Números 6:5 - Bible in Tzeltal de Oxchuc y Tenejapa

⁵ Soc ma me sloq'ues stsotsil sjol, ya me yac' najt'ubuc ja' to me teme ts'acaj te jayeb c'aal te xchapoje, melel ch'ultesbil me spisil ora ta jtojol.

Bible in Tzeltal Bachajón

⁵ Te jayeb c'ahc'al schapoj te ay ta scuenta nazareo ma ba ya yich' loq'uesbeyel stsotsel sjol. Ch'ultesbil ya xc'oht soc ya yac' nahtubuc te sjol ha to c'alal ya sts'acay te jayeb tiempo schapoj te parte ya yac' sba ta stojol Jehová.

Números 6:5 Iomraidhean Croise

Ezequiel 44:20

“Ma me ba ya st'axan sjolic; pero ma yu'unuc ya xju' ya xc'ax najt'ubtes te stsotsil sjolique, ya me sjoyic ta set'el.

Números 6:4

Te jich yipal c'aal te xchapoje, ma me xju' ya swe'elin te bitic swenta ts'usub, biluc me a.

Hechos 18:18

Te Pabloe jil xan bayal c'aal tey a ta bay lum Corinto. Patil la sc'opon jilel te quermanotactique. Jich och ta barco, bajt' ta sq'uinal Siria. Sjoinej bael te Priscila soc te Aquilae. La yac' ta joxel sjol ta bay lum Cencrea, yu'un ay bi yaloj ta stojol Dios te ya sc'an ya spase.

Jueces 13:5

Te ch'in alalquerem ya x'ayin awu'une ma me xju' ta loq'uesel stsotsil sjol. Melel te ch'in querem ya me x'u'uninot yu'un Dios, yu'un nix me stalel nazareo te c'alal ma to x'ayin a, swenta yu'un ja' me ya xjajch' ta yaq'uel ta libre te israeletic te bit'il ayic ta sc'ab te filisteoetique —xi'.

Jueces 16:17

Ja' yu'un ta slajibal la yalbey Dalila te bit'il ay te bi muquen ay yu'une: —Ma'yuc mach'a sloq'uesejbon xujt'uc te stsotsil jole, melel te c'alal ma to x'ayinon u'uninbilonix yu'un a te Diose, yu'un nazareoon. Jich yu'un teme ay banti ya sloq'uesbonic te stsotsil jole, ya me xch'ay te quipe, jc'axel peq'uel ya xc'oon jich bit'il te yantic winiquetique —xi'.

Jueces 16:19

Te Dalila la scajanbey sjol ta yacan, jich la yac' wayuc te Sansón. La yic' tel jtul winic ta set'el te stsotsil sjol te juqueb yombil ta pech'ele. Te ants jajch' ta yuts'inel te Sansón, in te yipe ch'ay bael.

1 Samuel 1:11

Ay bi la yal ya spas ta stojol, jich la yal: —Cajwaltic te Spisil ya xju' awu'une, ayuc bit'il ya ana'bon yo'bolil jba yu'un te jwocol jo'on te abaton awu'une. Yacuc ana'on, yacuc awac'bon tel jtuluc cal, yu'un jc'axel ya cac'bat awabatin te jayeb c'aal ya xcuxin ta balumilal. Te bit'il ya cac'bat awabatin ta jc'axele, ja' me seña ya xc'ot te ma ba ya jset'bey te stsotsil sjole —xi' te Ana.