Biblia Todo Logo
Bìoball air-loidhne

- Sanasan -




Números 3:6 - Bible in Tzeltal de Oxchuc y Tenejapa

6 —Ic'a tel mach'atic sts'umbal Leví, swenta yu'un ya me yac' sbaic ta swenta Aarón, soc ac'a me yac' sbaic ta abatinel yu'un.

Faic an caibideil Dèan lethbhreac

Bible in Tzeltal Bachajón

6 Ac'a nohpojuc tal te jchahp yu'un Leví, ya me awac'ticlan ta stojol te sacerdote Aarón scuenta yu'un ya yac' sbahic ta a'batinel yu'un.

Faic an caibideil Dèan lethbhreac




Números 3:6
18 Iomraidhean Croise  

Jich la yal mandal: —Ma me yanuc mach'a ya stic' sba a te yat'el levitaetic, ja' nax me stuquelic ya yich'ic bael te cajón yu'un Dios. Melel te Cajwaltic ja' stsaoj stuquel te levitaetic, te ja'ic ya yich'ic bael te cajón yu'un Cajwaltic, soc ja'ic me ayic ta abatinel yu'un spisil ora stuquelic —xi'.


Jilic ta abatinel yu'un te sacerdoteetic, ja' te sts'umbal Aarón, te ya spas yat'elic ta templo. Ja' me ay ta swentaic yilel te amaq'uetic yu'un templo, te cuartoetic, te bit'il ay ta lecubtesel te ch'ul biluquetic, soc te yantic at'eliletic ya yich' pasel ta templo.


Soc ay me ta swentaic scanantayel te Nailpac' te bay ya yich' c'oponel Dios, soc te xch'ul yawile. Ja' me te abatinel yu'un levitaetic soc te yermanotac, ja' te sts'umbal Aarón.


Te mach'atic tey ayic soc a te snich'nabe, jich ay sbiilic: ta swenta sts'umbal Coat c'ajin te Hemán, snich'an Joel, te snich'an Samuel,


Jich yu'un, ja'ex te jnich'nabex ya caiy ta co'tane, ma me xlubex, melel tsabilex yu'un te Cajwaltic swenta yu'un spisil me ora ayex ta xch'uunel te smandal, te ya awac' abaic ta abatinel ta stojol, soc te ya achic'beyic pom ta stojol —xi' te muc' ajwalile.


La sjel sbaic ta yat'el te sacerdoteetic ta chajbalchajp, soc te levitaetic la stsac yat'elic. Spisil jich la spasic swenta yich'jibal ta muc' Dios ta Jerusalén, jich nix te bit'il ts'ibubil ta libro yu'un Moisés.


Jich me ya ana'ic stojol te jo'on cac'ojbeyex te mandalil in to ta swenta te trato cu'un soc Leví te ma xch'ay sbajt'el q'uinal —xi' ta yalel te Cajwaltic te Spisil ya xju' yu'une.


Te levitaetic ya cac'bey yu'uninic te jun ta slajunebal ya yaq'uic te israeletic ta spisil te bitic ya staic ta q'uinal, ja' stojolic te abatinel ta Nailpac' te bay ya quich' c'oponel.


“Te levitaetic ya me xbeenic ta yolilal te chanchajp israeletic, yich'ojic me ta beel te Nailpac' te bay ya quich' c'oponele. Ta xchanchajbalic te bit'il ay scampamentoic, jich nix me xmelmon ya xbeenic te bit'il chajbanbil scampamentoic juju-jchajp soc te sbanderaique.


Ja'uc me to, jich yalojix mandal Cajwaltic ta stojol Moisés te ma ba ya yich' aq'uel ta censo te levitaetique.


Te Cajwaltic la sc'opon xan Moisés, jich la yalbey:


Ja' yorail a te la stsa te sts'umbal Leví te Cajwaltique, te yu'un ja' ya yich'ic bael te cajón te banti ay te trato yu'une, soc te yu'un ya x'ainic ta stojol te Cajwaltic swenta ya yich' xch'uunel, soc te ya yich' c'anel te bendición ta swenta sbiil stuquel, jich nix te bit'il yacal ta pasel ta ora to.


Lean sinn:

Sanasan


Sanasan