Números 12:2 - Bible in Tzeltal de Oxchuc y Tenejapa

² Soc la yalic xan: —Te Cajwaltic ma ja'uc nax c'opojem soc Moisés, sc'oponejotic uuc te jo'otique —xiic. Ta spisil la yaiy stojol te Cajwaltique.

Bible in Tzeltal Bachajón

² Hich la yalic: Te Jehová ¿ha nax bal c'opoj ta scuenta stuquel te Moisés? ¿Ma bal hichuc nix c'opoj ta jcuentacotic? xchihic. La ya'iy te Jehová.

Números 12:2 Iomraidhean Croise

Génesis 29:33

La xcha'yic' xan yal te Lea, ja' nix jich querem a tal. La yal: “Dios la yaiy stojol te ma ba mulanbilon, jich yu'un la yac'bon xan yan cal”, xi'. Simeón sbiil a c'ot yu'un.

2 Samuel 11:27

Pero c'alal c'ax yorail te ya yoq'uetaye, te David la sticun ta iq'uel tel. La yic' ta stojol ta sna, la yic' yinamin. La yac' jtul yal, te Cajwaltic ma ba la smulan te bi la spas te David.

2 Reyes 19:4

La yaiy te Cajwaltic te Dios awu'un te sc'op te abat te ticunbil tel yu'un te muc' ajwalil yu'un Asiria, swenta yu'un tal sbolc'optay te cuxul Diose. Te yacuc yac'bey castigo yu'un te bitic la yal la yaiy te Cajwaltic te Dios awu'une. C'opona Dios yu'un jiche te jayeb xan cuxulotique”, xi' me te muc' ajwalil —xiic.

Éxodo 4:14

Jich yu'un te Cajwaltic ilin ta stojol Moisés, jich la yalbey: —Tey ay a te abanquil Aarón, te levita. Ya jna' te ya xc'opoj ta lec stuquel. Ya me xtal staat bael. Bayal yutsil yo'tan yu'un te c'alal ya yilbat asite.

Éxodo 4:30

Te Aarón la xcholbey spisil ta stojolic te bitic albil yu'un Dios te Moisés. Soc la spasbey ta sitic te lum te señailetic yu'el Dios te albilic mandal te ya spasique.

Éxodo 5:1

Te Moisés soc te Aarón ba yalbeyic te faraón: —Jich la yal te Cajwal te Dios cu'untic jo'otic te israelotique: “Ya me awac'bon loq'uel te lum cu'une. Ya xbajt'ic ta muc'ul jochol taquin q'uinal. Ya xba spasbonic q'uin tey a swenta quich'jibal ta muc' yu'unic”, xi' te sc'ope —xiic ta stojol.

Éxodo 7:10

Te Moisés soc te Aarón ba sc'oponic te faraone. Jich la spasic te bit'il la yal mandal te Cajwaltique. Te Aarón la xch'oj coel ta lum te sbastón ta stojol faraón soc te sjo'tac ta at'ele, te bastón c'atp'uj ta chan.

Proverbios 13:10

Te toybaile ja' ya sjajch'es c'op stuquel; te p'ijilil ja' ay ta stojol te mach'atic peq'uel yac'oj sbaique.

Isaías 37:4

Te Cajwaltic te Dios awu'une la yaiybey stojol sc'op te mach'a yich'oj yat'el te ticunot tel yu'un te muc' ajwalil yu'un Asiria, te tal yixtac'optay te cuxul Diose. Ayuc bit'il ya yac'bey castigo yu'un te bitic la yale. La nix yaiy stojol stuquel a te Dios awu'une. C'oponbotic Dios a te jich xan yipal jilemotic ta c'abale”, uta me —xi' bael sc'op te muc' ajwalil Ezequías.

Miqueas 6:4

Jo'on la jloq'uesat tel ta lum Egipto, la cac'at ta libre yu'un mosoil. Jo'on la jticun bael te Moisés, te Aarón soc te María, swenta yu'un ja'ic ya yiq'uex tel.

Números 11:1

Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Números 11:29

Te Moisés la sjac': —Ma me xacuy te ya xpejc'aj jc'oplal yu'une. Ja' lec te yacuc yac'bey espíritu spisil lum te Cajwaltic, spisil me j'alwanejetic te jichuque —xi' te Moisese.

Números 12:3

Ta mero melel te Moisés peq'uel yac'oj sba, c'ax jich te bit'il spisil a te yantic te ayic ta q'uinale.

Números 16:3

Spisilic la stsob sbaic, la situyic ta c'op te Moisés soc te Aarón, jich la yalbeyic: —Tiq'uexix a te muc' ac'oplalic te ja'exe, melel spisil lum ch'ultesbil yu'un te Diose. Te Cajwaltic ayix ta coliltic ta jpisiltic. ¿Bi yu'un te c'ax muc' ya awac' abaic soc awat'elic ta stojol te lum yu'un te Cajwaltique? —xiic.

Romanos 12:10

Talel c'axel c'ux me x'awaiy abaic te bit'il awermano abaique. Jech ich'a me abaic ta muc' juju-jtul.

Romanos 12:3

Te bit'il yac'ojbon quich' cat'el ta swenta yutsil yo'tan te Diose, jich yu'un ya calbeyex awaiyic ta apisilic te ma me ayuc mach'a muc' scuyoj sba. Yich'ojuc me swentail te bit'il c'oem sba ta yo'tan ya yaiye, chican te jayeb majt'anil ac'bot yu'un Dios ta swenta xch'uunjel te yo'tane.

Filipenses 2:14

Spisil te bila ya apasique, ma me xamuquen ayantay abaic yu'un, soc ma me xjajch' c'op awu'unic a.

Filipenses 2:3

Ma me xale atuquelic te bila ya awac' abaic ta ich'el ta muc' yu'un ta swenta atoybaelic te juju-jtulexe. Peq'uel me xawac' abaic. Ja'uc me cajal sc'oplal ta awo'tanic te mach'atic jun ayex soque.

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.