Números 2:10 - Bible in Tzeltal de Oxchuc y Tenejapa

¹⁰ “Ta stojol sur tey me ya xc'o spas scampamentoic te mach'atic ya xbeenic ta stojol te bandera yu'un Rubén. Te soldadoetic yu'un sts'umbal Rubén, ja' jtsobwanej yu'unic te Elisur te snich'an Sedeur.

Bible in Tzeltal Bachajón

¹⁰ Te bandera yu'un te campamento yu'un Rubén ya xc'oht ta stojol sur, ta scuenta jujuchahp yu'unic. Te jtsobaw yu'un te sts'umbal Rubén, ha te Elisur snich'an Sedeur.

Números 2:10 Iomraidhean Croise

1 Crónicas 5:1

Te snich'nab Rubén, te sba snich'an Israel, ja'ic te Hanoc, Falú, Hezrón soc Carmi. Te Rubén, ja' te mero banquilale; ja'uc me to, ch'ay te bendición ta swenta banquilal ta scaj te jelaw c'alal way soc yinam te state. Jich yu'un te bendición c'ax ta swenta snich'nab te José te yan snich'an Israel. Pero ta patil cajal yip c'ot Judá yu'un a te yermanotaque. Tey chicnaj jtul jmandalteswanej ta swenta, pero te bendición yu'un te ba banquilal ja' ay ta swenta José stuquel.

Números 1:5

Ja' lista sbiilic te jtsobwanejetic te ya scoltayexe: “Ta swenta sts'umbal Rubén: ja' te Elisur snich'an Sedeur.

Números 10:18

Ja' nix jich jajch'ic ta beel te soldadoetic soc te bandera yu'un Rubén, te ja' jtsobwanej yu'unic te Elisur snich'an Sedeur.

Números 10:6

Ta xchebal buelta oq'uesinel, ja' me ya xjajch'ic ta beel te mach'atic spasoj scampamentoic ta stojol sur. Te ya x'oq'uesinot oq'uesetic te ya sjoin sba soc awetic, ja' me señail te jajch'el ta beele.

Números 2:11

Ay waqueb yoxwinic ta jmil soc jo'winic xcha'bajc' (46,500) winiquetic, jich te bit'il ay ta censo.

Números 7:30

Ta xchanebal c'aal la yich' tel majt'anil Elisur te snich'an Sedeur, jtsobwanej yu'un sts'umbal Rubén.