Números 19:10 - Bible in Tzeltal de Oxchuc y Tenejapa

¹⁰ Te mach'a ya stsob bael te stanul wacax, ya me sac' te sc'u'-spac', ma ba lec sc'oplal ya xjil c'alal ta yijc'ubel q'uinal. Ja' mandalil cu'un sbajt'el q'uinal. Te bit'il ay yip sc'oplal ta atojolic te ja'ex israelex, jich nix me ay yip sc'oplal ta stojol te jyanlumetic te nainem ta awolilique.

Bible in Tzeltal Bachajón

¹⁰ Te mach'a la sjopbe stanul te wacax, ya me sac' sc'u', soc bohloben sc'oblal ya xhil c'alal ta yihc'ubel q'uinal. Ha mandaril te ma xlaj sc'oblal yu'un te snich'nab Israel soc te jyanlum te nahinem ta yohlilic.

Números 19:10 Iomraidhean Croise

Éxodo 12:49

Te mandalil pajal ay ta ch'uunel yu'un te mach'atic ayinem ta Israel soc te jyanlum winiquetic te ayic ta awolilique —xi' te Diose.

Levítico 11:25

“Mach'auc a te ya sjachbey sbaq'uetal te chambalametic lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil yu'un c'alal ta yijc'ubel q'uinal.

Levítico 14:46

Spisil te mach'a ya x'och ta na te c'alal yalojix a te sacerdote te ya yich' maquele, ma me lecuc sc'oplal ya xjil c'alal yijc'ubel q'uinal yu'un.

Levítico 16:28

Te mach'a ya xchiq'ue, ya sc'an te ya sac' te sc'u'-spac' soc ya me spoc sba ta ja'; patil ya me xju' x'och ta campamento.

Números 19:19

Te mach'a lec sc'oplal, ta yoxebal c'aal ya me stsijts'anbey ja' swenta lecubtesel te mach'a ma lecuc sc'oplal, soc ta sjuquebal c'aal. Ta sjuquebal c'aal lecub meix sc'oplal. Jich yu'un te mach'a ma lecuc sc'oplal ya me sac' te sc'u'-spac' soc ya me spoc sba ta ja', pero ma lecuc sc'oplal ya xjil c'alal ta yijc'ubel q'uinal.

Números 19:21

Ja' me mandalil cu'un sbajt'el q'uinal. Te mach'a ya yaiy tsijts'anwanej ta ja' yu'un lecubtesel, ya me sac' uuc te sc'u'-spaq'ue. Te mach'a ya spic te ja' yu'un lecubtesel, ma me lecuc sc'oplal ya xjil ja' to c'alal ta yijc'ubel q'uinal.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.