta stojol Dios te joyob ts'ajq'ue. Bayal me yutsil q'uinal la yaiyic a, la yalbeyic yutsilal Dios ta c'ayojetic soc at'ejibaletic yu'un música, ja'ic te platilloetic, arpaetic, soc liraetic.

Nehemías 12:43

Ta c'aal in to, la yich' aq'uel bayal milbil majt'aniletic ta stojol Dios. Te winiquetic mero bayal yutsil yo'tanic, melel Dios nojesbotic ta yo'tanic yutsil q'uinal yaiyic yu'un. Te antsetic soc te alaletic mero bayal yutsil yo'tanic uuc. Te yutsil q'uinal la yaiyic ta Jerusalén, chicnaj ta aiyel ta sc'ubulil te lume.

Salmos 30:1

Cajwal, ya calbat yutsil ac'oplal, melel ja'at la awac'on ta libre; ma xawac' te ya slabanon te jcontrotaque.

Números 7:1

Te bi c'aalil ju' yu'un spasel te Nailpac' Templo te Moisés, la xjax ta aceite swenta xch'ultesel spisil a te sbiluquil te ch'ul awilal soc te sbiluquil te scajtijib ta chiq'uel majt'anile.

Números 7:11

Jich yu'un te Cajwaltic la yalbey Moisés: —Jujun c'aal yan me jtsobwanej te ya yich'bonic tel jmajt'an te bit'il ya yich' ch'ultesel te scajtijib ta chiq'uel majt'anile —xi' te Cajwaltique.

Números 7:84

Ja' jich la yich' aq'uel majt'anil te bi ora la yich' ch'ultesel te scajtijib ta chiq'uel majt'anile. Te chajbalchajp sts'umbal Israel la yaq'uic lajchayeb muc'ul platoetic pasbil ta plata, lajchayeb muc'ul tazaetic pasbil ta plata, soc lajchayeb muc'ul cucharaetic pasbil ta oro.

Números 7:88

Te chambalametic ta swenta milbil majt'anil swenta seña lamal-o'tanil, ta spisil ay chaneb xcha'winic (24) ta jcojt' toroetic, oxwinic (60) tat chijetic, oxwinic (60) tat tentsunetic soc oxwinic (60) chijetic te jun ya'wilale. Ja' majt'aniletic la yich' aq'uel te bi ora la yich' ch'ultesel te scajtijib ta chiq'uel majt'anil yu'une. Ja' la yich' aq'uel te c'alal ju'ix ta jaxel ta aceite swenta ch'ultesel te scajtijib majt'anile.

Deuteronomio 20:5

“Ya xc'opoj uuc te jwentainwanejetique. Jich me ya yalic: “Teme ay jtuluc te ja'ex te spasoj yach'il sna te ma to ayuc nainem a, ac'a bajt'uc ta sna, teme repente tey ya xlaj ta guerra, yanix mach'a ya smulan nainel a.