Números 4:5 - Bible in Tzeltal de Oxchuc y Tenejapa

⁵ Te c'alal ya xjajch'iquix ta beel te israeletique, te Aarón soc snich'nab ya sloq'uesic te pac' ya smac ta olil te ch'ul awilal, ja' me ya smuquic bael a te scajonil trato.

Bible in Tzeltal Bachajón

⁵ Te c'alal ya xhahchic ta behel te pueblo, te Aarón soc snich'nab ya xtal scolticlan te tsalul pac', ya smuquic a te scaxahul te chapbil-c'op;

Números 4:5 Iomraidhean Croise

1 Crónicas 15:15

Jich la spasic, ja' la stuuntesic te sq'uechjibal, la scajanic bael ta snejq'uelic, jich bit'il yaloj jilel mandal Moisés ta swenta smandal te Cajwaltique.

1 Crónicas 23:26

Jich yu'un, te levitaetic ma'yuc bay ya yich'iquix bael te Nailpac' Templo yu'un Cajwaltic, soc te sbiluquil te ya xtuun ta yorail te bitic ya yich' pasel ta templo”, xi' sc'oplal.

2 Crónicas 3:14

Soc la spas pac' ta morada, ta púrpura, soc ta lino te ya smac ta olilal na. La yac' ta ch'alel ta ts'isel sloc'ombail tey a te querubinetique.

Éxodo 36:35

La spas te pac' te ya stsal ta maquel ta olil te Nailpac' Temploe. La sjal ta naubil stsotsil chij te bonbil ta morada, púrpura soc tsaj, soc ta ts'otbil lino. Buen t'ujbil c'ot ta ch'alel soc sloc'ombail te querubinetique.

Éxodo 40:3

Te scajonil trato ac'a me ta mero yutil. T'imana c'axel te pac' te ya stsal ta olil te Nailpac' Templo.

Éxodo 40:5

Ac'a te scajtijib ta chiq'uel pom ta stojol scajonil trato. Jojc'ana te pac' yu'un ta yochibal te ch'ul awilal.

Isaías 25:7

Ja' ta bay wits to, ya sjin Cajwaltic te pac' te smucoj spisil te lumetique, ja' te pac' spotsoj spisil te nacionetique.

Levítico 16:2

Jich la yalbey te Moisese: —Albeya te abanquil Aarón, te ma me biluc nax ora ya x'och bael ta yutil ch'ul awilal ta spat te pac' t'imile, soc ma me xnoptsaj bael ta banti te yawil perdón te ay ta sba te caja, swenta yu'un jich ma xlaj a. Melel ya me xchicnajon ta ilel ta sba tocal.

Números 10:14

ja' neel ayic ta beel te soldadoetic te yacalic ta beel soc te bandera yu'un Judá, te ja' jtsobwanej yu'unic te Naasón te snich'an Aminadab.

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.

Números 4:4

“Te yat'el mach'atic sts'umbal Coat, mero bayal sc'oplal te bila ya x'ac'bot spasique. Jich ay te yat'elique:

Números 7:9

Yan te mach'atic sts'umbal Coat ma la yich'ic carreta stuquelic, ni toro, melel te ch'ul biluquetic ya yich'ic baele, puersa ya scajanic bael ta snejq'uelic stuquelic.

San Mateo 27:51

Jich ora jats coel tel c'alal sba c'alal ye'tal te pac' tsalbil a te temploe. Nijc' te lum q'uinale, soc jat te ch'entiquile.

Deuteronomio 31:9

Te Moisés jich la sts'ibuy ta jun te mandaliletic, la yac'bey ta sc'abic te sacerdote-levitaetique, ja'ic te mach'atic ay ta swentaic yich'el bael te cajón yu'un trato yu'un te Cajwaltique, soc ta spisil mamaletic te yich'oj yat'elic yu'un Israel.

Hebreos 10:20

Ja' me ac'a jt'untic ochel te ach' be te sbelal cuxinel te la sjambotiquix c'axel ta bay te pac' joc'ole, te ja' nix sbaq'uetal stuquele.

Hebreos 9:3

Ta spat te xcha'tsalal spac'ul te nailpac' temploe, ja' Mero Ch'ul Awilal sbiil.

1 Samuel 6:19

Pero te Cajwaltic ay la yac'bey lajuc te yajwal Bet-semes, scaj te la sjam yilic te cajón yu'une. Jich la yac' lajuc lajuneb xchanwinic (70) ta jtul. Te yajwal lum bayal oq'uic yu'un te bayal mach'a la yac' lajuc te Cajwaltique.