Números 21:9 - Bible in Tzeltal de Oxchuc y Tenejapa

⁹ Te Moisés la spasbey sloc'omba chan ta bronce, la sjojc'an ta te'. C'alal ay mach'a ti'bilix yu'un a te chane, la stoy moel sit ta yilel te sloc'omba chan pasbil ta bronce, jich a col.

Bible in Tzeltal Bachajón

⁹ Hich te Moisés la spasbe sloc'omba chan ta bronce, la sjohc'an ta te'. Te mach'a ya xti'ot ta chan, ya yil te chan pasbil ta bronce, hich ya xcuxaj.

Números 21:9 Iomraidhean Croise

2 Reyes 18:4

Ja' stuquel la sloq'ues te toyol ch'uunjibaletic. La swuy te ch'ultesbil tonetic, soc la swuy te sloc'omba Asera, soc la sc'asbey te sloc'ombail chan pasbil ta bronce te ja' la spas ta namey te Moisés, te tey yacal xchic'belic pom a te israeletique. Nehustán sbiil yu'unic.

Isaías 45:22

“La'ic ta jtojol, ya me jcoltayex, ja'ex te lumetic ta bayuc ayuquex c'alal sti'il te balumilale, melel jo'on nax Dioson, ma'yuc yan.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

San Juan 1:29

Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

San Juan 12:32

Te c'alal ya quich' jijp'anel ta balumilale, ya me quic' tel ta jtojol spisil ants-winiquetic —xi'.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.

Romanos 1:17

Melel ya yal te lec yach'il c'ope te ja' toj ya x'ilot yu'un Dios te mach'a ay xch'uunjel yo'tane. Jich nix te bit'il ts'ibubil jilele: “Te mach'a toj ya x'ilot yu'un Dios ta swenta xch'uunjel yo'tane, ja' me ya xcuxin yu'un”, te xie.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.