San Lucas 3:3 - Bible in Tzeltal de Oxchuc y Tenejapa

³ Jich la yoclin spisil te ti'ti'ja' Jordán. La yalbey te ants-winiquetic te ac'a sujt'es yo'tanic ta stojol te Diose, soc ac'a yac' sbaic ta ich'ja', yu'un jich me ya spasbot perdón yu'un a te smulique.

Nuevo Testamento Tzeltal de Amatenango

³ Te Juane la yokli spisil te tiꞌtiꞌjaꞌ Jordane. La yalbe spisil te genteetik te a me sujtes yoꞌtanik yuꞌun te smulike sok a me yichꞌik jaꞌ, yuꞌun jich me ya spasbot perdon yuꞌun Dios te smulike.

Bible in Tzeltal Bachajón

³ Hich la yocliy spahmal te q'uinal ta ti'ti'ha' Jordán, yac yalbebel sc'oblal ich'-ha' yu'un suhtesel-o'tanil yu'un muliletic,

San Lucas 3:3 Iomraidhean Croise

San Mateo 3:11

Melel te ich'ja' ya caq'ue, ja' nax ta swenta seña te bit'il sujt'emix awo'tanic yu'un te amulique. Ja'uc me to, te mach'a patil ya xtal cu'une, ja' me ya yac'beyex awich'ic ja' ta swenta Ch'ul Espíritu soc c'ajc'. Ja' tulan yat'el yich'oj stuquel. Xujt' ma xtuunon ta abatinel yu'un ya caiy, ni yacuc xju' ya quich'bey bael te xanabe.

San Lucas 1:16

Ja' ta swenta te ay bayal alnich'anetic yu'un Israel te ya sujt'es yo'tanic ta stojol te Cajwaltic te Dios yu'unique.

San Lucas 1:77

Ya me awac'bey sna'ic stojol te lum yu'une te bit'il ya spasbotic perdón yu'un te smulique, te jich me ya sta scolelic sbajt'el q'uinal.

San Lucas 4:1

Te Jesús noj ta yo'tan te Ch'ul Espiritue. Jich la yijq'uitay jilel te muc'ja' Jordán, soc ic'ot bael yu'un te Espíritu ta bay jochol taquin q'uinal.

San Juan 1:28

Spisil in to tey c'ot ta pasel a ta bay q'uinal Betábara sbiil te ay ta stojol sloq'uib c'aal te ay ta xjejch'elul muc'ja' Jordán te banti la yac' ich'ja' te Juane.

San Juan 3:26

Jich ba sc'oponic te Juane: —Maestro, te mach'a ajoinej ta stojol sloq'uib c'aal ta bay jejch' muc'ja' Jordán te la awalbotic sc'oplale, ja' yaquix ta yaq'uel ich'ja'. Spisilic xbajt'iquix ta stojol —xiic.

Hechos 13:24

Te c'alal ma to xtal a te Jesuse, te Juan la yalbey yaiy spisil israeletic te sc'oplal ich'ja'e, swenta yu'un ya sujt'es yo'tanic ta stojol Dios.

Hechos 19:4

La yal te Pabloe: —Te Juane la yac' ich'ja' ta swenta sujt'esel-o'tanil yu'un mulil. Soc la yalbey yaiyic te lum te ja' ya xch'uunic te Mach'a patil ya xtal yu'une, ja' bi ja' te Jesús te Cristoe —xi'.

Hechos 22:16

Ta ora to, ¿bila ya amaliy xan? Jajch'an, ac'a aba ta ich'ja'. Jich me ya spocbat loq'uel amul te bit'il ya awalbey wocol te Cajwaltique”, la yuton te Ananiase.