Números 11:1 - Bible in Tzeltal de Oxchuc y Tenejapa

¹ Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Bible in Tzeltal Bachajón

¹ Te pueblo hahch ta tulan c'op ta stojol Jehová. La ya'iy te Jehová, bayel ilin yu'un. Hich tihl c'ahc' yu'un Jehová ta yohlilic te la slajin te jun sti'il te campamento.

Números 11:1 Iomraidhean Croise

Génesis 38:10

Te Cajwaltic ma lecuc yo'tan yu'un te bit'il jich la spas te Onán. Jich yu'un ma la yac' cuxinuc uuc.

2 Samuel 11:27

Pero c'alal c'ax yorail te ya yoq'uetaye, te David la sticun ta iq'uel tel. La yic' ta stojol ta sna, la yic' yinamin. La yac' jtul yal, te Cajwaltic ma ba la smulan te bi la spas te David.

2 Reyes 1:12

La sjac' te Elías: —Teme j'alwanejon yu'un te Diose, ac'a couc tel c'ajc' ta ch'ulchan, ac'a slajinat ja'at soc te lajuneb yoxwinic (50) soldadoetic awu'une —xi'. Ora nax co tel c'ajc' ta ch'ulchan, lajic ta c'ajq'uel yu'un.

Job 1:16

Ma to xlaj yo'tan ta c'op a te winique, c'ot yan winic, jich c'o yal: —Yal tel c'ajc' ta ch'ulchan, spisil lajinotic te jcanan-chijetic, soc laj spisilic te chijetique. Jo'on xanix colon jilel te tal calbat awaiye —xi'.

Salmos 106:18

Til tel c'ajc' ta stojolic; laj ta chiq'uel yu'un te mach'atic c'ax amen yo'tanique.

Salmos 78:21

La yaiy te Cajwaltic, jich ilin yu'un; te yilimba jich bit'il c'ajc', til jajch'el ta stojol te israeletique.

Salmos 78:63

Te queremetique lajic ta chiq'uel, ma'yuc c'ayoj swenta nujbinel ta stojol te ach'ixetique.

Éxodo 16:7

ta sab to ya me awilbeyic xojobil yutsilal te Cajwaltique, melel la yaiy stojol te c'alal c'opojex ta scontroinele. Yan te jo'otique, ¿mach'a ya acuyotic a te ya awutotique? —xi'.

Éxodo 16:9

Jich yu'un te Moisés la yalbey te Aarón: —Albeya spisil te jlumaltic ac'a taluquic ta stojol te Cajwaltique, melel la yaiyix stojol te sbol-c'opique —xi' te Moisese.

Isaías 10:17

Te Ch'ul Dios, te sacuben q'uinal ta stojol Israel yu'un, ya xc'atp'uj ta c'ajc', ta jun nax c'aal ya xchic' soc ya sjin spisil te mach'atic ch'ixetic c'oem soc mach'atic wanc'altic c'oem ta q'uinal.

Isaías 30:33

Ayix bayal c'aal chajbanbil ta swenta Asiria soc ta swenta te muc' ajwalil yu'un, te yawil woclajel, te muc' sjamalul soc najt' coel. Ay tsumbil c'ajc' tey a, te yac ta tilel soc c'axem to xan bayal si'il. Ya me stiles c'ajc' a te ic' ya xloc' ta ye te Cajwaltique, jich me ya xtal te azufre te bit'il snojel ja'.

Isaías 33:14

Ta lum Sión ya me xiw te jmulawiletique; te mach'atic ma tojuc yo'tanic, ya me xnoj xiwel ta yo'tanic. Soc jich me ya yalic: “¿Mach'a ya xju' ya xcuxin tey a te jo'otique ta bay c'ajc' te jinawanej, te yac ta tilel sbajt'el q'uinale?” xiic me.

Lamentaciones 3:39

Te jmulawil ta q'uinale, ¿bila te ya x'ajc'anaj yo'tan yu'une?

Levítico 10:2

Ja' yu'un loc' tel c'ajc' ta stojol Cajwaltic, jc'axel lajic ta chiq'uel, jich lajinotic yu'un te Cajwaltique.

Nahúm 1:5

Ya xnijq'uic te toyol witstiquil ta stojol; te peq'uel witstiquil ya x'ulubic yu'un. Spisil te lumq'uinal ya stij sba te c'alal ya yil; spamal balumilal ya stij sba soc te mach'atic nainemic tey a.

Habacuc 3:5

Ta stojol ya xjulic te muc'ul milawal chameletique; soc ta spat ya xtal te tulan c'ajc' te ora ya xchic'awane.

Números 10:33

Jich la yijq'uitayic te wits yu'un Cajwaltic, beenic bael oxeb c'aal. Te scajonil trato yu'un Cajwaltic ja' neel bael yu'unic, yac ta sleel bael te banti ya xju' ya spas scampamentoic.

Números 11:18

Albeya mandal te lume, ac'a xchajban sbaic ta jtojol pajel, soc ya me sti'ic ti'bal. La caiybeyix yoq'uelic te jich yacalic ta yalele: “¡Ayuc ti'bal jti'tic! ¡Ja' lec ayucotic ta Egipto!” te xiique. Jich yu'un yo'tic ya me cac'bey ti'bal sti'ic.

Números 12:2

Soc la yalic xan: —Te Cajwaltic ma ja'uc nax c'opojem soc Moisés, sc'oponejotic uuc te jo'otique —xiic. Ta spisil la yaiy stojol te Cajwaltique.

Números 14:2

Spisilic jajch'ic ta bol c'op ta stojol te Moisés soc te Aarón, jich la yalic: —¡Ja' lec te lajucotic ta Egipto, o ta jochol taquin q'uinal!

Números 14:22

Jich yu'un te jo'on ya cal te ma jtuluc te mach'atic yilojbonic yutsilal jxojobil, soc te jchajp señailetic la jpas ta Egipto soc ta jochol taquin q'uinal, te ja' nax la spason ta prueba yilic bayal buelta ta jochol taquin q'uinal, te yu'un ma sc'an xch'uunbonic te jmandale,

Números 14:27

—¿Jayeb to xan buelta ya jts'icbey sbol-c'opic te israeletic te amen yo'tanique? La caiybeyix stojol te sbol-c'opic cu'une.

Números 14:28

Baan albeya yaiyic ta jwenta: “Jo'on Ajwalilon te cuxulone, ya cal ta jamal: Te bila la caiy stojol te yacalex ta yalele, jich nix ya cac' c'otuc ta pasel.

Números 16:11

Ma ja'uc nax ya abolc'optayic te Aarón, melel ma'yuc sc'oplal stuquel, ja' yacalex ta scontroinel te Cajwaltic te ja'at soc te ajo'taque, te bit'il atoyoj abaic ta stojole —xi'.

Números 16:35

Te Cajwaltic la to sticun tel c'ajc' ta smilel te lajuneb yoxlajunwinic (250) te la yaq'uic te pome.

Números 17:5

Ya me cac' te ya xpulin sbastón te mach'a tsabil cu'une, jich me ma xbol-c'opojiquix te israeletic ta atojolic ta jwenta —xi' te Cajwaltique.

Números 21:5

Jajch'ic ta scontroinel ta c'op te Dios soc Moisés, jich la yalic: —¿Bistuc la aloq'uesotic tel ta Egipto? ¿Bi yu'un tal awac' lajucotic ta jochol taquin q'uinal? Ma'yuc ja' cuch'tic, soc ni ma'yuc jwe'eltic. C'axix co'tantic ta swe'el te maná —xiic.

1 Corintios 10:10

Soc ma me xamuquen-ayantayic te Diose, jich te bit'il ay la smuquen-ayantayique, te jich lajic ta milel yu'un te ch'ul abat te ya yac' lajele.

Deuteronomio 25:18

Na'aic me te ma'yuc sc'oplal ta yo'tanic te Diose, la yac'beyex guerra ta be. Ja' la yil te lubenex soc te lajem awipique, ta apatic och yac'bey guerra te mach'atic pejc'ajem yipique, soc te patil yacalic ta talele.

Deuteronomio 32:22

Te sc'ajc'al co'tane tilix jajch'el jichuc c'ajc', ya me xtil bael c'alal ta sc'ubulil lumq'uinaletic. Ya me slajin te lumq'uinal soc te bitic ya sitin tey a, ya me yac'bey sc'aal te yiptajib te witstiquile.

Deuteronomio 9:22

“Soc nix ta Tabera, ta Masah soc ta Kibrot-hataava la ajajch'esbey yilimba te Cajwaltique.

Hebreos 12:29

Melel te Dios cu'untique, jich ay te bit'il c'ajc' te ya xju' ya xlajinwane.

Santiago 5:4

Aiya awaiy stojol, yac ta c'op ta atojolic te stojol sc'ab te j'at'eletic awu'unic te at'ejemic ta aq'uinalique. Ta scaj te la alo'layique jich ma la atojic. Te yoq'uel te j'at'eletic awu'unique, c'otix ta xchiquin te Cajwaltic te Spisil ya xju' yu'une.

Judas 1:16

Ja'ic in to, jmuquen-ayantaywanejetic, jc'an-parteetic, te ja' nax baem ta yo'tanic te bila ya smulanique. Nojel ta yeic toybail. Ya sleic bit'il ya slo'laybeyic yo'tan yantic, yu'un ay bila ya sc'an ya staic a.