Números 26:10 - Bible in Tzeltal de Oxchuc y Tenejapa

¹⁰ Ja'uc me to, la sjam sba te lumq'uinale, la sbic' coel xchebalic soc Coré, soc lajic spisil te jtsojp yac'oj sbaique, melel lajuneb yoxlajunwinic (250) winiquetic te lajic ta c'ajq'ue. Ja' me tuun ta swenta sp'ijtesel te yantique.

Bible in Tzeltal Bachajón

¹⁰ La sjam sba te lum, la sbic'ticlan cohel ta spisilic soc Coré, te c'alal lajic ta c'ahc' lajuneb yoxlajunwinic (250) ta tuhl winiquetic, scuenta yu'un hich ya yilic a te yantique.

Números 26:10 Iomraidhean Croise

Éxodo 16:35

Te israeletic cha'winic ja'wil la swe'ic maná ja' to c'alal c'otic ta bay q'uinal te ay yajwale. Ja' bi, puro maná la swe'ic ja' to c'alal c'otic ta bay sti'il sq'uinal Canaán.

Jeremías 29:22

Jich te mach'atic ic'otic loq'uel ta Judá, te ic'otic bael ta mosoil ta Babilonia, teme ya sc'anic te ya sbolc'optayic yan, ya me staic ta alel: ‘Te Cajwaltic ac'a spasbat ta atojol, jich bit'il la spasbey te Sedequías soc te Acab, ja' te mach'atic la swo ta c'ajc' te muc' ajwalil yu'un Babilonia’, xiuc me ta yutel.

Ezequiel 14:8

Ya me jsituy jba soc te winique, ya me cac'bey castigo ta stojol. Seña me ya xc'ot ta stojol spisil te slumale, soc ya me xpujc' ta alel yu'un yantic, soc ya me jloq'ues ta yolil te lum cu'une. Jich me ya ana'ic te jo'on te Ajwalilone.

Números 16:2

la stoy sbaic ta stojol Moisés. La sjoin sbaic xan soc lajuneb yoxlajunwinic (250) israeletic, ja'ic winiquetic te ay yat'elic yu'un te lume, ja'ic te ya xmandalajic ta stojol te lume soc te mero na'bil sbaique.

Números 16:38

Te xchic'jibal pometic yu'un te winiquetic lajemiquix te la sta smulique, ch'ultesbilic me cu'un, melel la yich'ic tuuntesel ta yaq'uel pom ta jtojol. Ja' yu'un c'atp'unaic ta pasel ta lejch'el taq'uin, swenta yu'un ya yich' paq'uel a te scajtijib ta chiq'uel jmajt'ane, soc swenta yu'un ya me xtuun ta sjultesibal stsa te israeletic —xi' te Cajwaltique.

Números 17:3

Te bastonil te ay ta swenta sts'umbal Leví, ya me ats'ibubey sbiil tey a te Aarón. Jich ya sc'an te ay juju-jch'ix sbastonil yu'un te jtsobwanej ta swenta te juju-jchajbe.

Números 27:3

—Te jtatic cu'untic laj ta jochol taquin q'uinal; ja'uc me to, ma'yuc ta swenta te jtsojp yu'un Coré te la stoy sbaic ta stojol te Cajwaltique. Laj ta scaj smul, ma'yuc queremetic jilel.

Deuteronomio 11:6

Soc te bila la spasbey te Datán soc te Abiram, te snich'nab Eliab te sts'umbal Rubén, te bit'il la yac'bey sjam sba te lumq'uinal, te tey bic'ot coel soc mach'atic ay yu'un a, soc snailpac' soc spisil te bitic ay yu'une. Ta sit israeletic te jich c'ot ta pasele.

Deuteronomio 28:46

Ja'ic me tulan prueba ta atojol ta spisil ora, soc nix ta stojolic sbajt'el q'uinal te patil alnich'anetic awu'une.

2 Pedro 2:6

Dios la yac'bey tulan castigo te cheb lumetic, ja' te Sodoma soc te Gomorrae. Tan a jilic ta c'ajq'uel yu'un. Ja' ejemplo jilem ta stojolic spisil te ants-winiquetic teme ma sc'an yich'ic ta muc' te Diose.

Judas 1:7

Jich bit'il te lum Sodoma soc Gomorra soc te yan lumetic te ayic ta sjoylejale, pajalic soc te ch'ul abatetic te la calixe. La sle smulic ta sbaq'uetalic. C'aic ta spasel te sjoy sbaic nax ta winiquil te ya yuts'inbey sbaic sbaq'uetalique. Ja' in lumetic to, ja' ejemplo ta stojol spisil ants-winiquetic te ac'botic castigo ta c'ajc' sbajt'el q'uinal.

1 Samuel 2:34

Tey me ya ana' a te bila ya xc'ot ta pasel ta swenta anich'nab, ja' te Ofni soc Finees: ta xchebalic ya me xlajic ta jun nax c'aal.