Números 18:2 - Bible in Tzeltal de Oxchuc y Tenejapa

² Ja'uc me to, ya me awac'bey ta swentaic te yantic sts'umbal Leví, te ayat ta swenta, te ya scoltayat soc anich'nab ta spasel awat'el ta Nailpac' yu'un trato.

Bible in Tzeltal Bachajón

² Ic'ticlana tal ta atojol te awermanotac, ha te jchahp sts'umbal atat Leví, yu'un ya scoltayex te c'alal yaquex ta a'tel ta stojol te Nahilpac' yu'un te Testigo-c'op.

Números 18:2 Iomraidhean Croise

Génesis 29:34

La xcha'yic' xan yan yal, querem xan a tal. La yal: “Tey me ya smulanonix ta lec a te jmamlale, te melel yoxebalix querem cu'un soc a”, xi'. Jich yu'un Leví sbiil a c'ot yu'un te yale.

2 Crónicas 30:16

Jich och swentainic te yat'elique, jich bit'il ay sc'oplalic ta mandalil yu'un Moisés te swinic te Diose. Te sacerdoteetic la stsijts'anic te ch'ich' te la yac'beyic te levitaetique.

Ezequiel 44:11

Ya xju' ya yich'ic abatinel ta templo cu'un, ya xtuunic ta jcanan-ti'nail soc ta yan at'eletic ta templo. Ja'ic me te ya smilic te chambalametic ya yich'ic chiq'uel ta scojt'ole, soc te chambalametic ya yaq'uic yu'un smajt'an Dios te lume. Soc xan, ya me sc'an te chapalic yu'un ya yac' sbaic ta abatinel yu'un te lume.

Ezequiel 44:15

“Te sacerdote-levitaetic patil alnich'anetic yu'un Sadoc, te jilic stalel ta abatinel ta templo cu'un te c'alal la yijq'uitaybonic te beetic cu'un te israeletique, ya me xju' ya xnoptsajic ta jtojol stuquelic, soc ya me xju' ya yac' sbaic ta abatinel cu'un. Ya me xju' ya stejc'an sbaic ta jtojol, swenta yu'un ya yac'bonic te xepuil soc te xch'ich'el te milbil majt'anile. Jo'on Ajwalilon te jich caloje.

Malaquías 2:4

Jich me ya ana'ic stojol te jo'on cac'ojbeyex te mandalil in to ta swenta te trato cu'un soc Leví te ma xch'ay sbajt'el q'uinal —xi' ta yalel te Cajwaltic te Spisil ya xju' yu'une.

Números 1:53

Yan te levitaetic ja' me ya swentainic te ya yac' snailpaq'uic ta sjoyobal te ch'ul awilal yu'un trato, soc ya me scanantayic te ch'ul awilal, swenta yu'un ma me x'ilinon ta stojol te israeletique —xi' te Cajwaltique.

Números 16:40

Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

Números 17:7

Te Moisés la yac' jilel te bastonil ta stojol Cajwaltic ta Nailpac' yu'un trato.

Números 18:4

Ya me sjoinex ta abatinel ta Nailpac' soc spisil te at'el ya yich' pasele. Pero ma me ayuc jtuluc te ma sts'umbaluc Leví te ya xnoptsaj bael ta atojolique.

Números 3:5

Te Cajwaltic la sc'opon xan Moisés, jich la yalbey:

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.

Números 8:19

Jo'on la jtsa te levitaetic ta yolilic te yantic israeletic. La cac'bey ta stojol Aarón soc snich'nab, yu'un ya me swentainic abatinel ta Nailpac' te bay ya quich' c'oponele, ta swenta sjelol te israeletique. Jich me ya staic perdón te israeletic ta jtojol te Ajwalilone. Te israeletic jich ma puersauc ya xnoptsajic tel ta ch'ul awilal, soc jich ma'yuc bila amen ya xc'ot ta stojolic —xi' te Cajwaltique.

Números 8:22

Ta patil, te levitaetic la xch'uunic spasel te bila c'ot ta swentaic ta Nailpac' te bay ya yich' c'oponel te Cajwaltique. Te Aarón soc snich'nab la swentainic yilel te levitaetique. Jich la spas soc levitaetic te bit'il mandal albot Moisés yu'un te Cajwaltique.

Hebreos 9:6

In te bit'il jich chajbanbil te nailpac' temploe, te sacerdoteetique spisil ora ochic tey a ta bay te sba tsalal te temploe, yu'un ja' yat'elinejic spasel te bit'il ya sc'an ich'el ta muc' ta templo te Diose.