Números 10:10 - Bible in Tzeltal de Oxchuc y Tenejapa

¹⁰ Soc oq'uesinaic oq'uesetic ta sc'aalelal sbujts' q'uinal ya awaiyic ta q'uin, o ja' te yach'il u, c'alal ya awaq'uic chic'bil majt'anil soc te majt'anil swenta seña te lamal-o'tanile. Jich te jo'on ya me jna'ex. Jo'on Ajwalilon te Dioson awu'unique —xi' te Cajwaltique.

Bible in Tzeltal Bachajón

¹⁰ Ha nix hich ta yorahil yutsil q'uinal awu'unic, ta q'uinetic awu'unic soc ta jujun shachel u, yac awoq'uesinic cornetahetic yu'un te scohtol chic'bil mahtaniletic awu'unic soc te milbil mahtaniletic scuenta lamal q'uinal. Ha sna'ojibal awu'unic ta stojol te Dios awu'unique. Ho'on Jehovahon te Dioson awu'unic, xchi.

Números 10:10 Iomraidhean Croise

2 Reyes 4:23

La sjojc'obey te smamlale: —¿Bi yu'un ya xba awil yo'tic? Ma yorailuc yach'il u, soc ma yorailuc sc'aalelal cux-o'tanil —xi'. —Ma x'aan awo'tan yu'un —xi' te antse.

1 Crónicas 15:24

Te sacerdoteetic: ja' te Sebanías, Josafat, Natanael, Amasai, Zacarías, Benaía soc Eliezer, ja'ic te yacalic ta yoq'uesinel bael te oq'uesetic ta stojol te cajón yu'un te Diose. Te Obed-edom soc Jehías, ja'ic nix te ya sq'uechic te cajone.

1 Crónicas 15:28

Spisil Israel jich la yich'ic bael te scajonil trato yu'un te Cajwaltique. Ayic ta aw soc sbujts' yo'tanic soc ta sc'op te xulub chij, ta sc'op oq'ues, platilloetic, salterioetic soc ta sc'op te arpaetique.

1 Crónicas 16:42

Ja'ic la yoq'uesinic oq'uesetic soc la stijic te platilloetic soc te yantic at'ejibal yu'un música, te la sjoinic te c'ayojetic yu'un te Diose. Te snich'nab Jedutún ay ta swentaic scanantayel te yochibal.

2 Crónicas 29:26

Te levitaetic tec'ajtic soc te at'ejibaletic yu'un música te yac'oj jilel David, soc tec'ajtic te sacerdoteetic soc te oq'uesetique.

2 Crónicas 29:28

Te bayal winiquetic quejajtic ta yalel wocol, te c'alal yacalic ta c'ayoj a te coro, soc te sacerdoteetic yacalic ta yoq'uesinel te oq'uesetic. Ta spisil jalaj, ja' to c'alal laj ta chiq'uel te majt'anile.

2 Crónicas 7:6

Te sacerdoteetic spisil ora swentainej te yat'elique. Te levitaetic ay ta sc'abic te at'ejibaletic yu'un música te la spas te muc' ajwalil David, swenta yu'un ya sc'ajintayic a te ch'ul c'ayoj te jich ay ta alel yu'unic: “Melel te xc'uxul yo'tane sbajt'el q'uinal ay”, te xie, ja' te la sc'ajintayic ta neelal soc David. Te sacerdoteetic la yoq'uesinic yoq'uesic ta spisilic. Teq'uelic a te lum Israele.

Esdras 3:10

Te c'alal la yaq'uic ochel te yiptajib te templo yu'un Cajwaltic te albañiletique, te sacerdoteetic la stejc'an sbaic, slapojic sc'u'-spaq'uic swenta sacerdote, soc ay oq'uesetic. Te levitaetic te sts'umbal Asaf, yich'ojic platillos swenta sc'ajintayel te Cajwaltique, jich te bit'il la yal mandal te David te muc' ajwalil yu'un te Israele.

Nehemías 12:35

Ay sacerdoteetic te joinwanic soc te oq'uesetique: ja'ic Zacarías snich'an Jonatán, te ja' patil alnich'an yu'un te Semaías, Matanías, Micaías, Zacur, soc Asaf,

Salmos 150:3

Albeyaic yutsilal ta swenta sc'op xulubil, albeyaic yutsilal ta swenta arpa soc yantic músicaetic,

Salmos 81:3

Oq'uesinaic oq'ues te c'alal ya sta yorail te yach'il u, soc nix te c'alal ya sta yorail ya sep sba, te ja' sc'aalelal te mero muc'ul q'uin cu'untique.

Salmos 81:4

Melel ja' te mandal te la yac'bey Israel te Dios yu'un Jacob;

Salmos 89:15

Cajwal cu'un, bayal yutsil te lum te bin nax yo'tan ya sna' yalel yutsil ac'oplal, soc te chican q'uinal ya xbeen yu'un te saquil q'uinal awu'une.

Éxodo 28:29

Jich yu'un te c'alal ya x'och bael ta ch'ul awilal te Aarón, ya me slap bael te bolsa te ay bitic tey a te ya xtuun yu'un ta na'el sc'anjel yo'tan te Diose. Soc lechel me ta stan ya xbajt' sbiilic te snich'nab israeletic ta stojol te Cajwaltique. Jich me ayex ta na'el yu'un spisil ora a.

Éxodo 30:16

Tsobeya te plata ya yaq'uic yu'un xcuxlejalic te alumal israeletique. Ya me awac' te ya xtuun yu'un te bila ay ta pasel a te Nailpac' te bay ya quich' c'oponele. Jo'on Ajwalilon, jich me ya jna' a te israeletic, soc tey me ya jna' a te la yac' te taq'uin yu'un te xcuxlejalique —xi' te Cajwaltique.

Isaías 27:13

Te bi c'aalil ya cale, ya me yich' oq'uesinel te muc'ul oq'ues. Te mach'atic ch'ayemic ta bay Asiria, jich nix te ayic ta Egipto, ya me xtal squejan sbaic ta stojol te Cajwaltic ta Jerusalén, ta bay ch'ul wits.

Levítico 23:24

—C'opona te israeletic, jich xawalbey yaiyic: “Ta sbabial c'aal sjajch'el te sjuquebal u, ya me apasic q'uin swenta cux-o'tan. Ay me ch'ul tsoblej soc ya yich' oq'uesinel oq'uesetic. Jich me ya quich' na'el a.

Números 10:9

“C'alal ya yac'beyex guerra te acontroic ta aq'uinalic, ya me xloq'uex ta yac'beyel guerra; oq'uesinaic te oq'uesetic, awunanic ta lec. Jich yu'un te Ajwalilon te Dioson awu'unic ya me jna'ex soc ya jcoltayex ta sc'ab te acontroique.

Números 28:11

“Ta sba c'aalil ta jujun u ya me awac'bonic milbil jmajt'an te scojt'ol ya yich' chiq'uel: cha'cojt' toro, jcojt' tat chij soc juqueb ta jcojt' alal tat chijetic te jun ya'wilalic, te ma'yuc bila boloben ta sbaq'uetal.

Números 29:1

“Ta sba c'aalil yu'un te sjuquebal u, ay me ch'ul tsoblej awu'unic a, ma me ayuc at'el ya apasic. Ja' te c'aal ya yich' oq'uesinel te xulubiletique.

San Mateo 11:28

La'ic me ta jtojol ta apisilic ja'ex te lubenex yu'un te tulan at'ele soc te ijc'atsile. Jo'on ya cac'beyex acux awo'tanic.

Hechos 10:4

Te Cornelio la stojlinbey ta ilel sit te ch'ul abate soc bayal xiw yu'un: —¿Bila a, Cajwal? —xi' te Cornelioe. La yal te ch'ul abate: —Dios la sna'atix te bit'il ya ac'opone soc te bit'il ya aq'ueban ataq'uine.

1 Corintios 15:52

Te c'alal ya x'oc' ta slajibal buelta te oq'uese, ya xc'atp'ujotic ta ora nax, jich bit'il ya smuts' sba mujts'eluc te jsitique. Te c'alal ya x'oq'uesinot te oq'uese, spisil te animaetique ya me xcha'cuxic tel. Xujt' ma xju' te ya xlajic xan yan buelta. In te jo'otique, ya xc'atp'ujotic ta jpisiltic.

1 Tesalonicenses 4:16

Melel ya me xchicnaj tulan aw ta mandal, soc te sc'op te jwolwanej ch'ul abate, soc te sc'op oq'ues yu'un Dios, te c'alal ya xcoj tel ta ch'ulchan te Cajwaltique. Jich te mach'atic xch'uunejic Cristo te lajique, neel ya xcha'cuxic tel.

1 Tesalonicenses 4:18

Jich yu'un, jech muc'tesbeya aba q'uinal awaiyic ta apisilic a ta swenta in c'op to.

Josué 4:7

jich me ya asujt'esbeyic te sc'opique: “Ja' te c'alal c'ax ta muc'ja' Jordán te scajonil trato yu'un Cajwaltic, la scom sba ta oquinel te ja'e, jich taquej bael te slumile. Ja' swentail te tonetic te ya xtuun cu'untic ta sna'el sbajt'el q'uinal te bila c'ot ta pasel li'to”, ya me awutic —xi'.

Josué 6:4

Juctul sacerdoteetic ya xneelajic ta beel yu'un te scajonil trato te q'uechbil baele, te juju-jtule ya me yich'ic xulubil tat chij. Ta sjuquebal c'aal juqueb me buelta ya sjoyintayic te lume, soc te sacerdoteetic ya me yoq'uesinic te xulubil yu'unique.

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

1 Samuel 20:5

La sjac' te David: —Te pajel ja'ix te q'uin swenta yach'il u, ya sc'an te ya jnajc'an jba ta we'el soc te muc' ajwalile. Pero ac'awon bael, ya xba jnac' jba ta aquiltic. Cha'wej ta smalel bael c'aal ya xloc'on tel.