Números 6:10 - Bible in Tzeltal de Oxchuc y Tenejapa

¹⁰ Ta swaxaquebal c'aal ya me yic' bael cha'cojt' stsumut, o teme cha'cojt' alal paloma, ta stojol sacerdote ta yochibal te Nailpac' te bay ya quich' c'oponele.

Bible in Tzeltal Bachajón

¹⁰ Ta swaxaquebal c'ahc'al ya me yic' tal cha'coht xpuliwoc o cha'coht colel stsuhmut ta stojol te sacerdote ta yochibal te Nahilpac' Templo yu'un tahojibal.

Números 6:10 Iomraidhean Croise

Ezequiel 44:26

Teme la spiquique, ya sc'an ya slecubtes sbaic, patil ya to me smaliyic juqueb c'aal.

Levítico 1:14

“Teme mut ya yac'bon jmajt'anin, te scojt'ol ya yich' chiq'uel swenta quich'el ta muc', ya me sc'an te ja' te jcojt' puliwoc o jcojt' alal stsumut.

Levítico 12:6

“Te c'alal ya sts'acaj te jayeb c'aal te ya slecubtes sbae, manchuc me ch'in querem o ch'in ach'ix te ya x'ayine, pero te me'ile ya me sc'an te ya yic' bael ta yochibal Nailpac' te banti ya quich' c'oponel, jcojt' chij te jun ya'wilale, swenta yu'un ya yich' chiq'uel ta scojt'ol swenta jmajt'an, soc jcojt' stsumut, o jcojt' puliwoc, swenta milbil majt'anil yu'un mulil. Ya me yac'bey te sacerdotee.

Levítico 14:31

Ay me jcojt' te mut ya yich' aq'uel swenta milbil majt'anil yu'un te mulile, te yane swenta majt'anil te scojt'ol ya yich' chiq'uele, soc xan te majt'anil harina. Te sacerdote jich me ya stabey a te perdón yu'un Cajwaltic te mach'a ya sc'an lecubtesel sc'oplale —xi' te Cajwaltique.

Levítico 15:14

Ta swaxaquebal c'aal ya me stsac tel cheb puliwoquetic o cheb alal stsumutetic, ya me xbajt' ta stojol te yochibal Nailpac' te banti ya yich' c'oponel te Diose, swenta yu'un ya yac'bey ta sc'ab sacerdote ta stojol te Cajwaltique.

Levítico 15:29

Ta swaxaquebal c'aal ya me stsac tel cheb puliwoquetic o cheb alal stsumutetic, ya me yich' bael ta stojol sacerdote ta stojol te yochibal Nailpac' te banti ya yich' c'oponel te Diose.

Romanos 4:25

Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.