Números 4:10 - Bible in Tzeltal de Oxchuc y Tenejapa

¹⁰ Spisil me ya spotsic bael ta t'ujbil nujc'uletic, soc ya me yac'beyic ste'el ta q'uechel bael.

Bible in Tzeltal Bachajón

¹⁰ Ya spotsticlanic ta nuhculetic soc spisil te bintic ya xtuhun tey a, soc ya yotseslambeyic te sq'uechojibale.

Números 4:10 Iomraidhean Croise

Éxodo 25:31

“Ya me apas scajtijib c'ajq'uetic ta lequil oro, ya me apas ta puro martillo. Jun nax me ya xloc' ta pasel spisil soc te snactijib, te ste'el, te swolwolil soc te xyaxal spat snichimal ta yolil yilele.

Éxodo 25:5

snujc'ulel chij te bonbil ta tsaj; t'ujbil nujc'uletic; acacia;

Números 4:11

“Ja' nix me jich ya slimbeyic morada pac' ta sba te scajtijib majt'anil pom te pasbil ta oro. Ya me spotsic bael ta t'ujbil nujc'uletic, soc ya me yac'beyic ochel ste'el ta q'uechel baele.

Números 4:12

Soc ya me stsobic te sbiluquil te yac ta tuuntesel ta ch'uunel Dios a ta bay ch'ul awilal. Ya me yaq'uic ta morada pac', soc ya me spotsic bael ta t'ujbil nujc'uletic, soc ya me yac'beyic ste'el ta q'uechel bael.

Números 4:6

Ta sba ya me smuquic xan bael ta t'ujbil nujc'uletic. Ta sba xan te nujc'ule, ya me slimbeyic morada pac' te jlijc' nax aye. Ya me xijbeyic c'axel te ste'el sq'uechjibale.

Números 4:9

Ta yoxebal ya me stsaquic jlijc' morada pac', ya smuquic bael a te scajtijib c'ajq'uetic, te ch'in c'ajq'uetic, te tenazaetic, te ch'in platilloetic, soc spisil te yawil aceite te ya xtuun yu'une.