Números 24:4 - Bible in Tzeltal de Oxchuc y Tenejapa

⁴ te yac ta yaiyel te bila ya x'albot yu'un Dios. Yalemix ta lum pero mero chican ta lec ya yil, jich ay bila ya xchicnaj ta sit ya yaiy yu'un te Dios te Spisil ya xju' yu'une.

Bible in Tzeltal Bachajón

⁴ te mach'a ya ya'iy bin ya yal te Diose, te ya yil te nahalsitil yu'un te Mach'a spisil ya xhu' yu'une; yahlem ta lum, pero wiq'uil sit:

Números 24:4 Iomraidhean Croise

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Génesis 15:12

Malix c'aal a, och swayel te Abram, c'ub ta lec. Bayal och xiwel ta yo'tan, ja' la xi' te mero pim a bajt' te yijc'al q'uinale.

1 Reyes 22:17

Te Micaías jich la yal: —Quiloj ta spisil te israeletique pujq'uemic bael ta witstiquil, jich te bit'il chijetic te ma'yuc jcanan yu'unique. Jich yaloj te Cajwaltic: “Ma'yuc yajwalic, ta juju-jtul lamal yo'tan ac'a sujt'uc bael ta sna”, xi' te Cajwaltique —xi'.

Salmos 89:19

Ta namey tel c'opojat soc ay bila la awac'bey yil ta sitic, jich la awalbey te abatetic awu'un te mach'atic jun yo'tanic ta atojole: “La jtsaix jtul ta lum cu'un, jtul te ay yip yo'tan soc te ma xiwe, toyol la caq'uix soc coltaybil cu'un.

Ezequiel 1:28

pajal soc arco iris te ya xchicnaj ta yolil tocaletic te c'alal ay ja'ale. Jich jul ta jtojol te xojobil te yutsilal te Cajwaltique. Te c'alal la quile, la jtinan jba coel c'alal ta lum.

Números 12:6

te Cajwaltic, soc jich albotic yu'un: —Aiya awaiyic stojol te bila ya calbeyex: Te c'alal ay jtul j'alwanej cu'un ta awolilic ja'ex, ya jc'opon ta swenta bitic ya cac'bey yil, soc ya jc'opon ta swaich.

Números 22:20

Ta ajc'ubal chicnaj Dios ta stojol te Balaam, jich la yalbey: —Ja' te winiquetic teme talem yu'un ya yic'at baele, jajch'an, baan soc. Pero ja' nax me ya apas te bila ya calbate —xi' sc'oplal yu'un.

Números 22:31

Jich yu'un te Cajwaltic la yac'bey ju'uc yu'un yilel te ch'ul abat te ay ta yolil be te stsacoj ta sc'ab te spuñale. Te Balaam la spajc'an sba coel, la yac'bey sta lum te sti'bae.

Números 24:15

Te Balaam la yal loq'uel sc'op j'alwanej: —Te c'op yich'oj tel Balaam te snich'an Beor, ja' te winic te ya yil ta jamal,

Números 24:5

¡Jacob, t'ujbil te nailpaq'uetic awu'une! ¡T'ujbil te campamento yu'un Israel!

Hechos 10:10

Tal wi'nal ta yo'tan la yaiy. Yo'tan nax c'an we'uc. Ja'uc me to, te bit'il yac to ta chajbanel te we'elile, ay bila ac'bot yil yu'un Dios ta stelemal yilel.

Hechos 10:19

Te Pedro yac to ta snopel ta yo'tan te bi swentailuc te bila ac'bot yile, te albot yu'un te Ch'ul Espiritue: —Aiya awaiy, ay oxtul winiquetic ya sleat.

Hechos 22:17

“C'alal sujt'on tel li'to ta Jerusalén, boon ta templo ta sc'oponel Dios. Ay mach'a chicnaj la quil ta stelemal yilel tey a.

Apocalipsis 1:10

Te bit'il ayon ta wentainel yu'un te Espiritue, ja' c'ot ta pasel a te bi c'aalil yu'un te Cajwaltique. Jich la caiy stojol te ay mach'a tulan yac ta c'op ta jpat. Jich sc'op la caiy te bit'il sc'op te oq'uese.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

1 Samuel 19:24

Soc la xch'oj loq'uel sc'u'-spac', jich yac ta aq'uel ta c'op yu'un Dios ta stojol Samuel, jich la spas sjunal c'aal soc sjunal ajc'ubal. Tey chicnajem tel te c'op te: “¿Ja' bal j'alwanej yu'un Dios uuc te Saule?” te xie.