Números 21:4 - Bible in Tzeltal de Oxchuc y Tenejapa

⁴ Te israeletic jajch'ic loq'uel ta wits Hor ta stojol bael Mar Rojo, yu'un la yac'beyic buelta ta sjoyintayel c'axel sq'uinal Edom. Ta be ch'ay yip yo'tanic te lume.

Bible in Tzeltal Bachajón

⁴ Patil loq'uic ta wits Hor ta sbehlal Mar Rojo, yu'un ya sjoybetayic te sq'uinal Edom. Ta be chebaj yo'tanic te pueblo.

Números 21:4 Iomraidhean Croise

2 Reyes 3:8

Pero ¿banti beil toj ya xbootic ta yaq'uel guerra?” xi'. Te Joram la sjac': “Tojotic ta be ta jochol taquin q'uinal yu'un Edom”, xi'.

Éxodo 6:9

Te Moisés la yalbey te israeletique; ja'uc me to, ma ba la yich'beyic ta muc' te sc'ope, yu'un chebajemix yo'tanic ta scaj te tulan ta jyalel te mozoinele.

Números 14:25

(Te sts'umbal Amalec soc te cananeoetic, ja' nainemic ta muc'ul spamlej q'uinal.) Te ja'ex pajel me ya awaq'uic buelta, loc'anic bael ta sbelal te muc'ul jochol taquin q'uinal, t'unaic bael sbelal te Mar Rojo —xi'.

Números 20:27

Te Moisés jich la spas te bit'il la yal mandal te Cajwaltique. Comon la yilic te israeletic te moic bael ta wits Hor.

Números 32:7

¿Bistuc ya achebantesbey yo'tanic te alumal israeletic te ma xc'axex bael ta bay lumq'uinal te ya yac'beyex te Cajwaltique?

Números 32:9

C'otic c'alal ta beja' yu'un Escol, jich la stsajtayic te q'uinale. Ta patil la xchebantesbey yo'tanic te israeletic, swenta yu'un jich ma x'ochic bael ta lumq'uinal te ac'bilic yu'un te Cajwaltique.

Números 33:41

Loq'uic bael ta wits Hor, c'otic ta Zalmona.

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

Deuteronomio 1:40

Yan te ja'exe, ¡sujt'anic bael ta jochol taquin q'uinal! ¡Baanic xan ta Mar Rojo!” xi' te Cajwaltique.

Deuteronomio 2:1

“Patil bootic ta jochol taquin q'uinal, tojotic bael ta sbelal Mar Rojo, jich nix te bit'il la yalbon mandal te Cajwaltique. Jalajotic bayal c'aal ta beel ta witstiquil yu'un Seir.

Jueces 11:18

Jich beenotic ta jochol taquin q'uinal, ja' la joyintaybeytic sq'uinal te Edom, soc te Moab, ja' to c'alal c'ootic ta stojol sloq'uib c'aal yu'un Moab. Tey la jpas jcampamentotic ta jejch' ja' Arnón. Ma ba ochotic bael ta sq'uinal Moab, melel tey jajch'em a.