Números 20:1 - Bible in Tzeltal de Oxchuc y Tenejapa

¹ Ta sbabial u yu'un te ja'wile, te israeletic c'otic ta jochol taquin q'uinal Zin, jalajic ta lum Cades. Tey laj a te María, tey la smuquic a.

Bible in Tzeltal Bachajón

¹ C'ohtic spisil te pueblo yu'un te snich'nab Israel ta jochol taquin q'uinal Zin ta shahchel u, la spas scampamentohic ta Cades. Tey cham a te María, soc tey la yich' muquel a.

Números 20:1 Iomraidhean Croise

Génesis 14:7

Sujt'ic tel te Quedorlaomer soc te mach'atic sjoinej sba soc, c'otic ta Enmispat, te Cades yan sbiile. La sjinic te c'alal c'axic tel spisil te sq'uinal amalequetic, soc te sq'uinal amorreoetic te nainemic ta lum Hazezón-tamar.

Salmos 29:8

te sc'op Cajwaltic ya yac' nijc'uc te jochol taquin q'uinale; te Cajwaltic ya yac' nijc'uc te jochol taquin q'uinal yu'un Cades.

Éxodo 15:20

Jich yu'un te María, ja' te j'alwanej te xwix te Aarón, la stsac te pandereta yu'une. T'unot yu'un spisil te antsetique, ajc'otajic ta stijel te spanderetaique.

Éxodo 2:4

Ay xwix te alale. Q'uejel to ba stejc'an sba ta yilel te bila ya xc'ot ta pasel ta stojol te alale.

Éxodo 2:7

Te xwix te alal la yalbey te yantsil-nich'an faraón: —¿Bi xaat yu'un teme ya xba quic'bat tel jtuluc hebrea-ants te ya xchu'untesbat te alale? —la yut.

Ezequiel 47:19

“Te sti'il ta stojol sur, ya xjajch' ta Tamar, ya xc'ax ta yaxal q'uinal yu'un Meriba-cades soc ta beja' yu'un Egipto, ya xc'ot c'alal ta Mar Mediterráneo.

Miqueas 6:4

Jo'on la jloq'uesat tel ta lum Egipto, la cac'at ta libre yu'un mosoil. Jo'on la jticun bael te Moisés, te Aarón soc te María, swenta yu'un ja'ic ya yiq'uex tel.

Números 12:1

Te María soc Aarón jajch' slabanic Moisés, yu'un nujbinem soc etiope-ants.

Números 12:10

Te c'alal nax la sq'uej sba bael te tocal ta bay te Nailpac', te María tsacot jilel ta c'a'el-chamel, mero sac a bajt' te snujc'ulele. C'alal la sujt'es sba Aarón ta yilel te María, la yil te tsacbil ta c'a'el-chamel te snujc'ulele.

Números 12:15

Jich yu'un te María la yich' loq'uesel bael ta campamento juqueb c'aal. Te lume ma'yuc bay beenic xan bael.

Números 13:21

Bajt'ic te winiquetic, ba stsajtayic tel te q'uinal, c'alal ta jochol taquin q'uinal Zin ta stojol sur, ja' to ta lum Rehob ta stojol norte, te nopol yiloj sba soc yochibal bael Hamat.

Números 13:26

ta Cades ta jochol taquin q'uinal Parán. Tey ay a te Moisés, Aarón soc spisil te israeletique. La xcholbeyic sc'oplal te bitic la yilic, soc la yaq'uic ta ilel te sit awalts'unubil ta lumq'uinale.

Números 20:16

Jich yu'un la jc'anbeytic coltayel te Cajwaltique. La yaiybotic stojol, jich la sticun tel jtul ch'ul abat yu'un te la sloq'uesotic tel ta Egipto. Ta ora to li' ayotiquix ta lum Cades ta bay sti'il te aq'uinale.

Números 20:22

Spisilic te lum Israel loc' bael ta Cades ta stojol bael te wits Hor.

Números 20:28

Te Moisés la sloq'uesbey sc'u'-spac' swenta sacerdoteil te Aarón, ja' la yac'bey slap te Eleazar. Tey laj a te Aarón ta mero sba te witse. Te Moisés soc te Eleazar coic tel ta wits.

Números 26:59

Te Amram nujbin soc jtul yantsil-nich'an Leví, Jocabed te sbiile, ayin c'alal ay ta Egipto a te Leví. Te Amram soc Jocabed ja'ic te sme'-stat Aarón, Moisés soc María.

Números 27:14

Melel ma la ach'uunbonic jmandal ja'ex te chebexe, ta bay jochol taquin q'uinal Zin te c'alal jajch'ic ta tulan c'op te lum ta jtojole. Ja'uc me to, ma la awac'onic ta ich'el ta muc' ta stojolic te c'alal la sc'an ja' yuch'ic —xi'. (Ja' ya yalbey sc'oplal te sloq'uibja' te Meriba sbiile, te ay ta Cades ta jochol taquin q'uinal Zin.)

Números 33:36

Loq'uic bael ta Ezión-geber, c'otic ta jochol taquin q'uinal Zin, ja' te bay Cades.

Deuteronomio 1:46

Ja' yu'un jilex ta nainel bayal c'aal ta jsejp q'uinal te Cades sbiile.

Deuteronomio 2:14

“Te c'alal loc'otic jajch'el ta Cades-barnea, asta c'alal te bi c'aalil c'axotic ta beja' Zered, c'ax waxaclajuneb xcha'winic (38) ja'wil. Ta ora to, spisil lajiquix te winiquetic te ya x'at'ejic ta guerra te ayic ta campamento a, jich nix te bit'il jc'axel jamal albotic yu'un te Cajwaltique.

Deuteronomio 32:51

Ja'ex ta achebalic ma junuc awo'tanic la awac' abaic ta jtojol ta sitic te israeletic te c'alal ayex ta Meriba-cades a, ta jochol taquin q'uinal Zin, ma ba la awich'onic ta muc' ta yolilic.

Jueces 11:16

C'alal loc'otic tel ta Egipto, c'axotic tel ta jochol taquin q'uinal c'alal ta Mar Rojo, julotic ta Cades.