Números 23:2 - Bible in Tzeltal de Oxchuc y Tenejapa

² Te Balac jich la spas te bit'il albote. Ta xchebalic la smilic jcojt' toro soc jcojt' chij ta jujun scajtijib majt'anil.

Bible in Tzeltal Bachajón

² Te Balac hich la spas te bin halbot yu'un Balaam. Ta schebalic la yaq'uic jcoht jcolel toro soc jcoht tuminchij scuenta chic'bil mahtanil ta jujun scajtajib.

Números 23:2 Iomraidhean Croise

Ezequiel 45:23

Te juqueb c'aal ya xjalaj te q'uine, te jujun c'aal ya me yac' juqueb toroetic soc juqueb chijetic te ma'yuc bila boloben ta sbaq'uetalic, swenta chic'bil majt'anil scojt'ol ta stojol te Cajwaltique. Soc xan, ta jujun c'aal ya me yac' jcojt' tentsun swenta milbil majt'anil yu'un mulil.

Números 23:1

Jich yu'un te Balaam la yalbey: —Pasbon juqueb scajtijib ta chiq'uel majt'aniletic li'to, soc chajbanbon juqueb toroetic soc juqueb tat chijetic —xi' te Balaam.

Números 23:14

Te Balac la yic' moel te Balaam ta spamlejal yu'un Zofim, ta mero sba te wits Pisga. Tey la spasbey juqueb scajtijib ta chiq'uel majt'anil a, soc la smil juju-jcojt' toro soc juju-jcojt' tat chij.

Números 23:29

Te Balaam tey la yalbey a te Balac: —Pasbon juqueb scajtijib ta chiq'uel majt'aniletic, soc chajbanbon juju-jcojt' toro soc juju-jcojt' tat chij —xi' te Balaam.

Números 23:3

Te Balaam la yalbey te Balac: —Jilan li' ta bay milbil majt'anil to, te bit'il ya to xboon ta sleel Cajwaltic teme ya xtal staone. Ora me ya calbat te bila ya yac'bon jna' —xi' te Balaam. Te Balaam bajt' ta bay t'axal wits.

Números 23:30

Te Balac la spas te bi la yal te Balaam, ta jujun scajtijib la smil jcojt' toro soc jcojt' tat chij.