Números 1:51 - Bible in Tzeltal de Oxchuc y Tenejapa

⁵¹ Te c'alal ya sq'uechic bael, ja'ic me ya spac'beyic spac'al, soc ja'ic me ya xcha'pasic xan te bay ya apas acampamentoique. Spisil te mach'atic jich nax ya xnoptsajic bael, ya me yil swocolic ta milel.

Bible in Tzeltal Bachajón

⁵¹ Te c'alal ya xloc' bahel te Nahilpac' Templo, te levitahetic ya stuhquiyic, soc te c'alal ya yich' tehc'anel, ha'ic nix ya spasic. Te mach'a mayuc ta scuenta te ya xnohpoje, ya me xcham.

Números 1:51 Iomraidhean Croise

2 Samuel 6:7

Pero ma ba lec la yaiy te Cajwaltic te bila jelaw ta spasel te Uza. Tey lajinbot xcuxlejal ta ora a, yal ta lum ta xujc' te cajón yu'un Dios, toj lajel.

Números 10:11

Te jtab c'aal yajtalul a te xchebal u yu'un te xchebal ja'wil, jajch' loq'uel te tocal ta sba te Nailpac' yu'un te tratoe.

Números 16:40

Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

Números 17:13

Spisilic te mach'atic ya xnoptsajic ta ch'ul awilal yu'un Cajwaltic ya xlajic. ¿Yu'un bal jc'axel ya xlajotic jpisiltic jiche? —xiic.

Números 17:5

Ya me cac' te ya xpulin sbastón te mach'a tsabil cu'une, jich me ma xbol-c'opojiquix te israeletic ta atojolic ta jwenta —xi' te Cajwaltique.

Números 18:22

Te yantic israeletic ma me xju' ya xnoptsajic ta Nailpac' te bay ya quich' c'oponele, swenta yu'un jich me ma sta smulic soc jich me ma xlajic.

Números 18:3

Ja' me ya yac' sbaic ta abatinel awu'un, soc ta Nailpac' Templo. Ja'uc me to, ma me xnoptsajic bael tey a ta bay te biluquetic yu'un te ch'ul awilal soc ta bay scajtijib ta chiq'uel te majt'anile. Teme ay ma la stsajtayic, ya me xlajic soc ya me xlajex te ja'exe.

Números 18:4

Ya me sjoinex ta abatinel ta Nailpac' soc spisil te at'el ya yich' pasele. Pero ma me ayuc jtuluc te ma sts'umbaluc Leví te ya xnoptsaj bael ta atojolique.

Números 18:7

Ja'at nax me atuquel soc anich'nab te ya xju' ya apasic te at'el ta sacerdoteil ta bay scajtijib majt'anil, soc biluc ya xjajch' ta pasel ta yutil te paq'ue. Te at'el ja'ex ay ta awentaic, melel jo'on cac'ojbeyex ta awentaic te at'el ta sacerdoteile. Teme ay mach'a ya x'at'ej ta sacerdoteil te ma'yuc ta swenta, ya me yich' castigo ta milel —xi' te Cajwaltique.

Números 3:10

Ja' nax me ya spasic yat'el ta sacerdoteil te Aarón soc te sts'umbale. Teme ay mach'a jich nax ya scuy sba ta sacerdote ta spasel te at'el, ya me yil swocol ta milel yu'un —xi' te Cajwaltique.

Números 3:38

Ta stojol sloq'uib c'aal ta yelaw te Nailpac' te bay ya yich' c'oponel Dios, tey la spas scampamentoic te Moisés, Aarón soc te snich'nab Aarón. Ja'ic la scanantayic te ch'ul awilal ta swenta te sjo'tac israeletique. Teme ay mach'a jich nax ya xjajch' ta at'el te ya scuy sba ta sacerdote, ya me yil swocol ta milel yu'un.

1 Samuel 6:19

Pero te Cajwaltic ay la yac'bey lajuc te yajwal Bet-semes, scaj te la sjam yilic te cajón yu'une. Jich la yac' lajuc lajuneb xchanwinic (70) ta jtul. Te yajwal lum bayal oq'uic yu'un te bayal mach'a la yac' lajuc te Cajwaltique.