Números 21:7 - Bible in Tzeltal de Oxchuc y Tenejapa

⁷ Jich yu'un bajt'ic ta stojol Moisés, la yalbeyic: —La jta jmultic ta sbolc'optayel Cajwaltic soc ta atojol te ja'ate. C'anbeya te Cajwaltic te ya sq'uejbotic bael te chanetique —xiic. Te Moisés la sc'anbey Cajwaltic te yacuc spasbey perdón te israeletique.

Bible in Tzeltal Bachajón

⁷ Ha yu'un te pueblo talic ta stojol Moisés, hich la yalbeyic: La jta jmulcotic ta scontrac'optayel te Jehová soc te ha'ate. C'ambeya Jehová te yacuc sloq'ues te chanetic, xchihic. Hich te Moisés la sc'opombe Dios te pueblo.

Números 21:7 Iomraidhean Croise

Génesis 20:17

Jich yu'un te Abraham la sc'oponbey Dios, jich col te Abimelec, te yinam soc te criadaetique, alajic ta spisilic.

Génesis 20:7

Jich yu'un ticuna sujt'el ta stojol smamlal te antse, te melel j'alwanej cu'un te Abrahame. Ya me xc'opoj awu'un ta jtojol, jich me ya xcuxinat. Yan teme ma x'aticun sujt'ele, jc'axel ya xlajat soc spisil mach'a ay awu'un —xi' sc'oplal yu'un te Diose.

1 Reyes 13:6

Ja' yu'un te muc' ajwalil la sc'opon te j'alwanej yu'un Dios, jich la yalbey: —Wocoluc c'oponbon te Dios awu'une, swenta yu'un ya me xlecub a te jc'abe —xi'. Te j'alwanej yu'un Dios la sc'oponbey te Diose. Te sc'ab te muc' ajwalil lecub, jich nix c'ot te bit'il ay ta neelal toe.

2 Reyes 13:4

Te Joacaz la sc'opon te Cajwaltique. Te Cajwaltic la yich'bey ta wenta te sc'op, melel la yil te bi la yut la yuts'in te israeletic te muc' ajwalil yu'un Siria.

Job 42:10

Te c'alal laj yo'tan te Job ta sc'oponbeyel Dios yu'un te sjo'taque, Dios cha'sujt'esbot xan te sc'ulejal te ay yu'un ta neelal to, soc cheb buelta xan c'axem la yac'bey a te bit'il ay yu'un ta neelal toe.

Job 42:8

Yo'tic ya me atsaquic juqueb toroetic soc juqueb tat chijetic. Baanic ta stojol te cabat Job, ac'aic ta scojt'ol chic'bil majt'anil ta jtojol yu'un awu'unic ja'ex. Te cabat Job ya me sc'oponon ta awentaic, ya me quich'bey ta wenta te sc'ope, jich ma'yuc bila amen ya cac' c'otuc ta atojolic, manchuc me jich ya sc'an pasel ta atojolic te jichuque, melel ma ja'uc la awalic te bila smelelil jc'oplale, jich te bit'il la spas stuquel te cabat Job —xi'.

Salmos 106:23

Te Dios la yalbey sc'oplal ta lajinel ta jc'axel; ja'uc me to, te Moisés te tsabil yu'une, c'opoj yu'unic. Jich lamaj bael sc'ajc'al yo'tan te Diose; ma ba la slajin ta jc'axel te lume.

Salmos 78:34

Te c'alal Dios ac'otic ta lajel yu'une jich jajch' sleic; sujt'ic ta stojol, spisil yo'tanic la sleic.

Éxodo 10:17

Jich yu'un ya me calbeyex wocol, pasbonic perdón yu'un te jmule, ma ba ya jpasix. C'oponbonic a te Ajwalil te Dios awu'unic te ya sq'uejbon bael te lajel ta jtojole —xi'.

Éxodo 32:11

Te Moisés ja' la sc'opon te Cajwaltic, jich la yalbey: —Cajwal, ¿bi yu'un te ya x'ilinat ta stojol te lum awu'un, te ja'at nix la aloq'ues tel ta Egipto ta smuc'ul awu'el soc yu'el te ac'abe?

Éxodo 32:30

Ta yan c'aal te Moisés jich la yalbey te lume: —Te ja'exe mero muc' mulil la apasic. Jich yu'un ta ora to ya me xmoon bael ta stojol te Cajwaltique. Ya quil teme ya jta te ya spasbeyex perdón —xi'.

Éxodo 8:28

Te faraón, jich la yal: —Lec ay, ya caq'uex bael ta muc'ul jochol taquin q'uinal, pero ja' te ma jc'axeluc najt' ya xbaexe. C'oponbonic Dios tey uuc a —xi'.

Éxodo 8:4

Te xch'uch'etique ya me swiluntayat soc te abatetic soc spisil te alumale’, xi' te Cajwale”, uta me —xi' te Cajwaltique.

Éxodo 8:8

Te faraón la sticun ta iq'uel te Moisés soc Aarón, jich la yalbey: —C'opona te Awajwalique, ac'a sq'uejbon bael ta jtojol te xch'uch'etique, soc ta stojol te jlumale. Ya cac' loq'uel te alumale, ac'a ba yac'beyic smajt'an te Awajwalique —xi'.

Isaías 26:16

Te c'alal ayotic ta woclajel, Cajwal, la jleticat atuquel; te tojtesel la awac'botique, jich nax te bit'il sajsaj c'ope.

Jeremías 15:1

Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Jeremías 37:3

Te muc' ajwalil Sedequías la sticun bael te Jucal snich'an Selemías soc te sacerdote Sofonías te snich'an Maasías, ta yilel te j'alwanej Jeremías. Jich c'o yalbeyic: —C'oponbotic Cajwaltic te Dios cu'untique —xiic.

Oseas 5:15

“Ora ya sujt'on bael ta bay cawil, ja' to me c'alal ya sna'ic te smulique. Jich me ya xtal sleonic. Ja' me ya yalbonic wocol a te c'alal ayiquix ta woclajele —xi'.

Números 11:2

Te lum awunic ta sc'anel coltayel ta stojol Moisés. Te Moisés la yalbey wocol te Cajwaltic ta swentaic, jich yu'un te c'ajq'ue tup'.

San Mateo 27:4

Jich la yal: —La jtaix jmul, melel la caq'uix ta malel xch'ich'el te mach'a ma'yuc smule —xi'. Ja'uc me to, albot yu'unic: —Ma jwentatiquix te jo'otique. Ayix ta awenta atuquel —la yutic.

Hechos 8:24

La yal te Simone: —C'oponbonic me Cajwaltic ta jtojol te ja'exe, swenta yu'un ma me xc'ot ta jwenta te bila la awalique —xi'.

Romanos 10:1

Quermanotac, toyol co'tan ta sc'oponel Dios yu'un te yacuc staic colel te israeletique.

Deuteronomio 9:20

Soc mero ilin ta stojol te Aarón, c'an slajin ta jyalel, pero ta scaj te la jna'bey yo'bolil sba, c'opojon yu'un.

Santiago 5:16

Jich yu'un albeya abaic ta jamal teme ay amul ataojique, soc c'oponbeya abaic Dios swenta yu'un jich me ya xlamaj te chamele. Te c'alal ya sc'opon Dios te mach'a toj yo'tane, bayal yip ya xc'ot.

1 Samuel 15:24

Patil te Saúl la yalbey te Samuel: —Melel nix a, la jta jmul. Melel la jc'axintaybey te smandal te Cajwaltic soc nix te ac'ope. Scaj te ja' la jxi' stuquel te winiquetique, ja' yu'un la quich'bey ta wenta te sc'opique.

1 Samuel 15:30

La yal xan te Saúl: —La jta jmul. Wocoluc, ich'awon ta muc' jich nix te bit'il muc' ajwalilon a, jich me ya yilic te mamaletic yu'un Israel soc ta spisil te jlumaltique. Ja' yu'un, sujt'ucotic bael, swenta yu'un ya me xba jch'uuntic te Cajwaltic te Dios awu'une —xi'.