Números 11:12 - Bible in Tzeltal de Oxchuc y Tenejapa

¹² ¿Yu'un bal jo'on staton, o sme'on bal te ya ac'anbon te ya jpet bael c'oem, jich bit'il alaletic te ayic ta chu'e? ¿Yu'un bal jich ya sc'an te ya jpet bael c'alal ta lumq'uinal te awalojbey sc'oplal te antiguo jme'-jtat soque?

Bible in Tzeltal Bachajón

¹² ¿Yu'un bal ho'on la jwol spisil te pueblo ini? ¿Ho'on bal la jcalatay, yu'un te hich yac awalbon: Peticlana bahel, hich te bin ut'il ya spet chu'alal te jcanan-alal, c'alal ta q'uinal te jc'axel la awal ta jamal te yac awa'be te sme'statique?

Números 11:12 Iomraidhean Croise

Génesis 13:15

Melel spisil te q'uinal te chican ta asit ya awile, ya me cac'bat aq'uinalin soc ats'umbal ta sbajt'el ora.

Génesis 24:7

Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.

Génesis 26:3

Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

2 Reyes 10:1

Te Acab ay lajuneb xchanwinic (70) sts'umbal ta Samaria. Ja' yu'un te Jehú la spasbey scarta te mach'atic j'at'el-patanetic ta lum, soc te mamaletic yich'oj yat'elic, soc te mach'atic swentainejbeyic te snich'nab Acab. Jich la yalbey ta jun te Jehú:

2 Reyes 10:5

Te mayordomo yu'un te sna ajwalil, te mach'a yich'oj yat'el ta stojol lum, te mamaletic soc te mach'atic swentainejic te sts'umbal ajwalile, jich la sticunbeyic ta alel te Jehú: “Te jo'otique ayotic ta awenta. Ya me jpastic spisil te bitic ya awac' jpastique, pero ma'yuc mach'a ya cac'tic ta muc' ajwalil. Pasa te bi ya sc'an awo'tan ya apase”, xiic.

Éxodo 13:11

“C'alal ya xc'oex tey a ta bay sq'uinal cananeoetic te ya yac'beyex ta ac'abic te Cajwaltique, te bit'il yalojbeyex sc'oplal soc te antiguo ame'-atatique,

Éxodo 13:5

Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Éxodo 33:1

Te Cajwaltic, jich la yalbey te Moisese: —Baan, loc'an bael soc te lum te la aloq'ues tel ta Egipto. Tey xbaex ta bay q'uinal calojbey te Abraham, Isaac soc Jacob, te ja' te ya cac'bey yu'uninic soc ja'ex te sts'umbalexe.

Éxodo 6:8

Tey ya quiq'uex bael a ta q'uinal te la calbey Abraham, Isaac soc Jacob te ya cac'beye. Jich yu'un ja' me ya xc'ot ta awentaic cu'un. Jo'on te Ajwalilone —xi' te Diose.

Isaías 40:11

Jich me ya xtal te bit'il jtul jcanan-chij te ya scanantay te xchije; te ya stsac jajch'el ta sc'ab te alal chijetic yu'une, ya spet bael ta stan, ya me yat'elin scanantayel te mero alaletic toe.

Isaías 49:15

Ja'uc me to ya yal te Cajwaltic: —¿Ya bal xch'ay ta yo'tan yal te antse? ¿Ya bal yijq'uitay ta yo'tan xc'uxtayel te mero yale? Repente ya xch'ay ta yo'tan yal te antse, yan te jo'one ma xch'ayat ta co'tan atuquel.

Isaías 49:23

Te muc' ajwaliletic jich me ya xc'otic te bit'il atatique, soc te yantsil-nich'nabique jmon-alal me awu'unic. Ya me spajc'an sbaic ta lum ta atojolic; ya me slec'beyic stanil te awacanique. Jich me ya ana'ic te jo'on Ajwalilon; soc te mach'atic ya yac' smuc'ul yo'tanic ta jtojol jich ma ba ya staic q'uexlal —xi' te Cajwaltique.

Ezequiel 34:23

Ya me cac' chicnajuc xan tel te cabat David, ja' me ya cac' ochel ta jcanan-chij stuquel. Ja' me ya xcanantayotic yu'un, ja' me jcanantaywanej yu'unic ta mero melel stuquel.

San Juan 10:11

Jo'on te lequil jcanan-chijon. Te lequil jcanan-chije, ya yac' sba ta lajel yu'un te chijetique.

1 Corintios 4:15

Manchuc teme ay lajunmil (10,000) jp'ijubteswanejetic awu'unic ta swenta te Cristoe, ja'uc me to, ma tsoboluc te atatique. Ja' nax atatonic c'oem ta swenta xch'uunjel awo'tanic ta stojol Cristo Jesús, te bit'il jajch' ach'uunic te lec yach'il c'op ta jwenta.

Gálatas 4:19

Cal-jnich'nab, yan buelta ayon ta woclajel ta awentaic. Jichon te bit'il jtul ants te ayinelix te yale. Ma xquejch'aj jwocol ja' to teme ain ta awo'tanic te Cristoe.

Deuteronomio 1:31

soc te la spas ta jochol taquin q'uinale. Te Cajwaltic te Dios cu'untic spetojex ta beel ta be li' c'alal ta banti ayotic ta ora in to, jich te bit'il tatil ya spet ta beel snich'ane”, xoon ta atojolic.

1 Tesalonicenses 2:7

Ja'uc me to, jich la cac' ta ilel yutsil co'tan ta atojolic te bit'il jtul ants te bayal yutsil yo'tan ta xch'ijtesel te yalataque.