Números 19:3 - Bible in Tzeltal de Oxchuc y Tenejapa

³ Te ja'ex ya me awac'beyic ta sc'ab te sacerdote Eleazar, yu'un ja' me ya sloq'ues bael ta spat campamento, ya me yal mandal ta milel ta stojol.

Bible in Tzeltal Bachajón

³ Yac awa'be te sacerdote Eleazar, ha ya sloq'ues bahel ta sti'il campamento soc ya yac' ta milel ta stojol.

Números 19:3 Iomraidhean Croise

Levítico 16:27

“Te toro soc te tentsun la yich'ic milel yu'un te smulique, te la yich'ic ich'el bael xch'ich'el ta yutil ch'ul awilal, swenta yu'un jich ya yich' tael a te perdón yu'un te muliletique, ya me yich' ich'el loq'uel ta spat yu'un campamento te snujc'ulel, sbaq'uetal soc te sbaal xch'ujt'e, ya me yich' chiq'uel tey a.

Levítico 24:14

—Ic'a loq'uel ta campamento te mach'a la stoybac'optayone. Te mach'a la yaiyique, ac'a scajan sc'abic ta sjol, ac'a smilic ta ch'ojel ta ton ta spisilic te lume.

Levítico 4:11

Pero te snujc'ulel te toro soc ta spisil te sbaq'uetal, te sjol, te yacan, te bitic ayic ta yutil xch'ujt' soc te stsa'e,

Levítico 4:12

ya me yich' tsobel ta spisil, ya me sloq'uesic bael ta spat te campamentoe. Ta jun awilal te lec sc'oplal te banti ya yich' ch'ayel te stanul c'ajq'ue, tey ta sba te stanul c'ajc' busule, ya me yac'beyic si'il soc ya stsumbeyic sc'aal.

Levítico 4:21

Ya me sloq'uesic bael ta spat campamento te toro, ya me xchiq'uic tey a, jich nix te bit'il la yich' pasel te sbabial toro, melel ja' te milbil majt'anil swenta smul spisilic te lume.

Números 15:36

Jich yu'un te israeletic la sloq'uesic bael ta scampamentoic, la xch'ojic ta ton ja' to c'alal laj, jich bit'il yalojbey mandal Cajwaltic te Moisese.

Números 19:9

Ay me yan winic te lec sc'oplal, ya me stsobbey bael stanul te me' wacaxe. Tey me ya yac' ta awilal te lec sc'oplal ta spat campamento. Te stanul me' wacax, ja' me ya xtuun yu'un te lum Israel swenta yu'un ya xchajbanic a te ja' yu'un lecubtesel sc'oplal. Spisil in to ja' me milbil majt'anil yu'un te mulile.

Números 3:4

Ja'uc me to, te Nadab soc Abiú milot yu'un Cajwaltic, melel ta jochol taquin q'uinal ta bay wits Sinaí, ma smandaluc Dios te c'ajc' la yaq'uic ta stojol te Cajwaltique. Ma'yuc snich'nabic jilel, jich yu'un ja' nax te Eleazar soc te Itamar at'ejic ta sacerdoteil, wentainotic yu'un Aarón, ja' te statique.

Números 5:2

—Albeya mandal te israeletic te ac'a sloq'uesic bael ta spat campamento spisilic te mach'atic ay c'a'el-chamel, soc spisilic te ay chamel ta mero sc'unil sbaq'uetal te ay spojowil ya xloq'ue, soc spisilic te ma lecuc sc'oplal yu'un te la spic animae.