Números 23:3 - Bible in Tzeltal de Oxchuc y Tenejapa

³ Te Balaam la yalbey te Balac: —Jilan li' ta bay milbil majt'anil to, te bit'il ya to xboon ta sleel Cajwaltic teme ya xtal staone. Ora me ya calbat te bila ya yac'bon jna' —xi' te Balaam. Te Balaam bajt' ta bay t'axal wits.

Bible in Tzeltal Bachajón

³ Te Balaam hich la yalbe te Balac: Hilan li'i ta banti ay te scohtol chic'bil mahtanil awu'un, ya xbohon ho'on; ya wan xtal stahon te Jehová. Ya calbat bin ya ya'bon jna', xchi. Hich baht ta wits te mayuc bin colem tey a.

Números 23:3 Iomraidhean Croise

Génesis 22:13

Jich te Abraham la stoy sit, la sujt'es sba. La yil ay tat chij te quijc'ajem xulub ta pimil ch'ixtiquil. Ba stsac te tat chije, ja' la smilbey smajt'anin te Diose, ja' sjelol te snich'ane.

Génesis 22:2

Albot yu'un te Diose: —Ic'a bael te jip jtul anich'an Isaac te bayal c'ux ta awo'tane, baan soc ta sq'uinal Moriah. Tey ta bay wits te ya calbate, ya me xc'o amilbon jmajt'anin te anich'an, scojt'ol me ya yich' chiq'uel ta jtojol —xi' sc'oplal yu'un te Diose.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

Éxodo 18:12

Te Jetro te snialmamal Moisés la stsac jcojt' chambalam yu'un ya smil soc ya xchic'bey smajt'anin te Diose, soc yan milbil majt'aniletic la yac'. Te Aarón soc spisil te mamaletic ich'bilic ta muc' yu'un Israel, la sjoinic ta we'el te snialmamal Moisés ta stojol te Diose.

Levítico 1:1

Te Cajwaltic c'opoj c'alal ta Nailpac' te banti ya yich' c'oponel, la yic' te Moisés, jich la yalbey:

Números 23:12

Te Balaam la sjac': —Melel la jchaptic te ja' nax me ya cal te bila ya yalbon loq'uel ta que te Cajwaltique —xi'.

Números 23:15

Te Balaam la yalbey te Balac: —Jilan li' ta bay milbil majt'anil to, te jo'one ya xba jta jba soc te Diose —xi' te Balaam.

Números 23:2

Te Balac jich la spas te bit'il albote. Ta xchebalic la smilic jcojt' toro soc jcojt' chij ta jujun scajtijib majt'anil.

Números 23:26

Ja' yu'un la sjac' te Balaam: —¿Yu'un bal ma la calbat awaiy te ja' nax ya xju' ya cal te bila mandal ya yalbon te Cajwale, te xoone? —xi'.

Números 23:4

Tey la sta a te Diose. Te Balaam la yalbey: —Jchajbanej juqueb scajtijib majt'anil, ta jujun ay cac'oj ta milel jcojt' toro soc jcojt' tat chij —xi'.

Números 24:1

Ja'uc me to, c'ot ta yo'tan Balaam te ja' ya sc'an yo'tan Cajwaltic te ya yac'bey bendición ta stojol te lum Israel. Ja' yu'un ma ba la sle señailetic ta stojol Cajwaltic, jich bit'il ay la spasix, ja' nax la sut sit ta stojol te muc'ul jochol taquin q'uinale.

San Mateo 4:8

Yan buelta te Jesús ic'ot bael yu'un te pucuj ta bay muc' toyol wits. Tey la yac'bey yil spisil ta jchajp lumetic te ayic ta balumilale soc te yutsilalique.

Josué 24:10

Ja'uc me to, ma la cac'bey yal te Balaam te ya sc'anbeyex castigo ta atojolic, ja' nax la cac'bey sc'anbeyex bendición ta atojolic, jich la jcoltayex te ja'exe.