Números 6:2 - Bible in Tzeltal de Oxchuc y Tenejapa

² —Albeya te israeletique: “Teme ay jtul winic, o ants, te ya xchap sc'op te ya yac' sba ta abatinel cu'un te Ajwalilon, ja' te ya sc'an yac' sba ta nazareo,

Bible in Tzeltal Bachajón

² Halbeya te snich'nab Israel: Te winic o ants te ya schap sc'op te ya yac' sba ta nazareo, yu'un parte ya yac' sba ta stojol te Jehová,

Números 6:2 Iomraidhean Croise

Éxodo 33:16

Melel teme ma la ajoinotic baele, ¿bit'il ya xna'ot te lec c'oemon ta asit te jo'one soc te lum awu'une? Melel ja' nax jich ya xchicnaj ta ilel jo'on soc te lum awu'un, te ma pajalucon soc te jyanlumetique —xi' te Moisese.

Proverbios 18:1

Te mach'a t'ut'e, stuquel ya sle te bila ya sc'an yo'tane, ma xyich' ta muc' spisil te lequil tojtesele.

Jeremías 35:6

La sjaq'uic: —Te jo'otic ma ba ya cuch'tic vino, melel te Jonadab snich'an Recab, te antiguo jme'-jtatique, tulan mandal la yalbotic te ma ba ya cuch'tic vino jo'otic, soc te jts'umbaltique.

Levítico 20:26

Te ja'ex ya me sc'an te ch'ultesbilex ta jtojole, melel jo'on Ajwalilon ch'ul Dioson, yan me awilelic cu'un te bit'il yantic lumetique, swenta yu'un jo'on cu'unex.

Levítico 27:2

—Albeya te israeletique: “Teme ay mach'a ya sc'an sman loq'uel jtuluc te mach'a ac'botix cu'unin, ya me stoj chican te jayebix ya'wilale, teme winic o teme antse.

Números 30:3

“Teme ay ach'ix te wentainbil to yu'un stat te ya xchap sc'op ta stojol Cajwaltic, o teme ay bila ya yal sba ta spasele,

Números 6:1

Te Cajwaltic la sc'opon Moisés, jich la yalbey:

San Lucas 1:15

Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

Hechos 18:18

Te Pabloe jil xan bayal c'aal tey a ta bay lum Corinto. Patil la sc'opon jilel te quermanotactique. Jich och ta barco, bajt' ta sq'uinal Siria. Sjoinej bael te Priscila soc te Aquilae. La yac' ta joxel sjol ta bay lum Cencrea, yu'un ay bi yaloj ta stojol Dios te ya sc'an ya spase.

Romanos 1:1

Jo'on Pabloon, yabaton te Jesucristoe. La yic'on ta jpuc-c'op, tsabilon ta swenta yalel te lec yach'il c'op yu'un te Diose.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

Gálatas 1:15

Ja'uc me to, Dios la stsaon te c'alal ayon to ta xch'ujt' a te jme'e. La yic'on ta swenta nax te yutsil yo'tane.

Hebreos 7:27

Ma pajaluc soc te yantic muc' sacerdoteetic te puersa ya smilbeyic smajt'anin chambalametic jujun c'aal te Diose, te ja' neel ya smilic swenta xch'ayjibal smulic soc te patil ya smilic yan swenta xch'ayjibal smulic uuc te slumale. Melel te Jesuse tic' a te la yac' sba ta milbil smajt'an Dios jun buelta, te bit'il la yac' sba ta lajel stuquele.

Jueces 13:14

Ma me stuuntes te bila ya xloc' ta ts'usub, soc ma me xyuch' vino ni yantic uch'balil te tulanique, ni ma me swe' we'elil te ma lecuc sc'oplale. Ja' me ac'a spas te mandal calojbeye —xi'.

Jueces 13:4

Ma me x'awuch' vino soc yantic tulan uch'balil, ni ma me xawe' jtebuc bi ma lecuc sc'oplal.

Jueces 13:5

Te ch'in alalquerem ya x'ayin awu'une ma me xju' ta loq'uesel stsotsil sjol. Melel te ch'in querem ya me x'u'uninot yu'un Dios, yu'un nix me stalel nazareo te c'alal ma to x'ayin a, swenta yu'un ja' me ya xjajch' ta yaq'uel ta libre te israeletic te bit'il ayic ta sc'ab te filisteoetique —xi'.

Jueces 16:17

Ja' yu'un ta slajibal la yalbey Dalila te bit'il ay te bi muquen ay yu'une: —Ma'yuc mach'a sloq'uesejbon xujt'uc te stsotsil jole, melel te c'alal ma to x'ayinon u'uninbilonix yu'un a te Diose, yu'un nazareoon. Jich yu'un teme ay banti ya sloq'uesbonic te stsotsil jole, ya me xch'ay te quipe, jc'axel peq'uel ya xc'oon jich bit'il te yantic winiquetique —xi'.

1 Samuel 1:28

Te jo'one cac'ojbeyix ta stojol te Cajwaltique. Te jayeb c'aal cuxul, ja' me yu'un stuquel te Cajwaltique —xi'. Te Elí la squejan sba ta yalel wocol ta stojol te Cajwaltic, la stinan sba coel c'alal ta lum.