Números 3:8 - Bible in Tzeltal de Oxchuc y Tenejapa

⁸ Ja' me ya scanantaybeyic sbiluquil te Nailpac' te bay ya quich' c'oponele, soc ya me yac' sbaic ta abatinel yu'unic te israeletic ta spasel spisil te bitic ay ta pasel ta ch'ul awilal.

Bible in Tzeltal Bachajón

⁸ Ya scanantayic spisil te biluquetic yu'un te Nahilpac' Templo yu'un tahojibal, soc ya spasic spisil te bin a'botic spasic ta scuenta te snich'nab Israel ta banti te a'tel ta Nahilpac' Templo.

Números 3:8 Iomraidhean Croise

1 Crónicas 23:27

Te slajibal buelta mandal la yal David, jich nix la yich' pasel te censo yu'un sts'umbal Leví te ayic ta jtab ya'wilal baele.

2 Crónicas 29:11

Jich yu'un, ja'ex te jnich'nabex ya caiy ta co'tane, ma me xlubex, melel tsabilex yu'un te Cajwaltic swenta yu'un spisil me ora ayex ta xch'uunel te smandal, te ya awac' abaic ta abatinel ta stojol, soc te ya achic'beyic pom ta stojol —xi' te muc' ajwalile.

Isaías 52:11

Loc'aniquix, loc'aniquix bael ta Babilonia; ma me x'apiquic te bila ma lecuc sc'oplale, loc'aniquix bael ta Babilonia. Lecubenuquex me ta lec, ja'ex te ya awich'ic bael sbiluquil te templo yu'un te Cajwaltique.

Números 10:17

Jich jajch'ic ta spaquel spac'al te Nailpac' Templo te mach'atic sts'umbal te Gersón soc Merari, te ja'ic te ay ta swentaic sq'uechel, jich jajch'ic ta beel.

Números 10:21

Patil bajt'ic te sts'umbal Coat te la yich'ic bael te ch'ul biluquetique. Te c'alal ya xc'otic, chapalix ch'ul awilal yu'unic a te ya xc'o staique.

Números 3:7

Ya me yac' sbaic ta abatinel ta stojol Aarón soc spisil te lum ta Nailpac' te bay ya quich' c'oponele. Ja' me ya x'och ta swentaic te abatinel ta ch'ul awilal.

Números 3:9

Parte xawac' te levitaetic te ayic ta yolil te israeletic, swenta yu'un ya me yat'elinic abatinel ta stojol Aarón soc te sts'umbale.

Números 31:30

Te jchajp xan te ya x'ac'bot ta swentaic te jayeb xan israeletic, ja' te ach'ixetic, te wacaxetic, te burroetic soc te chijetique, ja' ta spisil te chambalametique, jujun me ya aloq'ues ta lajlajuneb yoxwinic (50), ja' me ya awac'beyic te levitaetic te ayic ta abatinel ta ch'ul awilal cu'une —xi' te Cajwaltique.

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.

Números 4:28

Ja' me abatinel yu'unic ta chajbalchajp te mach'atic sts'umbal Gersón, te ya spasic ta Nailpac' te bay ya quich' c'oponele, te bit'il ya xmandalaj ta stojolic te Itamar te snich'an sacerdote Aarón.

Números 4:33

Ja' at'el te ay ta pasel ta Nailpac' te bay ya quich' c'oponel, te ay ta swentaic te chajbalchajp sts'umbal Merari, te ja' ayic ta pasel ta mandal yu'un te Itamar te snich'an sacerdote Aarón —xi' te Cajwaltique.