Números 20:2 - Bible in Tzeltal de Oxchuc y Tenejapa

² Te israeletic ma la sta ja' yuch'ic. La stsob sbaic tel ta scontroinel Moisés soc Aarón,

Bible in Tzeltal Bachajón

² Te bin ut'il mayuc ha' yu'un te pueblo, hich la stsob tal sbahic ta scontrahinel te Moisés soc Aarón,

Números 20:2 Iomraidhean Croise

Salmos 106:32

La yaq'uic ilinuc yo'tan Dios ta yan buelta ta sts'eel ja'etic yu'un Meriba. Ja' ta scajic te ma lecuc sc'oplal bajt' te Moisese.

Éxodo 16:12

—Yacon ta yaiyel stojol te yacalic ta ch'inlajanel ta c'op te israeletique. Baan c'opojan soc, jich me ya awalbey: “Jich la yal te Diose: ‘Ta xmal c'aal ya me ati'ic ti'bal. Yan te jujun sab ya me awe'ic waj ja' to chican bay c'alal ya sc'an awo'tanic. Jich me ya ana'ic te jo'on Ajwalilon te Dioson awu'unique’, xi' te Diose”, uta me —xi' me sc'op te Cajwaltique.

Éxodo 16:2

Ta jochol taquin q'uinal tey jajch'ic ch'inlajanel ta c'op ta scontroinel a te Moisés soc te Aarone.

Éxodo 16:7

ta sab to ya me awilbeyic xojobil yutsilal te Cajwaltique, melel la yaiy stojol te c'alal c'opojex ta scontroinele. Yan te jo'otique, ¿mach'a ya acuyotic a te ya awutotique? —xi'.

Números 14:2

Spisilic jajch'ic ta bol c'op ta stojol te Moisés soc te Aarón, jich la yalic: —¡Ja' lec te lajucotic ta Egipto, o ta jochol taquin q'uinal!

Números 14:9

Ja'uc me to, ma me xatoy abaic ta stojol te Cajwaltic, soc ma me xiwex yu'un te yajwal q'uinale, melel te jo'otic ya me jlajintic jich bit'il ya jlajintic te jwe'eltique. Ma me ayuc mach'a ya xc'opoj yu'un stuquelic, yan te jo'otic ay ta coliltic te Cajwaltique. Ma me ayuc xiwel ta awo'tanic —xiic.

Números 16:19

Te Coré stsoboj spisil te lum ta stojol te Nailpac' ta scontroinel te Moisés soc te Aarón. Te yutsil xojobil te Cajwaltic chicnaj ta stojol spisil te lume.

Números 16:3

Spisilic la stsob sbaic, la situyic ta c'op te Moisés soc te Aarón, jich la yalbeyic: —Tiq'uexix a te muc' ac'oplalic te ja'exe, melel spisil lum ch'ultesbil yu'un te Diose. Te Cajwaltic ayix ta coliltic ta jpisiltic. ¿Bi yu'un te c'ax muc' ya awac' abaic soc awat'elic ta stojol te lum yu'un te Cajwaltique? —xiic.

Números 16:42

Ta spisilic xch'inlajanic ta sjoytayel te Moisés soc te Aarón, ja'uc me to la stojlinic bael ta ilel te Nailpac' te bay ya yich' c'oponel te Cajwaltique. Ta ora nax tal ta axintesel ta tocal soc chicnaj tey a te yutsil xojobil te Cajwaltique.

Números 21:5

Jajch'ic ta scontroinel ta c'op te Dios soc Moisés, jich la yalic: —¿Bistuc la aloq'uesotic tel ta Egipto? ¿Bi yu'un tal awac' lajucotic ta jochol taquin q'uinal? Ma'yuc ja' cuch'tic, soc ni ma'yuc jwe'eltic. C'axix co'tantic ta swe'el te maná —xiic.