Números 10:12 - Bible in Tzeltal de Oxchuc y Tenejapa

¹² Te israeletic jajch'ic ta beel, la yijq'uitayic jilel te jochol taquin q'uinal ta Sinaí, bajt'ic ta yan jochol taquin q'uinal Parán.

Bible in Tzeltal Bachajón

¹² hich te snich'nab Israel loq'uic bahel tey ta jochol taquin q'uinal Sinaí, chahpalchahp behenic bahel. Te tocal quehchaj ta behel ta jochol taquin q'uinal Parán.

Números 10:12 Iomraidhean Croise

Génesis 14:6

soc te horeoetic ta witstiquil Seir. La snutsic bael c'alal ta spamlej q'uinal Parán te nopol yiloj sba soc te muc'ul jochol taquin q'uinale.

Génesis 21:21

Tey nain a ta jochol taquin q'uinal ta Parán. Te Agar la slebey yinam ta Egipto te yale.

1 Reyes 11:18

Loq'uic jajch'el ta Madián, c'otic ta Parán, tey la sta winiquetic a te la sjoin sba soque. C'otic ta Egipto. C'alal c'otic ta Egipto, c'o sc'oponic te faraón te muc' ajwalil yu'un Egipto, ac'botic na soc ac'bot swe'elic soc q'uebanbotic q'uinal yu'un.

Éxodo 13:20

Te israeletic loq'uic bael ta Sucot, c'o spasic scampamentoic ta Etam, ja' sti'il te muc'ul jochol taquin q'uinal.

Habacuc 3:3

Tey ya xtal Dios ta bay q'uinal ta Temán; ta bay wits Parán tey ya xtal a te Ch'ul Diose. Te yutsil xojobile ya xpujc' bael ta ch'ulchan; soc ta spamal te balumilal ya xnoj ta albeyel wocol.

Números 1:1

Te sba c'aalil yu'un xchebal u, te xchebal ja'wil c'alal c'axemix jtebuc ta jun ja'wil sloq'uel tel ta Egipto a te israeletic, te Cajwaltic jich la yalbey Moisés ta jochol taquin q'uinal ta Sinaí ta Nailpac' te bay ya yich' c'oponel, jich la yal:

Números 10:33

Jich la yijq'uitayic te wits yu'un Cajwaltic, beenic bael oxeb c'aal. Te scajonil trato yu'un Cajwaltic ja' neel bael yu'unic, yac ta sleel bael te banti ya xju' ya spas scampamentoic.

Números 12:16

Te c'alal och xan ta campamento te María, jajch'ic loq'uel ta beel c'alal ta Hazerot. Tey la spas scampamentoic ta jochol taquin q'uinal Parán.

Números 13:26

ta Cades ta jochol taquin q'uinal Parán. Tey ay a te Moisés, Aarón soc spisil te israeletique. La xcholbeyic sc'oplal te bitic la yilic, soc la yaq'uic ta ilel te sit awalts'unubil ta lumq'uinale.

Números 13:3

Jich nix bit'il la yal mandal te Cajwaltic, te Moisés la sticun jajch'el ta jochol taquin q'uinal Parán. Spisil te winiquetic te tulan yat'el yich'ojic ta yolilic te israeletique,

Números 2:34

Te israeletic jich la spasic spisil te bit'il yaloj mandal Cajwaltic ta stojol Moisés: juju-jchajp la spas scampamentoic ta bay te sbanderaic, beenic soc te mach'atic pajal sbiilic ta juju-jchajbe.

Números 9:1

Te bit'il junix ja'wil sloq'uel tel ta Egipto a te israeletic, ta sbabial u yu'un te ja'wil te Cajwaltic la sc'opon Moisés ta bay jochol taquin q'uinal Sinaí, jich la yalbey:

Números 9:17

C'alal toy jajch'el te tocal ta sba te Nailpac' Temploe, te israeletic jich jajch'ic ta beel. Ta bay com te tocal, tey la spas scampamentoic a.

Números 9:5

Ja' yu'un jich la spasic ta xchanlajunebal sc'aalelal te u, ta yijc'ubel q'uinal ta bay jochol taquin q'uinal Sinaí, jich nix la yich' pasel spisil te bit'il mandal yaloj Cajwaltic ta stojol te Moisés.

Deuteronomio 1:1

Te Moisés la sc'opon spisil te israeletic, ja' te c'alal ayic ta jochol taquin q'uinal a, te ay ta stojol sloq'uib c'aal yu'un muc'ja' Jordán. Ja' te ay ta suclej Arabá te nopol yiloj sba soc Suf, te ay ta olil yu'un Parán, Tofel, Labán, Hazerot soc Dizahab.

Deuteronomio 1:19

“Te c'alal loc'otic tel ta Horeb, tojotic bael ta witsetic yu'un amorreoetic, jich la jch'uunbeytic a te smandal te Cajwaltic te Dios cu'untique. La jbeentaytic spisil te xiweltic sba jochol taquin q'uinal te la awilique, asta c'ootic ta Cades-barnea.

Deuteronomio 1:7

Tsoba abiluquic, baanic ta witsetic yu'un amorreoetic soc ta spisil q'uinaletic te slac'oj sba soque: ja'ic te suclej Arabá, te toyol witstiquil, te peq'uel witstiquil, te sq'uinal Néguev, te sti'il mar, te slum-sq'uinal cananeoetic, te Líbano soc c'alal ta muc'ja' Éufrates.

Deuteronomio 33:2

jich la yal: —Te Cajwaltic tal ta Sinaí; c'alal to ta Seir yac'ojbotic tel xojobil. La sacubtes tel q'uinal c'alal ta witsetic yu'un Parán, jajch'em tel c'alal ta Meriba-cades, ta swa'el c'ab yich'ojbotic tel te mandaliletic te bayal xojobile.

1 Samuel 25:1

Laj te Samuele. Spisil israeletic la stsob sbaic ta yoq'uetayel, la smuquic ta sq'uinal ta Ramá. Patil te David bajt' ta muc'ul taquin q'uinal Parán.