Números 7:1 - Bible in Tzeltal de Oxchuc y Tenejapa

¹ Te bi c'aalil ju' yu'un spasel te Nailpac' Templo te Moisés, la xjax ta aceite swenta xch'ultesel spisil a te sbiluquil te ch'ul awilal soc te sbiluquil te scajtijib ta chiq'uel majt'anile.

Bible in Tzeltal Bachajón

¹ Te c'alal hu' yu'un stehc'anel te Nahilpac' Templo te Moisés, la smal ta aceite soc la sch'ultes soc spisil te biluquetic yu'une. Ha nix hich la smal ta aceite soc la sch'ultes te scajtajib ta chiq'uel mahtanil soc te biluquetic yu'un.

Números 7:1 Iomraidhean Croise

Génesis 2:3

La yac'bey bendición te sjuquebal c'aal soc la xch'ultes, ja' yu'un te la xcux yo'tan ta swenta spisil yat'el te la spase.

1 Reyes 8:64

Ja' nix ta yorail a, te muc' ajwalil la xch'ultes te yolil te amac' te ay ta sti' te templo yu'un Cajwaltic. Tey la yac'bey te smajt'an Dios te scojt'ol ya yich' chiq'uel, soc te smajt'an harina soc te xepuil te milbil smajt'an swenta lamal-o'tanile. Melel te scajtijib ta chiq'uel smajt'an Dios pasbil ta bronce te ay ta stojol te Cajwaltique, lom ch'in, jich ma ba ya x'och a te chic'bil smajt'an te Diose, te smajt'an harina soc te xepuil te milbil smajt'an Dios swenta lamal-o'tanile.

Éxodo 13:2

—Ac'bonic spisil te sba anich'anic, melel spisil sba snich'nab te israeletic, ja' me cu'un. Ja' ni me jich spisil te sba yalatac te xchamsbalamique —xi' te Diose.

Éxodo 29:36

Jujun me c'aal ya awac'bon milbil jmajt'an, jich me ya ataic perdón yu'un a te amulique. Soc lecubtesbon a te scajtijib jmajt'an ta swenta bit'il ya achic' tey a te milbil jmajt'an yu'un te mulile, soc ac'beya aceite ta sba swenta yu'un jich me lec ya xc'ot ta jtojol a.

Éxodo 40:11

Te yawil ja' balanbeya aceite uuc swenta ch'ultesel soc te yiptajibe, jich me ya cu'unin.

Números 17:2

—Albeya mandal te israeletic, te juju-jtul jtsobwanej yu'unic ta juju-jchajp, ac'a yich'ic tel sbastonic, lajchayeb bastonil ta spisil. Te ja'at ya me ats'ibubey sbiilic ta sbastonic juju-jtul.

Números 7:10

Te c'alal la yich'ix jaxel ta aceite swenta xch'ultesel te scajtijib ta chiq'uel majt'anil, te jtsobwanejetic ta chajbalchajp sts'umbalic la yich'beyic tel smajt'an te Cajwaltic, tey la yaq'uic ta stojol scajtijib majt'anil.

Números 7:84

Ja' jich la yich' aq'uel majt'anil te bi ora la yich' ch'ultesel te scajtijib ta chiq'uel majt'anile. Te chajbalchajp sts'umbal Israel la yaq'uic lajchayeb muc'ul platoetic pasbil ta plata, lajchayeb muc'ul tazaetic pasbil ta plata, soc lajchayeb muc'ul cucharaetic pasbil ta oro.

Números 7:88

Te chambalametic ta swenta milbil majt'anil swenta seña lamal-o'tanil, ta spisil ay chaneb xcha'winic (24) ta jcojt' toroetic, oxwinic (60) tat chijetic, oxwinic (60) tat tentsunetic soc oxwinic (60) chijetic te jun ya'wilale. Ja' majt'aniletic la yich' aq'uel te bi ora la yich' ch'ultesel te scajtijib ta chiq'uel majt'anil yu'une. Ja' la yich' aq'uel te c'alal ju'ix ta jaxel ta aceite swenta ch'ultesel te scajtijib majt'anile.

San Mateo 23:19

¡Ma'sitex, ma x'ana'ic q'uinal! ¿Bila a te muc' sc'oplale? ¿Ja' bal te smajt'an Diose, o ja' te xchic'jibal te ja' ch'ultesbil yu'un a te majt'anile?