Números 21:6 - Bible in Tzeltal de Oxchuc y Tenejapa

⁶ Te Cajwaltic la sticunbey tel jti'awal chanetic. Lajic ta ti'el yu'un, jich lajic bayal israeletic.

Bible in Tzeltal Bachajón

⁶ Hich te Jehová la sticombe tal ti'awal chanetic ta yohlilic, hich lajic ta ti'el ta chan; bayel chamic yu'un te snich'nab Israel.

Números 21:6 Iomraidhean Croise

Isaías 14:29

Ma me xbujts'naj awo'tan yu'un, nación filistea, te la yich'ix wuyel te wajch' te la awich' castigo a. Melel te chan ya x'alaj loq'uel jcojt' jti'awal chan, ya xloc' jun mero c'ajc'al chan te ya xwile.

Isaías 30:6

J'alwanej c'op ta stojol chambalametic te ayic ta Néguev: Ta lumq'uinal te nojel yu'un te bitic xiweltic sbae, tey nainemic a te león-chojetic ya x'awunique, te jti'awal chanetic soc te dragonetic te ya xwilique, ya yich'ic bael te sc'ulejalique. Ya yac'beyic scuch bael te sburroic soc te scamelloic c'alal ta Egipto te lum te ma'yuc sc'oplal ta jyalele,

Jeremías 8:17

Te Cajwaltic jich ya yal: —Te ja'exe ya jticun tel ta atojolic jti'awal chanetic te ay svenenoil yeic te ya sti'ex ta apisilic; ma'yuc mach'a ya xju' yu'un slamantesbeyel yo'tanic —xi' te Cajwaltique.

Ezequiel 14:15

“Teme ya jticun jti'awal chambalametic ta lumq'uinal, te yu'un ya smilbey te yajwal soc ya sc'atp'un ta jochol taquin q'uinale te banti ma'yuc mach'a ya sc'an ya xc'ax ta scaj xi'el te jti'awal chambalametique,

1 Corintios 10:9

Soc ma me xquilbeytic yo'tan te Cajwaltique, jich te bit'il ay la yil-o'tantayique, jich lajic ta ti'el ta chan yu'un.

Deuteronomio 8:15

Te Cajwaltic la yic'otic ta beel ta muc'ul jochol taquin q'uinal te xiweltic sba, te banti ay bayal jti'awal chanetic soc tsequetic, soc te banti ma'yuc ja', pero te Cajwaltic la sloq'ues ja' ta buen tulanil ton. Jich la yac'beyex awuch'ic ja' tey a.