Números 16:3 - Bible in Tzeltal de Oxchuc y Tenejapa

³ Spisilic la stsob sbaic, la situyic ta c'op te Moisés soc te Aarón, jich la yalbeyic: —Tiq'uexix a te muc' ac'oplalic te ja'exe, melel spisil lum ch'ultesbil yu'un te Diose. Te Cajwaltic ayix ta coliltic ta jpisiltic. ¿Bi yu'un te c'ax muc' ya awac' abaic soc awat'elic ta stojol te lum yu'un te Cajwaltique? —xiic.

Bible in Tzeltal Bachajón

³ La stsob sbahic ta scontrahinel Moisés soc Aarón, hich la yalbeyic: ¡Tic'uquex a te ha'exe! Como ch'uhltesbilic spisil te pueblo, spisilic ch'uhltesbilic, soc ay ta yohlilic te Jehová. ¿Bin yu'un hiche te ha'ex yac atoy abahic ta stojol te pueblo yu'un Jehová? xchihic.

Números 16:3 Iomraidhean Croise

Esdras 9:2

Ja'ic soc snich'nabic te nujbinic soc te yantsil-nich'anic te winiquetic in to. Ja' yu'un te lum yu'un te Diose la scap sba soc te jyanlum-ants-winiquetique. Te mach'atic sbabial la spasic te mulil in to, ja'ic te mach'atic jwolwanejetic soc te mach'atic ay yat'elique —xi'.

Salmos 106:16

Ta scampamentoic la sbic'tal-o'tantayic te Moisés soc te Aarón, te ch'ultesbilic yu'un te Cajwaltique.

Salmos 68:17

Te Diose ta millonetic ay ta ajtayel te carretaetic ay yu'un swenta guerra; ta wits Sinaí och tel a, jul ta templo yu'un.

Éxodo 19:6

¡Te ja'exe ajwalilex soc sacerdoteex soc ch'ul lum c'oemex ta jtojol!” uta me —xi' te Diose.

Números 14:14

ya me xba yalbey yaiyic te yajwal te sq'uinal Canaán. Melel yaiyojic te ay ta alel te ja'at Cajwal, te ayat ta yolilic, te awac'oj aba ta ilel ta stojolic, te axintesbilic ta tocal awu'une. Ta c'aaleltic ya xneelajat bael yu'unic ta balal tocal, soc ta ajc'ubal ya xneelajat bael yu'unic ta balal c'ajc'.

Números 16:11

Ma ja'uc nax ya abolc'optayic te Aarón, melel ma'yuc sc'oplal stuquel, ja' yacalex ta scontroinel te Cajwaltic te ja'at soc te ajo'taque, te bit'il atoyoj abaic ta stojole —xi'.

Números 16:41

Ta yan c'aal spisil te lum Israel jajch'ic ta scontroinel ta c'op te Moisés soc te Aarón, jich la yalbey: —Te ja'exe yacalex ta smilel te lum yu'un Cajwaltic —xiic.

Números 16:7

Ac'beyaic yac'alel c'ajc', ac'beyaic spomil, ac'aic pajel ta stojol te Cajwaltique. Te winic ya stsa te Cajwaltic, ja' me tsabil yu'un stuquel. ¡Tiq'uix a, levitaetic! —xi' te Moisese.

Números 23:21

Ma'yuc mach'a yiloj te ya xlo'laywan soc te ya spas te bila amen te Israel te lum yu'un Jacob. Te Cajwaltic te Dios yu'unique sjoinejic, yacalic ta yalel te ja' muc' ajwalil yu'unique.

Números 35:34

“Ma me xaboltesbeyic sc'oplal te q'uinal ta bay ya x'ainex soc te bay ya x'ainon uuque, melel jo'on te Ajwalilon te ya x'ainon ta awolilic ja'ex te israelexe —xi' te Cajwaltique.

Números 5:3

Ac'a sloq'uesic bael ta campamento teme winiquetic o teme antsetic. Jich me lec sc'oplal ya xjil a te campamento ta bay nainemon ta yolilique —xi' te Cajwaltique.

Hechos 7:39

“Ja'uc me to, te antiguo tatiletic cu'untique ma la sc'an yich'beyic ta muc' smandal te Moisese. La sp'ajic, soc la sc'an yo'tanic te ya sujt'ic bael ta Egipto.

Hechos 7:51

“Ja'uc me to, te ja'exe ma x'ac'anic tojobtesel. Te awo'tanique soc te achiquinique pajal c'oemic soc te mach'a ma sna'beyic sba te Diose. Apasojic ta contro spisil ora te Ch'ul Espiritue. Te bila la spasic te antiguo tatiletic cu'untique, ja' nanix jich ya apasic te ja'exe.